ខេត្តក្រចេះ ៖ ល្បែងស៊ីសងខុសច្បាប់មាន(លេងបៀរ និងប៊ូល)ដែលជាទីតាំងដុះស្លែរមួយកន្លែង ត្រូវបានសមត្ថកិច្ចជំនាញព្រហ្មទណ្ឌនៃអធិការដ្ឋាននគរបាលស្រុកស្នួល ធ្វើការចុះបង្ក្រាបបានតែវត្ថុតាង ឯអ្នកលេងរត់គេចបាត់ស្រមោលអស់ ។ ការចុះបង្ក្រាបនោះ ធ្វើឡើងកាលពីវេលាម៉ោង១៥…
ខេត្តក្រចេះ ៖ ល្បែងស៊ីសងខុសច្បាប់មាន(លេងបៀរ និងប៊ូល)ដែលជាទីតាំងដុះស្លែរមួយកន្លែង ត្រូវបានសមត្ថកិច្ចជំនាញព្រហ្មទណ្ឌនៃអធិការដ្ឋាននគរបាលស្រុកស្នួល ធ្វើការចុះបង្ក្រាបបានតែវត្ថុតាង ឯអ្នកលេងរត់គេចបាត់ស្រមោលអស់ ។
ការចុះបង្ក្រាបនោះ ធ្វើឡើងកាលពីវេលាម៉ោង១៥ និង៣០នាទីថ្ងៃទី០៤ ខែកក្កដាឆ្នាំ ២០២៣ ស្ថិតត្រង់ចំណុចភូមិកាត់ដៃ ឃុំស្នួល ស្រុកស្នួល ខេត្តក្រចេះ ។ ប្រភពពីសមត្ថកិច្ចជំនាញបានឲ្យដឹងថា វង់ល្បែង ស៊ីសងខុសច្បាប់ មានលេងបៀរ និងលេងប៊ូលនៅចំណុចភូមិឃុំខាងលើ តែពេលពេលកម្លាំងយើងចុះទៅដល់ ក្រុមអ្នកប្រព្រឹត្តបានរត់គេចខ្លួនបាត់អស់ភ្លាមៗដែរ។
ខណៈនោះ ក៏បានបន្សល់ទុកនូវសម្ភារវត្ថុតាងនៅកន្លែងកើតហេតុ រួមមានបៀរហ៊ូ កន្សែងសំរាប់ក្រាលលេងបៀរចំនួន០១ ម៉ូតូចំនួន១២គ្រឿងផងដែរ។ ក្រោយពីធ្វើការបង្ក្រាបបានសំភារៈនិងវត្ថុតាងខាងលើ ត្រូវបានយកមករក្សាទុកបណ្តោះអាសន្ននៅអធិការ ដ្ឋាននគរបាលស្រុកស្នួលរងចាំចាត់ការបន្តតាមនិតិវិធី ។
ចែករំលែកព័តមាននេះ