អ្នកវិទ្យាសាស្ត្ររុស្ស៊ីព្រមា.នអំពីបាតុភូតអណ្តាតភ្លើងដ៏មានឥទ្ធិពលលើព្រះអាទិត្យ
រុស្ស៊ី ៖ ក្រុមអ្នកវិទ្យាសាស្ត្ររបស់ប្រទេសរុស្ស៊ី បានព្រមាន បន្ទាប់ពីបានឃើញមានបាតុភូតអណ្តាត
រុស្ស៊ី ៖ ក្រុមអ្នកវិទ្យាសាស្ត្ររបស់ប្រទេសរុស្ស៊ី បានព្រមាន បន្ទាប់ពីបានឃើញមានបាតុភូតអណ្តាត
រុស្ស៊ី ៖ ក្រុមអ្នកវិទ្យាសាស្ត្ររបស់ប្រទេសរុស្ស៊ី បានព្រមាន បន្ទាប់ពីបានឃើញមានបាតុភូតអណ្តាតភ្លើងចំនួន ៣ នៅលើព្រះអាទិត្យ កាលពីថ្ងៃទី១៦ ខែកក្កដា កន្លងទៅ។ នេះបើយោងតាមប្រភពពីទីភ្នាក់ងារសារព័ត៌មាន Reuters ចេញផ្សាយនៅថ្ងៃទី១៧ ខែកក្កដា ឆ្នាំ២០២៣។
វិទ្យាស្ថានស្រាវជ្រាវ Fedorov នៃភូគព្ភសាស្ត្រ ដែលមានមូលដ្ឋាននៅទីក្រុងមូស្គូ បានឱ្យដឹងថា បាតុភូតអណ្តាតភ្លើងលើព្រះអាទិត្យ ដែលត្រូវបានប្រទះឃើញ អាចជាអណ្តាតភ្លើងថ្នាក់ X ឬ Class X រួមទាំងអណ្តាតភ្លើងប្រូតុង ហើយជាមួយលក្ខខណ្ឌវិទ្យុរលកខ្លី ត្រូវបានរំពឹងថា នឹងកាន់តែយ៉ាប់យ៉ឺន។ អណ្តាតភ្លើង Class X គឺជាការផ្ទុះដ៏ធំបំផុតនៅក្នុងប្រព័ន្ធព្រះអាទិត្យ ហើយអាចបង្កើតព្យុះវិទ្យុសកម្ម ដែលមានរយៈពេលយូរ។ ចំណែកឯ ភ្លើងប្រូតុង គឺជាព្យុះនៃភាគល្អិតថាមពលព្រះអាទិត្យ ដែលផ្សំឡើងជាចម្បងនៃប្រូតុង។
យោងតាមឯកសាររបស់អង្កការណាសា (NASA) បានឱ្យដឹងថា ភ្លើងព្រះអាទិត្យកើតឡើង នៅពេលដែលដែនម៉ាញេទិចដ៏មានឥទ្ធិពលទាំងនៅក្នុង និងជុំវិញព្រះអាទិត្យត្រូវបានភ្ជាប់ឡើងវិញ។ ពួកវាអាចប៉ះពាល់ដល់ដែនម៉ាញេទិចរបស់ផែនដី ជាមួយនឹងសក្តានុពលក្នុងការបំផ្លាញផ្កាយរណប និងឧបករណ៍ទំនាក់ទំនងផ្សេងៗទៀត។ ជាក់ស្តែង នៅក្នុងឆ្នាំ ២០២២ ព្យុះភ្លើងព្រះអាទិត្យ ដែលបង្កដោយការផ្ទុះដ៏ធំនៃវិទ្យុសកម្មពីព្រះអាទិត្យ បានដុតបំផ្លាញផ្កាយរណប SpaceX 40 ដែលទើបតែបាញ់បង្ហោះ។
យោងតាមវិទ្យាស្ថានស្រាវជ្រាវ Fedorov បានអះអាងថា អណ្តាតភ្លើងចំនួន ៣ នៅលើព្រះអាទិត្យ ត្រូវបានគេសង្កេតឃើញ ដោយមួយគ្រាប់បង្ហាញខ្លួនរយៈពេល ១៤នាទី អមដោយការរំខាននៅក្នុងប្រព័ន្ធនៃសញ្ញាវិទ្យុទំនាក់ទំនង៕ (ប្រភពពី Reuters)
ចែករំលែកព័តមាននេះ