មនុស្សម្នាក់បានស្លា.ប់បា.ត់ប.ង់ជីវិ.ត និងមនុស្ស២នាក់ទៀតរងរបួស ដោយសារតែរន្ទះបា.ញ់ ខណៈពេលពួកគេនាំគ្នាចូលជ្រកភ្លៀងនៅក្នុងខ្ទមស្រែមួយកន្លែង នៅចំណុចខ្ទមស្រែគីឡូ៦ ស្ថិតក្នុង
ខេត្តក្រចេះ ៖ បើតាមសេចក្តីរាយការណ៍បានឱ្យដឹងថា មនុស្សម្នាក់បានស្លា.ប់បា.ត់ប.ង់ជីវិ.ត និងមនុស្ស២នាក់ទៀតរងរបួស ដោយសារតែរន្ទះបា.ញ់ ខណៈពេលពួកគេនាំគ្នាចូលជ្រកភ្លៀងនៅក្នុងខ្ទមស្រែមួយកន្លែង នៅចំណុចខ្ទមស្រែគីឡូ៦ ស្ថិតក្នុងភូមិឈើទាលភ្លោះលើ ឃុំកញ្ជរ ស្រុកឆ្លូង កាលពីល្ងាចថ្ងៃទី២៩ ខែកក្កដា ឆ្នាំ២០២៣។
តាមការអោយដឹងពីនគរបាលប៉ុស្តិ៍រដ្ឋបាលឃុំកញ្ជរ បានអោយដឹងថា ជនរងគ្រោះខាងលើនេះ ទី១- ឈ្មោះ អោម ណារេន ភេទប្រុស អាយុ២៧ឆ្នាំ ជនជាតិខ្មែរ មានទីលំនៅភូមិឈើទាលភ្លោះលើ ឃុំកញ្ជរ ស្រុកឆ្លង ខេត្តក្រចេះ បានស្លា.ប់នៅនឹងកន្លែងកើតហេតុ។ ទី២- ឈ្មោះ អៀង បូរិន ភេទប្រុស អាយុ៣៨ឆ្នាំ ជនជាតិខ្មែរ ទីលំនៅភូមិឈើទាលភ្លោះលើ ឃុំកញ្ជរ ស្រុកឆ្លូង ខេត្តក្រចេះ រងរបួសធ្ងន់។ ទី៣- ឈ្មោះ ភួង ចន្ទ័មុនី ភេទប្រុស អាយុ៣៤ឆ្នាំ ជនជាតិខ្មែរ ទីលំនៅភូមិកញ្ជរ ឃុំកញ្ជរ ស្រុកឆ្លូង ខេត្តក្រចេះ របួសស្រាល។
តាមប្រភពព័ត៌មានបានអោយដឹងទៀតថា នៅល្ងាចថ្ងៃទី២៩ ខែកក្កដា ឆ្នាំ២០២៣ វេលាម៉ោង១៧និង៣០នាទីល្ងាច ជនរងគ្រោះទាំង៣នាក់បានទៅឃ្វាលគោនៅឯវាលស្រែ គ្រានោះមានធ្លាក់ភ្លៀងយ៉ាងខ្លាំងលាយឡំទៅដោយខ្យល់ ហើយក៏មានផ្គររន្ទះផងដែរ។ ចំណែកជនរងគ្រោះទាំង៣នាក់ក៏នាំគ្នាចូលជ្រកក្នុងខ្ទមស្រែមួយកន្លែង លុះមួយសន្ទុះក៏ស្រាប់តែមានរន្ទះបា.ញ់ បង្កឱ្យមានមនុស្សម្នាក់ស្លា.ប់ និង២នាក់ទៀតរងរបួសធ្ងន់ និងស្រាល។
ទាក់ទិននឹងករណីខាងលើនេះ កម្លាំងជំនាញអធិការដ្ឋាននគរបាលស្រុកឆ្លូង រួមសហការជាមួយកម្លាំងប៉ុស្តិ៍នគរបាលរដ្ឋបាលកញ្ជរ បានចុះទៅដល់កន្លែងកើតហេតុ ដើម្បីធ្វើការត្រួតពិនិត្យសា.កស.ពជនរងគ្រោះ រួចសន្និដ្ឋានថា ជនរងគ្រោះពិតជាស្លា.ប់ដោយសាររន្ទះបា.ញ់ពិតប្រាកដមែន។ ចំណែកអ្នករងរបួសទាំង២នាក់ទៀត ត្រូវបានក្រុមគ្រួសារនាំយកទៅសង្គ្រោះនៅមន្ទីរពេទ្យបង្អែកស្រុកឆ្លូងផងដែរ៕
ចែករំលែកព័តមាននេះ