រឿងរ៉ាវដែលមនុស្សមួយចំនួនចូលចិត្តវាយតម្លៃមនុស្សតែសម្រកក្រៅនៅតែកើតមានមិនឈប់មិនឈរ ជាពិសេសជនរងគ្រោះភាគច្រើននៃការម៉ាក់ងាយទាំងនោះ ច្រើនតែជាមនុស្សស្រី ដោយគ្រាន់តែនាងស្លៀកពាក់សិចស៊ីតិចតួច ឬដើរលេងតែម្នាក់ឯងជាដើម។ ជាក់ស្តែងថ្មីៗនេះ ស្រីស្រស់មួយរូបបែរជារងនូវការវា.យប្រហា.រតាមរយៈពាក្យសម្តី រហូតធ្វើឱ្យនាងស្ទើរតែ
រាជធានីភ្នំពេញ ៖ រឿងរ៉ាវដែលមនុស្សមួយចំនួនចូលចិត្តវាយតម្លៃមនុស្សតែសម្រកក្រៅនៅតែកើតមានមិនឈប់មិនឈរ ជាពិសេសជនរងគ្រោះភាគច្រើននៃការម៉ាក់ងាយទាំងនោះ ច្រើនតែជាមនុស្សស្រី ដោយគ្រាន់តែនាងស្លៀកពាក់សិចស៊ីតិចតួច ឬដើរលេងតែម្នាក់ឯងជាដើម។ ជាក់ស្តែងថ្មីៗនេះ ស្រីស្រស់មួយរូបបែរជារងនូវការវា.យប្រហា.រតាមរយៈពាក្យសម្តី រហូតធ្វើឱ្យនាងស្ទើរតែបាក់ទឹកចិត្តទៅហើយ។
ប្រាកដណាស់ តារាស្រីវ័យក្មេងដែលយើងកំពុងតែលើកឡើងនៅពេលនេះ គឺស្រីស្អាត ជី ឈីងលីន ហើយជឿជាក់ថា ពុកម៉ែបងប្អូនជាច្រើនដែលនិយមលេងហ្វេសប៊ុកជាច្រើនប្រាកដជាបានស្គាល់ហើយ នៅតារាសម្ដែងស្រីវ័យក្មេងមួយរូបនេះយ៉ាងពិតប្រាកដ។ នាងគឺជាតារាដែលមានសម្រស់ស្រស់ស្អាត សាច់.សខ្ចី និងកំពុងតែមានភាពលេចធ្លោល្បីល្បាញមិនធម្មតានោះឡើយ ជាពិសេសអ្នកគាំទ្រស្គាល់នាងយ៉ាងច្បាស់ថា ជាចៅស្រីរបស់តារាកំប្លែងប្រុសដ៏មានស្នាដៃ និងទេពកោសល្យពេញខ្លួននោះ គឺនាយកុយ។
ងាកមករឿងហួសចិត្តដែលនាងទើបពើបប្រទះវិញ គឺកាលពីពេលថ្មីៗនេះ តារាសម្ដែងស្រីវ័យក្មេង ជី ឈីងលីន ហាក់បីដូចជាឈឺចាប់យ៉ាងខ្លាំង បន្ទាប់ពីប៉ុន្មានថ្ងៃមុននេះ មានមនុស្សមួយចំនួននិយាយដោយប្រើពាក្យមិនល្អទៅលើរូបនាង។ រហូតទ្រាំនឹងសម្ដីបែបនោះមិនបាន ស្រីស្អាត ជី ឈីងលីន ក៏បានចេញមុខមកពោលពាក្យយ៉ាងក្ដុកក្ដួលនៅលើគណនីហ្វេសប៊ុកផេកផ្ទាល់របស់ខ្លួនអោយគ្រប់គ្នាបានដឹង ដោយគ្មានលាក់លៀម។ ហើយើនារីរូបស្រស់នេះ បានលាតត្រដាងនូវរឿងរ៉ាវមួយចំនួនដែលខ្លួននាងត្រូវគេនិយាយប្រមា.ថ មើលងា.យតាំងពីតូចរហូតដល់ធំពេញវ័យ។
