ខេត្តរតនគិរី ៖ ករណីអគ្គិភ័យឆាបឆេះភោជនីយដ្ឋានពន្លឺថ្មីដែលមានទីតាំងស្ថិតនៅសង្កាត់ឡាបានសៀក ក្រុងបានលុង ខេត្ដរតនគិរី កម្លាំងសមត្ថកិច្ចចាប់ខ្លួនជនសង្ស័យម្នាក់ជាចៅបង្កើតម្ចាស់ទីតាំងតែម្ដង លួចដុតហាងរបស់ជីតាខ្លួនដោយសារខឹងកាត់កាលចោល ។ ការចាប់ខ្លួននេះ សមត្ថកិច្ចបានធ្វើឡើងនៅព្រលប់…
ខេត្តរតនគិរី ៖ ករណីអគ្គិភ័យឆាបឆេះភោជនីយដ្ឋានពន្លឺថ្មីដែលមានទីតាំងស្ថិតនៅសង្កាត់ឡាបានសៀក ក្រុងបានលុង ខេត្ដរតនគិរី កម្លាំងសមត្ថកិច្ចចាប់ខ្លួនជនសង្ស័យម្នាក់ជាចៅបង្កើតម្ចាស់ទីតាំងតែម្ដង លួចដុតហាងរបស់ជីតាខ្លួនដោយសារខឹងកាត់កាលចោល ។
ការចាប់ខ្លួននេះ សមត្ថកិច្ចបានធ្វើឡើងនៅព្រលប់ ថ្ងៃទី២៨ ខែកក្កដា ឆ្នាំ២០២៣ បន្ទាប់ពីបានសាកសួរម្ចាស់ទីតាំងឈ្មោះ ងួន ចាន់ទ្រី អាយុ៦៥ឆ្នាំ ដែលសង្ស័យថា មិនមែនជាករណីឆ្លងចរន្ដអគ្គិសនីនោះទេ ។
ក្រោយពីការសើបអង្កេតរបស់សមត្ថកិច្ចបានប្រើវិធានជំនាញទើបឈានដល់ធ្វើការចាប់ខ្លួនជនសង្ស័យបានម្នាក់ឈ្មោះ ងួន លីហេង អាយុ១៧ឆ្នាំ ជាចៅបង្កើតរបស់ម្ចាស់ទីតាំងនោះតែម្ដង ។
នៅចំពោះមុខសមត្ថកិច្ចជនសង្ស័យបានសារភាពថា ខ្លួនពិតជាអ្នកធ្វើសកម្មភាពលួចដុតភោជនីយដ្ឋានជីតារបស់ខ្លួនពិតប្រាកដមែន ដោយសារខឹងគាត់កាត់កាលចោល ។
គួរបញ្ជាក់ថា កាលពីវេលាម៉ោង២៣និង៣០នាទីយប់ ថ្ងៃទី២៧ ខែកក្កដា ឆ្នាំ២០២៣នោះមានករណីឆេះភោជនីដ្ឋានពន្លឺថ្មី ស្ថិតក្នុងភូមិជ័យជំនះសង្កាត់ឡាបានសៀក ក្រុងបានលុង ខេត្តរតនគិរី ឆេះខូចខាតទ្រព្យសម្បត្តិអស់ទាំងស្រុងប្រមាណ៥០ម៉ឺនដុល្លារ ។ ក្នុងហេតុការណ៍នេះ កម្លាំងនគរបាលពន្លត់អគ្គិភ័យប្រើប្រាស់ទឹកអស់ជាង៣០ឡាន៕
ចែករំលែកព័តមាននេះ