នៅក្នុងឆ្នាំ២០២៣នេះ ហាក់ដូចជាឆ្នាំឡាក់ឆុងសម្រាប់តារាសិល្បៈថៃ ក្រោយពីគេកត់សម្គាល់ឃើញថា គូស្នេហ៍ជាច្រើនគូរ ដែលសាងសេ្នហាយ៉ាងផ្អែមល្អែម បានប្រកាសចែកផ្លូវគ្នាជាបន្តបន្ទាប់ បណ្តាលឱ្យមានការភ្ញាក់ផ្អើលយ៉ាងខ្លាំងពីសំណាក់អ្នកគាំទ្រ។ ចំណែកគូស្នេហ៍ខ្លះទៀត
ប្រទេសេថៃ ៖ នៅក្នុងឆ្នាំ២០២៣នេះ ហាក់ដូចជាឆ្នាំឡាក់ឆុងសម្រាប់តារាសិល្បៈថៃ ក្រោយពីគេកត់សម្គាល់ឃើញថា គូស្នេហ៍ជាច្រើនគូរ ដែលសាងសេ្នហាយ៉ាងផ្អែមល្អែម បានប្រកាសចែកផ្លូវគ្នាជាបន្តបន្ទាប់ បណ្តាលឱ្យមានការភ្ញាក់ផ្អើលយ៉ាងខ្លាំងពីសំណាក់អ្នកគាំទ្រ។ ចំណែកគូស្នេហ៍ខ្លះទៀត ក៏ចែកផ្លូវគ្នាយ៉ាងស្ងប់ស្ងាត់បំផុត រហូតធ្វើឱ្យមហាជន ក៏ដូចជាអ្នកគាំទ្រជាច្រើននាំគ្នាសម្ដែងការសោកស្ដាយយ៉ាងខ្លាំងចំពោះការបែកបាក់របស់អាយដលពួកគេ ព្រោះមិននឹកស្មានសោះថា ពួកគេសម្រេចចិត្តបញ្ចប់ចំណងស្នេហ៍ដែលខំសាងមករួមគ្នាអស់រយៈពេលជាច្រើនឆ្នាំបែបនេះនោះឡើយ។
តារាស្រីប្រុសចំនួន១៤គូ ដែលបានប្រកាសចែកផ្លូវគ្នាដើររៀងៗខ្លួនខាងលើនេះ គឺមានដូចជា ៖
១- តារាស្រីរាងតូចច្រឡឹង គឺកញ្ញា Ma Prang និងតារាប្រុសវ័យក្មេងរូបរាងស្រស់សង្ហា គឺលោក Oabnithi Wiwattanawarang ៖ អ្នកទាំងពីរបានសម្រេចចិត្តបញ្ចប់ចំណងស្នេហ៍ដែលខំសាងរួមគ្នាអស់រយៈពេល៧ឆ្នាំភ្លាមៗបង្កើតឱ្យមានការភ្ញាក់ផ្អើលជាខ្លាំង។
មិនតែប៉ុណ្ណោះ ពួកគេថែមទាំងនិយាយបញ្ជាក់ប្រាប់ផងដែរថា ពួកគេបានសម្រេចចិត្តបញ្ចប់ស្នេហ៍ដោយសម្រួល គ្មានបញ្ហាជាមួយនឹងជនទី៣ អ្វីនោះឡើយ។
២- តារាស្រីវ័យក្មេងដែលប្រឡងក្នុងកម្មវិធីចម្រៀង «The Voice កញ្ញា Beerpassaranan» និងមិត្តប្រុសរបស់នាង កឺលោក Lazyloxy ដែលជាតារារ៉េបដ៏ល្បីល្បាញមួយរូប ៖ អ្នកទាំងពីរបានប្រកាសចែកផ្លូវគ្នា និងប្រកាសទៀតថា ទោះបីជាពួកគេបែកបាក់គ្នាក៏ដោយ តែនៅរក្សាចំណងមិត្តភាព។
អតីតគូស្នេហ៍នេះ មែនទែនទៅ គឺបានចាប់ផ្ដើមកសាងទំនាក់ទំនងស្នេហាប្រុសស្រីកាលពីខែកញ្ញា ឆ្នាំមុន។ ហើយចំពោះមូលហេតុនៃការចែកផ្លូវគ្នាពេលនេះ ត្រូវបានតារាស្រី Beer និយាយថា ដោយសារតែរបៀបនៃការរស់នៅរបស់អ្នកទាំងពីរ គឺខុសគ្នាខ្លាំងពេក ទោះបីជាស្រលាញ់គ្នា ហើយព្យាយាមសម្របយ៉ាងណាក៏ដោយ ក៏មិនអាចធ្វើឱ្យការរស់នៅបានចុះសម្រុងគ្នាដែរ។
