តារាសម្តែងនាង ថៃ នារីសុជាតា ឬហៅថា ហ្វី យ៉ាតា បានចេញមុខទម្លាយរឿងរ៉ាវនឹកស្មានមិនដល់នៅពីក្រោយខ្នងក្នុងវិស័យភាពយន្តខ្មែរនាពេលបច្ចុប្បន្ន ខណៈបញ្ហានេះ បានធ្វើអោយមហាជនមានការភ្ញាក់ផ្អើលយ៉ាងណាខ្លាំង
រាជធានីភ្នំពេញ ៖ តារាសម្តែងនាង ថៃ នារីសុជាតា ឬហៅថា ហ្វី យ៉ាតា បានចេញមុខទម្លាយរឿងរ៉ាវនឹកស្មានមិនដល់នៅពីក្រោយខ្នងក្នុងវិស័យភាពយន្តខ្មែរនាពេលបច្ចុប្បន្ន ខណៈបញ្ហានេះ បានធ្វើអោយមហាជនមានការភ្ញាក់ផ្អើលយ៉ាងណាខ្លាំង។
តាមរយៈសំណេរដែលបានសរសេរបង្ហោះនៅលើបណ្តាញសង្គម ស្រីស្អាត ហ្វី យ៉ាតា បានលើកឡើងថា «ស្រុកគេទៅមុខហើយៗ សិល្បៈក៏ទៅមុខ ភាពយន្តក៏ទៅមុខ ទេសចរណ៍ក៏ទៅមុខ, យើងនៅរវល់រកតែតួណាថត free ឬថតរឿងមួយថ្ងៃអោយគ្នាបានតែ 50$ 100$ ហ្នឹងទៅ»។
នាងបញ្ជាក់ថា «ក្រុមហ៊ុនខ្លះ agency ខ្លះបានលុយមកពី Sponsors ទុកហូបគ្នាឯង ដល់អោយតួ 50$ 100$ តែរកចង់បានតួលំដាប់គ្រាន់បើៗដែរ មកថតអោយ, ក៏ឆ្លាតតែឯងម៉េស? ហើយ cilent ខ្លះចឹងដែរ មានលុយ តែអត់ចេះមើលតួ មើលអីខ្លួនឯងខ្លះទេថា វាសមអត់ ត្រូវនឹង concept អត់? អោយតែ agency ថាយក យកដែរ។ agency គេឆ្លាត គេយកណាគេអោយចំណីតិចៗក៏ព្រម, ហើយតួល្បីៗខ្លះក៏ចឹងដែរ អោយតែបានថត តម្លៃមិចក៏យកដែរ កូរផ្ទៃក្នុងទីផ្សារញាក់។ ហើយអ្នកដែលប្រកាន់គោលជំហរច្បាស់លាស់ និងដឹងពី talent ខ្លួនគេពិតប្រាកដ អត់សូវមានទឹកមាត់លេបទេ ព្រោះលូវគេមិនសូវមើលលើ talent។ គេមើលរកអាណាយកថោកជាង»។
នាងបន្តថា «ស្រុកគេ គេអោយតម្លៃតារាគេណាស់ គេថតមួយរឿង ឬថត commercial អីមួយឃើញលុយម៉ង យើងវិញតួខ្លះដែលយើងឃើញតាម billboard អីនឹង ខ្លះថត free ខ្លះបានលុយ តែលុយនឹង មិនបាច់ឆ្ងល់ទេ។ វាចឹងៗហា បានពួក agency ខ្លះគេរកតែតួណាគេស្រួលហូបពីលើបានច្រើន ព្រោះមនុស្សយើងខ្លះៗលូវ គោលជំហរមិនសូវមាន ចង់តែមានមុខ»។
នាងថា «យកអ្នកកំប្លែង promote ខាង beauty, យកអ្នក beauty ទៅ promote ហាងបាយ, យកអ្នក promote ហាងបាយ មក promote ឡាន, យកអ្នកចម្រៀង promote កីឡា, យកអ្នកកីទ្បា promote bar, យាយទៅអ្នកណាយកថោក អញយកអ្នកហ្នឹង, រឿង talent ត្រូវ concept អត់ ទុកសិន»។
បើតាមស្រីស្អាត ហ្វី យ៉ាតា ថា «អ្វីដែលនាងលើកឡើងនេះ គឺនាងនិយាយការពិតមួយផ្នែកនៃសង្គមតែប៉ុណ្ណោះ»។
យ៉ាងណាតាមរយៈសំណេរខាងលើដែលស្រីស្អាត ហ្វី យ៉ាតា បានសរសេរបង្ហោះនេះ គេក៏ឃើញមានអ្នកសិល្បៈមួយចំនួនបានចូលទៅធ្វើការខំមិន ដោយម្នាក់ៗបានសម្តែងការគាំទ្រនូវការលើកឡើងខាងលើនេះផងដែរ៕
ចែករំលែកព័តមាននេះ