ឧបករណ៍នេសាទខុសច្បាប់ជាច្រើន ត្រូវបានកម្លាំងចម្រុះ ចុះត្រួតពិនិត្យ និងបង្ក្រាបបាន រួចប្រមូលយកមកដុតបំផ្លាញចោលជាបន្តបន្ទាប់ក្នុងរយៈពេលប៉ុន្មានថ្ងៃមកនេះ។ហើយនៅថ្ងៃទី០៧ ខែសីហា ឆ្នាំ២០២៣នេះដែរ ក្រុមការងាររបស់ខណ្ឌរដ្ឋបាលជលផលខេត្តក្រចេះ ក៏បាន
ខេត្តក្រចេះ ៖ ឧបករណ៍នេសាទខុសច្បាប់ជាច្រើន ត្រូវបានកម្លាំងចម្រុះ ចុះត្រួតពិនិត្យ និងបង្ក្រាបបាន រួចប្រមូលយកមកដុតបំផ្លាញចោលជាបន្តបន្ទាប់ក្នុងរយៈពេលប៉ុន្មានថ្ងៃមកនេះ។ហើយនៅថ្ងៃទី០៧ ខែសីហា ឆ្នាំ២០២៣នេះដែរ ក្រុមការងាររបស់ខណ្ឌរដ្ឋបាលជលផលខេត្តក្រចេះ ក៏បានសហការគ្នាចុះត្រួតពិនិត្យ និងបង្ក្រាបបទល្មើសនេសាទនៅក្រៅតំបន់គ្រប់គ្រង ការពារសត្វផ្សោត និងជីវចម្រុះជលផល ទន្លេមេគង្គ នៅត្រង់ចំណុចបឹងកូនសត្វ ស្រែអាង ស្រែផល និងជ្រោយវែង ស្ថិតក្នុងឃុំព្រែកសាម៉ាន់ ស្រុកឆ្លូង ខេត្តក្រចេះ។
ក្នុងការចុះបង្ក្រាបខាងលើនេះ កម្លាំងចម្រុះបានធ្វើការរុះរើ និងបំផ្លាញចោលលទ្ធផលសម្រេចបាន ដូចជាឧបករណ៍នេសាទល្មើសច្បាប់ រួមមាន ៖ របាំងស្បៃមុងចំនួន១៥ខ្សែ ប្រវែង៨៦០មែត្រ, លូស្បៃមុងចំនួន១៥មាត់លូ. បង្គោលចម្រឹងឬស្សី ១៨០ដើម, ចាក់លែងត្រីចម្រុះចូលបឹងធម្មជាតិ ប្រមាណ៦០គីឡូក្រាមផងដែរ។
ពាក់ព័ន្ធក្នុងការបង្ក្រាបនោះដែរ ផ្នែករដ្ឋបាលជលផលព្រែកប្រសព្វ បានសហការជាមួយគណៈបញ្ជាការឯកភាពស្រុកឆ្លូង កម្លាំងមូលដ្ឋានកងរាជអាវុធហត្ថស្រុក កម្លាំងនគរបាលនៃអធិការដ្ឋាននគរបាលស្រុក កម្លាំងនគរបាលប៉ុស្តិ៍រដ្ឋបាល ក្រុមប្រឹក្សាឃុំ ប្រជាការពារ និងសហគមន៍នេសាទ ឃុំព្រែកសាម៉ាន់ សរុបចំនួន១០នាក់។ ក្នុងនោះមានតំណាងគណៈបញ្ជាការឯកភាពស្រុក០១រូប, មានផ្នែកជលផល០១រូប, កងរាជអាវុធហត្ថ០១រូប, នគរបាល០៣រូប, ក្រុមប្រឹក្សាឃុំ០១រូប, ប្រជាការពារ០១រូប និងសហគមន៍នេសាទ០២រូបទៀត បានប្រើប្រាស់ទូកម៉ាស៊ីនចំនួន០៣គ្រឿង។ចំណែកឯវត្ថុតាងដែលបង្ក្រាប និងរឹបអូសបានទាំងអស់ ត្រូវបានក្រុមចម្រុះដុតបំផ្លាញចោលនៅលើទីទួលក្បែរកន្លែងចាប់នោះអស់ទៅហើយដែរ។
ពាក់ព័ន្ធក្នុងតំបន់គ្រប់គ្រងការពារសត្វផ្សោត និងជីវចម្រុះជលផលទន្លេមេគង្គនេះដែរ ឆ្មាំទន្លេសហការជាមួយសហគមន៍នេសាទ ប្រើប្រាស់ទូកម៉ាស៊ីនចំនួន០៣គ្រឿង ដែលមានអ្នកចូលរួមចំនួន០៩នាក់ ក្នុងនោះឆ្មាំចំនួន០៧នាក់ និងសហគមន៍នេសាទចំនួន០២នាក់ បានចុះល្បាតត្រួតពិនិត្យ និងបង្ក្រាបបទល្មើសនេសាទនៅតំបន់សត្វផ្សោតកាំពីនោះ និងតំបន់ទ្រនាប់ ពុំជួបប្រទះបទល្មើសនេសាទឡើយ៕
ចែករំលែកព័តមាននេះ