ខេត្តរតនគិរី ៖ កម្មករដែលសង្ស័យពុលស្រា និងចំណីអាហារចាប់តាំងពីថ្ងៃទី១៦ ខែមិថុនា រហូតមកទល់ថ្ងៃទី២ ខែកក្កដា ឆ្នាំ២០២៣ នេះ អ្នកស្លាប់បានកើនឡើងចំនួនដល់១១នាក់ហើយ…
ខេត្តរតនគិរី ៖ កម្មករដែលសង្ស័យពុលស្រា និងចំណីអាហារចាប់តាំងពីថ្ងៃទី១៦ ខែមិថុនា រហូតមកទល់ថ្ងៃទី២ ខែកក្កដា ឆ្នាំ២០២៣ នេះ អ្នកស្លាប់បានកើនឡើងចំនួនដល់១១នាក់ហើយ ។ សូមបញ្ជាក់ថា ជនរងគ្រោះដែលពុលស្រាស្លា-ប់ជាកម្មកររបស់ក្រុមហ៊ុនថារីកូអាគ្រីអណ្តូងមាសចម្ការចេករបស់វៀតណាមមានទីតាំងស្ថិតនៅភូមិស្រែអង្គ្រង ស្រុកកូនមុំ ខេត្តរតនគិរី។
បន្ទាប់ពីមានកម្មករនៅក្រុមហ៊ុនថារីកូអាគ្រីអណ្តូងមាសចម្ការចេករបស់វៀតណាមនៅស្រុកកូនមុំមានចំនួនកម្មករស្លាប់កើនឡើងជាបន្តបន្ទាប់រហូតដល់១១នាក់ហើយនោះ នៅថ្ងៃទី២ ខែកក្កដានេះ លោក អភិបាលខេត្តរតនគិរី ក៏បានកោះមន្ត្រីពាក់ព័ន្ធឲ្យមកប្រជុំរកមូលហេតុជាក់លាក់ ដើម្បីទប់ស្កាតកុំឲ្យមានការស្លាប់ថែមបន្តទៀត ។
លោកអ៊ុង រតនា ប្រធានមន្ទីរសុខាភិបាលខេត្ដរតនគិរីបានលើកឡើងថា នៅថ្ងៃទី១៦ ខែមិថុនា ឆ្នាំ២០២៣ ជនរងគ្រោះត្រូវបានបញ្ជូនមកកាន់មណ្ឌលសុខភាពស្រែអង្គ្រងស្រុកូនមុំផងដែរ ដើម្បីសង្គ្រោះបន្ទាន់ ។ ហើយខណៈនោះ ពួកគេមានអាការ:ឈឺពោះ ក្អួត ហត់ អស់កម្លាំង ដួលប្រកាច់ស្ទើតែគ្មានសញ្ញាជីវិត។
ក្រោយចេញរោគសញ្ញាប្រហែល៤ទៅ៦ម៉ោងក្រោយមក ក៏បណ្ដាលឲ្យមានមនុស្សស្លាប់ជាបន្តបន្ទាប់នោះតែម្ដង ។ លោកបន្ដថា ពួកគេសុទ្ធតែមានសុខភាពល្អ មិនធ្លាប់មានប្រវត្ដឈឺទេ តាមការសនិដ្ឋានជាបឋមថា ករណីនេះអាចបណ្ដាលមកពីពុលសារធាតុគីមី ថ្នាំបាញ់ស្មៅ ឬថ្នាំសម្លាប់សត្វល្អិត រួមនិងការស់នៅពុំមានអនាម័យត្រឹមត្រូវផង ។
មុនពេលកើតហេតុ ពួកគេ(កម្មករ)ភាគច្រើនធ្វើការបាញ់ស្មៅនៅពេលសម្រាកពីការងារក៏នាំគាផឹកស្រាស្របពេលដែលកំពុងអស់កម្លាំងហេវហត់ផងនោះ ទើបធ្វើសុខភាពទន់ខ្សោយរហូតមានអ្នកស្លាប់ជាបន្តបន្ទាប់នោះតែម្តង។
លោកញ៉ែម សំអឿន អភិបាលខេត្តរតនគិរីបានឲ្យដឹងនៅក្នុងអង្គប្រជុំថា កម្មករបំរើការនៅក្រុមហ៊ុនចម្ការចេកវៀតណាមនោះបានធ្លាក់ខ្លួនឈឺនិងស្លាប់ចាប់តាំងពីមុនថ្ងៃទី១៦ ខែមិថុនា រហូតមកដល់ពេលនេះហើយមានអាការ:ស្រដៀងៗគ្នាទាំងអស់ ដែលត្រូវបានស្លាប់ហើយភាគច្រើនសុទ្ធសឹងជាជនចំណាកស្រុកត្រូវសាច់ញាតិក្រុមគ្រួរសារបញ្ជូនសាកសពទៅធ្វើបុណ្យនៅឯស្រុកកំណើត ។
លោកអភិបាលខេត្តបញ្ជាក់ថា ករណីនេះ អាជ្ញាធរមូលដ្ឋានរួមនិងសមត្ថកិច្ចពាក់ព័ន្ធត្រូវមានវិធានការចុះទៅតាមដានរកមូលហេតុនេះ ជាពិសេស ខាងមន្ត្រីនៃមន្ទីរសុខាភិបាល ត្រូវយកសំណាកអ្នកស្លាប់ទៅធ្វើឡាបូពិនិត្យវិភាគរកមេរោគជាក់លាក់ ដើម្បីទប់ស្កាត់កុំឲ្យរៀលដាលដល់កម្មករបន្ដទៀត។
ករណីស្លាប់កម្មករនេះដែរ ប្រជាពលរដ្ឋនៅទូទាំងខេត្តរតនគិរីក៏បានសំណូមពរឲ្យខាងក្រសួងសុខាភិបាលមេត្តាជួយមានវិធានការ គឺចាត់មន្ត្រីជំនាញចុះពិនិត្យដល់ទីតាំងនោះរកឲ្យឃើញមេរោគរាតត្បាត កុំឲ្យស្ថិតក្នុងកាសង្ស័យហើយបន្ដសម្លាប់កម្មករចម្ការចេកជាបន្ដបន្ទាប់ទៀត។
ព័ត៌មានបន្ថែមកោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