ខេត្តស្ទឹងត្រែង ៖ រដ្ឋបាលជលផល ឧទ្យានុរក្សតំបន់រ៉ាម់សារ សហគមន៍នេសាទ បានកង្កើនការល្បាតនៅតាមដងទន្លេ ដកហូតមងក្រឡានៅតំបន់ហាមឃាត់ក្នុងរដូវបិទនេសាទ ព្រមទាំងធ្វើកិច្ចសន្យាលើប្រជានេសាទ ដែលនេសាទប៉ះពាល់ដក់ជម្រកត្រីមេពូជផងដែរ។ ទន្ទឹមនោះ…
ខេត្តស្ទឹងត្រែង ៖ រដ្ឋបាលជលផល ឧទ្យានុរក្សតំបន់រ៉ាម់សារ សហគមន៍នេសាទ បានកង្កើនការល្បាតនៅតាមដងទន្លេ ដកហូតមងក្រឡានៅតំបន់ហាមឃាត់ក្នុងរដូវបិទនេសាទ ព្រមទាំងធ្វើកិច្ចសន្យាលើប្រជានេសាទ ដែលនេសាទប៉ះពាល់ដក់ជម្រកត្រីមេពូជផងដែរ។
ទន្ទឹមនោះ ខណ្ឌរដ្ឋបាលជលផលខេត្តស្ទឹងត្រែង ក៏បានអំពាវនាវឱ្យប្រជាពលរដ្ឋក្នុងខេត្តស្ទឹង ត្រែងទាំងអស់ សូមចូលរួមថែរក្សាអភិរក្សជាស់វាងកុំប្រើប្រាស់ឧបករណ៍នេសាទខុសច្បាប់ ដូច
ជាឆក់ បំផ្ទុះគ្រាប់ ប្រើថ្នាំពុល និងប្រើមងឬអួនវែងៗជាដើម ខណៈរដូវនេះជារដូវត្រីពងកូន។
នាយខណ្ឌរដ្ឋបាលជលផលខេត្តស្ទឹងត្រែង លោក ស្រី សុវិចិត្រ នាថ្ងៃទី២ ខែសីហា ឆ្នាំ២០២៣នេះ លោកបានបញ្ជាក់ថា សម្រាប់ខេត្តស្ទឹងត្រែងយើងនេះ គឺចាប់បិទនេសាទពីថ្ងៃទី១ ខែឧសភា ដល់ថ្ងៃទី៣០ ខែកញ្ញា ជារៀងរាល់ឆ្នាំ ហើយនៅរដូវកំពុងបិទនេសាទនេះ ប្រជាពលរដ្ឋអាចប្រើឧប
ករណ៍នេសាទតូចតាច ដើម្បីចិញ្ចឹមជីវភាពលក្ខណៈគ្រួសារបាន ហើយឧបករណ៍ទាំងនោះទៀតសោធ ត្រូវប្រើឱ្យបានត្រឹមត្រូវតាមច្បាប់ស្តីពីជលផលថែមទៀតផងដែរ។
លោក ស្រី សមវិចិត្រ បានលើកឡើងថា នៅក្នុងរដូវកំពុងបិទនេសាទនេះ បើទោះបីជាច្បាប់អនុញ្ញាតឱ្យប្រជាពលរដ្ឋប្រើឧបករណ៍នេសាទត្រឹមត្រូវតាមច្បាប់ស្តីពីជលផលក៏ដោយ តែឧបករណ៍នេសាទត្រឹមត្រូវតាមច្បាប់ទាំងនេះ មិនអាចយកទៅនេសាទលក្នុងតំបន់អភិរក្សត្រីមេពូជនោះទេ បើប្រើនិងខុសច្បាប់។លោកបន្តថា ចំពោះតំបន់អភិរក្សត្រីមេពូជ ត្រូវបានហាមឃាត់គ្រប់ពេលវេលា ទោះបីក្នុងរដូវបិទនេសាទក្តី និងក្នុងរដូវបើកនេសាទក្តី។ ម្យ៉ាងទៀតចំពោះឧបករណ៍នេសាទ ត្រូវបានហាមប្រើគ្រប់ប្រភេទថែមទៀត។
ជាមួយគ្នានេះ នាយខណ្ឌជលផល បានអំពាវនាវយ៉ាងទទូចឲ្យប្រជាជនអត់ធ្មត់ និងចូលរួមទាំងអស់គ្នាកុំនេសាទត្រីក្នុងរដូវបិទនេសាទឱ្យសោះ ដើម្បីទុកឱកាសឱ្យត្រីពងកូនបានច្រើនសំបូរបែបតទៅឆ្នាំខាងមុខៗទៀត។ ក្នុងយុទ្ធនាការការពារត្រីមេពូជ រដូវបិទនេសាទនេះរដ្ឋបាលជលផលមន្ត្រីឧទ្យានុរក្សតំបន់រ៉ាម់សារ កម្លាំងសហគមន៍នេសាទ គិតចាប់ពីដើម ខែឧសភា ដល់ខែកក្កដា ឆ្នាំ២០២៣ បានដកហូតមងបណ្ដែត ប្រវែង២៩.០០០ម៉ែត្រ ដកហូតសន្ទូចរនងដែលលួចដាក់ក្នុងតំបន់គ្រប់គ្រង និងការពារសត្វផ្សោត និងតំបន់ហាមឃាត់ ចំនួន៤៩៣៣ផ្លែ ដកហូតបានទូក ០១
គ្រឿង ម៉ាស៊ីន ០១គ្រឿង ក្បាលឆក់ ០២គ្រឿង អាគុយ ៣គ្រឿង និងអប់រំ និងផ្សព្វផ្សាយដល់អ្នក
នេសាទចំនួន១៤៧នាក់ ព្រមទាំងធ្វើកិច្ចសន្យាដល់ប្រជានេសាទចំនួន៣៣នាក់អប់រំណែនាំ និងធ្វើកិច្ចសន្យាដល់អាជីវករដឹកជញ្ជូនត្រីចំនួន០៥នាក់ កុំឲ្យទិញផលនេសាទបានពីការនេសាទខុសច្បាប់ និងប្រភេទធនធានជលផលកំពុងរងគ្រោះថ្នាក់ និងឲ្យគោរពច្បាប់ស្ដីពីជលផល ។ ក្រោយការដកហូតវត្ថុតាងបានបំផ្លាញចោលរបាំងស្បៃមុងប្រវែង ២០០ម៉ែត្រ។
ជាមួយគ្នានេះ រដ្ឋបាលជលផលក៏បានរៀបចំកម្លាំងប្រចាំការនៅលើកោះសន្ទក់ និងតំបន់សំខាន់ៗមួយចំនួន ពេលត្រីកំពុងចេញពីអន្លង់ដើម្បីបន្តពូជ និងរកកន្លែងពងកូន៕
ចែករំលែកព័តមាននេះ