ល្បិ.ច! ជិះចូលចម្ការកៅស៊ូប្រាប់ថា យកអាចម៍ គោធ្វើជី បែរជាដឹកទាំងការ៉ុងចេញទៅបាត់
- ស្ទឹងត្រែង
ខេត្តស្ទឹងត្រែង ៖ កម្លាំងនគរបាលស្រុកសៀមបូក ចុះឃាត់ខ្លួនជនសង្ស័យម្នាក់ លួចជ័រកៅស៊ូ នៅ
ខេត្តស្ទឹងត្រែង ៖ កម្លាំងនគរបាលស្រុកសៀមបូក ចុះឃាត់ខ្លួនជនសង្ស័យម្នាក់ លួចជ័រកៅស៊ូ នៅ
ខេត្តស្ទឹងត្រែង ៖ កម្លាំងនគរបាលស្រុកសៀមបូក ចុះឃាត់ខ្លួនជនសង្ស័យម្នាក់ លួចជ័រកៅស៊ូ នៅចំការកៅស៊ូមួយកន្លែង ស្ថិតនៅភូមិកោះសម្ពាយ ឃុំកោះសម្ពាយ ស្រុកសៀមបូក កាលពីយប់ថ្ងៃទី៣០ កក្កដា ឆ្នាំ២០២៣ ។
មន្ត្រីអធិការដ្ឋាននគរបាលស្រុកអោយដឹងថា ជនសង្ស័យឈ្មោះចិត្រ និស្ស័យ ភេទប្រុស អាយុប្រហែលជាង២០ឆ្នាំ មានទីលំនៅភូមិដំរីផុង ឃុំកោះសម្ពាយ ស្រុកសៀមបូក។
តាមប្រភពព័ត៌មានពីម្ចាស់ចំការអោយដឹងថា កាលពីយប់រំលងអាធ្រាត្រឈានចូលថ្ងៃទី៣០ កក្កដានៅក្នុងចំការកៅស៊ូរបស់ខ្លួនបានបាត់ជ័របង្កកក្នុងចានប្រមាណជា៦ជួរប្រហាក់ប្រហែលជិត៧០គីឡូក្រាម ។ បន្ទាប់ហេតុការនេះកើតឡើងម្ចាស់ចំការបានទៅដាក់ពាក្យបណ្តឹងនៅអធិការដ្ឋាននគរបាលស្រុក។
តាមប្រភពបន្តថា គ្រាម្ចាស់ចំការទៅដាក់ពាក្យបណ្តឹង នគរបាលប៉ុស្តិ៍បានប្រាប់ទៅម្ចាស់ចំការនោះវិញថាក្រុមមន្ត្រីនគរបាលខ្លួនបានចេញល្បាតនៅពេលយប់ ប្រទះឃើញគេដឹកជ័រកៅស៊ូតាមម៉ូតូដែរ។
យោងតាមម្ចាស់ចំការបានរៀបរាប់ប្រាប់សមត្ថកិច្ចថែមទៀតថា កាលពីព្រឹកថ្ងៃកើតហេតុ ក៏ប្រទះឃើញជនសង្ស័យជិះម៉ូតូចូលដល់ក្នុងចំការហើយបានសួរនាំទៅណាមកណា ជនសង្ស័យបានឆ្លើយថាមកយកអាចម៍គោទៅធ្វើជីស្រោចបន្លែ ។ ពេលនោះម្ចាស់ចំការក៏សួរបន្ថែមថានៅវាលស្រែ ម៉េចក៏មិនយក មកយកអីនៅក្នុងចំការកៅស៊ូនេះវិញ តែជនសង្ស័យមិនឆ្លើយតប ក៏ជិះម៉ូតូចេញវិញបាត់ ។
ក្រោយមានពាក្យបណ្តឹងរួចមកសមត្ថកិច្ចបានកំណត់មុខសញ្ញា ចុះឃាត់ខ្លួនជនសង្ស័យរួមវត្ថុតាងជាក់ស្តែងរួមមានជ័រកៅស៊ូបង្កកក្នុងចានចំនួន៦៩គីឡូក្រាម។
បច្ចុប្បន្ន សមត្ថកិច្ចកំពុងកសាងសំណុំរឿងបញ្ជូនជនសង្ស័យទៅស្នងការដ្ឋាននិងបន្តនីតិវិធីទៅសាលាដំបូងខេត្តបន្ត ៕
ចែករំលែកព័តមាននេះ