ម្ចាស់ផ្ទះចេញក្រៅអស់ អ្នកជិតខាងធុំក្លិនឈ្ងៀមខ្លាំង ក៏នាំគ្នារកមើល ស្រែកផ្អើលឆោឡោ
- ភ្នំពេញ
រាជធានីភ្នំពេញ ៖ ផ្ទះឈើលើថ្មក្រោម១ខ្នង រួមទាំងទ្រព្យសម្បត្តិទាំងអស់នៅក្នុងផ្ទះនោះ ត្រូវបាន
រាជធានីភ្នំពេញ ៖ ផ្ទះឈើលើថ្មក្រោម១ខ្នង រួមទាំងទ្រព្យសម្បត្តិទាំងអស់នៅក្នុងផ្ទះនោះ ត្រូវបាន
រាជធានីភ្នំពេញ ៖ ផ្ទះឈើលើថ្មក្រោម១ខ្នង រួមទាំងទ្រព្យសម្បត្តិទាំងអស់នៅក្នុងផ្ទះនោះ ត្រូវបានភ្លើងឆេះទាំងស្រុង សង្ស័យផ្ដើមចេញពីការឆ្លងចរន្តអគ្គិនី ខណៈដែលម្ចាស់អត់នៅជាប់រវល់ចេញទៅធ្វើការបាត់ ដោយបិទទ្វារទុកចោលគ្មានមនុស្សនៅ ហើយភ្លាមៗនោះអ្នកភូមិជួយពន្លត់ដែរ ប៉ុន្តែជួយមិនឈ្នះឡើយ។
ហេតុការណ៍ខាងលើនេះបានកើតឡើងកាលពីវេលាម៉ោង៣រសៀលថ្ងៃទី៤ ខែសីហា ឆ្នាំ២០២៣ នៅក្នុងភូមិទួលសំបូរ សង្កាត់ព្រៃវែង ខណ្ឌដង្កោ រាជធានីភ្នំពេញ ។
តាមប្រភពព័ត៌មានបានឲ្យដឹងថា ផ្ទះដែលត្រូវភ្លើងឆាបឆេះអស់ទាំងស្រុងនេះសាងសង់ពីឈើខាងលើនិងបន្ទប់ថ្មខាងក្រោមប្រក់ដំបូលស័ង្កសី ដោយម្ចាស់បិទទ្វារចោលព្រោះជាប់រវល់ចេញទៅធ្វើការកស៊ី ចំណែកកូនៗរបស់គាត់បានចេញទៅរៀនអស់ ។ នៅពេលកើតហេតុខាងលើ អ្នកជិតខាងបានធុំក្លិនឈ្ងៀមយ៉ាងខ្លាំង ក៏នាំគ្នារកមើលស្រាប់តែឃើញផ្ទះនោះកំពុងត្រូវភ្លើងឆេះ ហើយក៏មានការភ្ញាក់ផ្អើលនាំគ្នាជួយពន្លត់ និងរាយការណ៍សុំអន្តរាគមន៍ពីអាជ្ញាធរ ។
តាមប្រភពដដែលបានប្រាប់ថា ពេលនោះពន្លត់អត់រលត់ទេភ្លើងឆេះកាន់តែខ្លាំង និងឆាប់រហ័សបំផុត ព្រោះជាផ្ទះឈើហើយក៏ចាប់ផ្ដើមឆេះចេញពីខាងលើនោះមុនទៀតផង ចំណែកទ្រព្យសម្បត្តិទាំងអស់ដែលនៅក្នុងផ្ទះនោះក៏ត្រូវភ្លើងឆេះជាមួយផ្ទះផងដែរ ។
អ្នកភូមិបានត្រឹមតែជួយចូលរួមសោកស្ដាយជាមួយម្ចាស់ផ្ទះតែប៉ុណ្ណោះ លុះបន្តិចក្រោយមកទើបរថយន្តពន្លត់អគ្គិភ័យទៅដល់ជាបន្តបន្ទាប់ច្រើនគ្រឿង និងបានបាញ់ពន្លត់រហូតរលត់មិនឲ្យឆេះរាលដល់ផ្ទះអ្នកជិតខាងទៀតឡើយ ហើយក៏ពុំទាន់ដឹងពីទំហំនៃការខូចខាតទ្រព្យសម្បត្តិនៅក្នុងផ្ទះនោះប៉ុន្មាននៅឡើយ ៕
ចែករំលែកព័តមាននេះ