តាមរយៈវីដេអូ Review ផលិតផលថែសម្រស់មួយ ដោយនៅក្នុងឃ្លីបនោះ បានបញ្ចេញនៅដើមទ្រូងបន្តិចបន្តួចតែប៉ុណ្ណោះឯងគ្មានអ្វីធ្ងន់ធ្ងរ ឬមួយក៏លើសលួសនោះឡើយ។ ប៉ុន្តែបែរជានៅសុខៗ ក៏ស្រាប់តែមានអ្នកនិយមប្រើប្រាស់នៅក្នុងបណ្ដាញទំនាក់ទំនងសង្គមមួយចំនួន នាំគ្នាចូលទៅ Comment និយាយអាក្រក់ៗដាក់នាង ហើយថែមទាំងមិនឲ្យតម្លៃនាងទៀត។ មិនត្រឹមតែប៉ុណ្ណោះថែមទាំងហៅនាងចេញពីមាត់សុទ្ធតែថា ជា «SP (សំ.ភឹ.ង )» ទៀតផង សួរថា ការនិយាយសម្តីមកលើក្មេងស្រីខ្លួនតូចតែមួយបែបនេះ តើសាកសមដែរឬទេ? ព្រោះការវា.យប្រហា.រពីមហាជនអាចធ្វើអោយមនុស្សម្នាក់គិតខ្លីបានត្រឹមតែមួយប៉ប្រិចភ្នែកបាន។
ដោយទ្រាំមិនបាន និងក្ដៅចិត្តខ្លាំងពេក ស្រីស្អាត ជី ឈីងលីន ក៏បានបង្ហោះសារនៅលើគណនីរបស់ខ្លួនទៀត ដោយនិយាយថា «សម្តីខ្លះរបស់អ្នកអាចបំបាក់ទឹកចិត្តខ្ញុំបាន ខ្ញុំមិនរឹងមាំរហូតនោះទេ»។ បន្ទាប់ពីឃើញនៅសម្ដីបែបនេះរួចមក ជាហេតុធ្វើអោយតារាស្រីរូបនេះ ស្ទើរតែបាក់ទឹកចិត្តម្ដងៗទៅហើយ តែនាងតែងតែមានបងៗអ្នកនៅជុំវិញខ្លួន និយាយលើកទឹកចិត្តគ្រប់ៗគ្នា កុំអោយខ្វល់ពីមាត់របស់មនុស្សដែលគ្មានការគិតទាំងអស់នឹង។
ក្រោយពីបានឃើញតារាស្រីវ័យក្មេង មានសមត្ថភាពចេះរកលុយដោយខ្លួនឯងតាំងពីតូចរូបនេះ និយាយនៅក្នុងវីដេអូទាំងទឹកភ្នែក អួលដើម.ក និងបង្ហោះសាររួចមក ក៏មានហ្វេនៗដែលតែងតែស្រលាញ់ចូលចិត្តគាំទ្ររូបនាង ក៏នាំគ្នាចូលទៅខមិនលើកទឹកចិត្តថា «ពិតណាស់!! មនុស្សម្នាក់មិនអាចផ្គាប់ចិត្តមនុស្ស១០០នាក់បានឡើយ Strong ណាអូន កុំខ្វល់ពីអ្នកសម្ដីអ្នកដទៃច្រើនពេក ត្រូវរស់ជាខ្លួនឯង Be confident for yourself»។ មួយចំនួនទៀតក៏និយាយប្រាប់ថា «កុំខ្វល់ពីគេអូនលីន សំខាន់អូនល្អ អាចរកចំណូលបានដោយខ្លួនឯង ជួយម៉ាក់ប៉ា love you so much»។ «គ្មានមនុស្សណាដែលល្អគ្រប់ដប់ទេ ហើយក៏គ្មានអ្នកណាអង្គុយតែត្រូវរហូតដែរ Be strong idol»។
ចំណែកហ្វេងខ្លះទៀត ក៏បានបញ្ចេញមតិដែរថា «យ៉ាប់ណាស់ មនុស្សមួយចំនួន ចេញមកតាមតែចាប់កំហុក តាមតែថាអោយគេ ចេះរៀនបើកចិត្តអោយទូលាយតិចទៅ ការស្លៀកពាក់ប៉ុងនឹងវាមិនលើសលួសអ្វីទេ គួរយកចិត្តគេដាក់ចិត្តខ្លួនឯងខ្លះទៅ បើសិនជាគេថាអោយ ឬវា.យតម្លៃលើអ្នកវិញ តើអ្នកមានអារម្មណ៍បែបណា?»។ «តាមពិតទៅមិនចាំបាច់តែយើងធ្វើអីខុសទេ ឈីង-លីន មនុស្សខ្លះគ្រាន់តែយើងល្អជាងគេក៏ខុសដែរ (ពាក្យខ្លះគេនិយាយចេញមកហើយក៏ភ្លេចបាត់ តែអ្នកទទួលមិនដែលភ្លេចឡើយ) Be stronger i love u so much ឈីងលីន» និងនៅមានពាក្យលើកទឹកចិត្តអោយនាងរឹងមាំជាច្រើនទៀតដែលយើងមិនអាចរៀបរាប់អស់បាននោះឡើយ៕ ដោយ ៖ សុភា ដានេត
ចែករំលែកព័តមាននេះ