ភ្នំពេញ៖ ក្រុមប្រឹក្សាធម្មនុញ្ញ បានបើក​កិច្ចប្រជុំពេញអង្គ នៅព្រឹកថ្ងៃទី៣ ខែកក្កដានេះ ក្រោម​អធិបតីភាព​ លោក អ៊ឹម ឈុនលឹម ប្រធានក្រុមប្រឹក្សាធម្មនុញ្ញ និងសមាជិក-សមាជិកា នៅអគារ ស វិមានរដ្ឋចំការមន។

កិច្ចប្រជុំក្រុមប្រឹក្សាធម្មនុញ្ញ បានសម្រេចជាឯកច្ឆន្ទថា វិសោធនកម្មច្បាប់បោះឆ្នោត ដែលរដ្ឋសភា បានអនុម័ត នៅថ្ងៃទី២៣ ខែមិថុនា ឆ្នាំ២០២៣ នាសម័យប្រជុំរដ្ឋសភា លើកទី៩ នីតិកាលទី៦ ហើយព្រឹទ្ធសភា បានពិនិត្យ និងឱ្យយោបល់ឯកភាពទាំងស្រុងលើទម្រង់ និងគតិច្បាប់​ដោយឥតកែប្រែ និងចាត់ទុកជាការប្រញាប់ ក្នុងសម័យប្រជុំ​ នាថ្ងៃទី២៩ ខែមិថុនា ឆ្នាំ២០២៣ ត្រូវបានប្រកាសថា ស្របនឹងរដ្ឋធម្មនុញ្ញ។

សូមបញ្ជាក់ថា បន្ទាប់ពីក្រុមប្រឹក្សាធម្មនុញ្ញ ប្រកាសយល់ស្របជាឯកច្ឆ័ន្ទ ចំពោះច្បាប់ ស្តីពី វិសោធនកម្មច្បាប់បោះឆ្នោតរួចមក នីតិវិធីបន្ទាប់ គឺត្រូវបញ្ជូន ថ្វាយ​ព្រះមហាក្សត្រ ដើម្បីទ្រង់​ឡាយ​ព្រះហស្ថ​លេខា ប្រកាសដាក់ឲ្យប្រើជាផ្លូវការ។

​តើវិសោធនកម្មច្បាប់បោះឆ្នោតនេះ កែប្រែចំណុចណាខ្លះ? សូមអាន​សេចក្តី​សម្រេច​របស់​ក្រុមប្រឹក្សា​ធម្មនុញ្ញ ដូចខាងក្រោម៖