ប្រទេសថៃ៖ កូនស្រីរបស់លោកថាក់ស៊ីន បាននិយាយថា អតីតនាយករដ្ឋមន្ត្រីថៃ ដែលបាន​ចំណាយ​ពេលជាង ១៥ឆ្នាំ ក្នុងការនិរទេសខ្លួន ដោយបង្ខំខ្លួនឯង ដើម្បីជៀសវាងការ​ចោទប្រកាន់​ផ្លូវច្បាប់ នឹងវិលត្រឡប់មកប្រទេសថៃវិញ នៅខែក្រោយនេះ ចំពេលជាប់គាំង​នយោបាយ​ដ៏តានតឹង។

កូនស្រីរបស់លោកថាក់ស៊ីន គឺលោក ស្រី Paetongtarn Shinawatra ដែលថ្មីៗនេះ បានឈរឈ្មោះជាបេក្ខជននាយករដ្ឋមន្ត្រី សម្រាប់គណបក្សភឿថៃ ដែលជា​គណបក្សគាំទ្រដោយឪពុករបស់នាង បាននិយាយថា លោក ថាក់ស៊ីន នឹងត្រលប់មកវិញ នៅថ្ងៃទី ១០ ខែសីហា។

នាងបានសរសេរថា “ខ្ញុំមិនជឿអ្វីដែលខ្ញុំ កំពុងវាយនោះទេ ប៉ានឹងត្រលប់មកវិញ នៅថ្ងៃទី១០ ខែសីហា នៅអាកាសយានដ្ឋាន ដន មឿង”។ “បេះដូងរបស់ខ្ញុំ និងមនុស្សគ្រប់គ្នា ក្នុងគ្រួសាររបស់យើង មានអារម្មណ៍ក្តុកក្តួល សប្បាយចិត្ត និងព្រួយបារម្ភ។ ប៉ុន្តែយើងគោរពការ​សម្រេចចិត្តរបស់ប៉ា”៕