៣- ចំណែកគូទី៣ គឺតារាសម្ដែងស្រី Bow Benjavan និងតារាប្រុសលោក Got Jirayu គឺបានប្រកាសបញ្ចប់ស្នេហាទាំងឈឺចាប់។ គូរនេះ មិនសមនឹងបែកគ្នានោះទេ ដោយអ្នកទាំងពីរបានស្រលាញ់គ្នារហូតដល់ទៅ១១ឆ្នាំ តែបែរជាបែកផ្លូវគ្នា ដូចពាក្យគេពោលថា «ស្នេហា គឺពិបាកទុកចិត្តណាស់» ស្រលាញ់គ្នាជាងមួយទសវត្សទៅហើយ ប៉ុន្តែនៅតែបែកគ្នាដដែល។
ការបែកបាក់គ្នារស់នៅរៀងៗខ្លួននេះដែរ ភាគីខាងស្រីបានលុបរូបដែលពួកគេថតជាមួយគ្នាចោលទាំងអស់គ្មានសល់ មុនពេលចេញមុខមកផ្ដល់នៅបទសម្ភាស៍ថា ពួកគេបានបែកគ្នាហើយ។ បន្ទាប់មក តារាប្រុសលោក Got Jirayu ក៏បានសុំនៅឆ្ងាយពីបណ្ដាញសង្គមមួយរយៈផងដែរ។
៤- តារាស្រី Matt Peeranee និងមិត្តប្រុសរបស់នាង គឺលោក Hi so ដែលមានឈ្មោះថា Songkran Dechanarong ៖ ពួកគេបានបញ្ចប់ស្នេហ៍រយៈពេល៤ឆ្នាំ។ ហើយការបែកបាក់នេះដែរ ខាងស្រីបាននិយាយថា ព្រោះតែការនិយាយមិនចុះសម្រុងគ្នា បើទោះបីជាខំសម្របសម្រួលយ៉ាងណាក៏ដោយ ក៏គ្រប់យ៉ាងមិនបានល្អឥតខ្ចោះនោះដែរ។
មិនតែប៉ុណ្ណោះ តារាស្រីរូបនេះ បានបញ្ជាក់ផងដែរថា ការបែកបាក់នេះ មិនមានបញ្ហាជាមួយជនទី៣ មកពីណានោះទេ។
៥- តារាជើងចាស់ គឺអ្នកនាង Ning Panita និងស្វាមីលោក Jin jarin ៖ ចំណងដៃអាពាហ៍ពិពាហ៍ដែលមានរយៈពេល១១ឆ្នាំមកនេះ ត្រូវបានបញ្ចប់ហើយ។ ក្រោយមានដំណឹងថា ស្វាមីរបស់នាងបានលួចមានស្រីផ្សេង។
ហើយចំពោះពេលនេះផងដែរ តារាស្រីអ្នកនាង Ning នៅមិនទាន់បានចុះហត្ថលេខាលែងលះជាមួយលោម Jin នៅឡើយទេ ព្រោះត្រូវរង់ចាំចាត់ចែងឯកសារតាមកិច្ចព្រមព្រៀងថែទាំកូនសិន។
៦- គូស្នេហ៍វ័យក្មេងដ៏លេចធ្លោ គឺតារាប្រុសលោក Nickynachat និងមិត្តស្រីរបស់លោក តារាស្រីស្រស់កញ្ញា Arachaporn ៖ អ្នកទាំងពីរត្រូវបានគេលើកឡើងថា គឺជាគូស្នេហ៍មួយគូរទៀតដែលត្រូវគេមើលឃើញថា ជាគូស្នេហ៍ដ៏សាកសមបំផុត តាំងពីពួកគេណាត់ជួបគ្នាជាលើកដំបូង។ តែពេលនេះ ពួកគេ ក៏បានប្រកាសចែកផ្លូវគ្នាទៅវិញ។
៧- តារាប្រុសស្រីជើងចាស់មួយគូ គឺលោក JJetrin និងភរិយារបស់លោក គឺអ្នកស្រី Kej manee ក៏ត្រូវបានគេដឹងថា បញ្ចប់ទំនាក់ទំនងស្នេហារយៈពេល២៨ឆ្នាំផងដែរ។
៨- តារាស្រីទើបតែមានសន្ទុះកើនឡើងរយៈពេលប៉ុន្មានឆ្នាំចុងក្រោយមកនេះ គឺកញ្ញា Best Rakwanee Kamsing ៖ នៅសុខៗ ដោយមិនដឹងថា តើមានរឿងអ្វីនោះទេ? នាងក៏ស្រាប់តែប្រកាសថា ខ្ញុំនៅលីវ។
ជាពិសេស នាងបានបញ្ជាក់យ៉ាងច្បាស់ថា វាត្រូវបានបញ្ឈប់ហើយ រវាងទំនាងទំនងនាងជាមួយនឹងតារាសម្ដែងប្រុសដ៏មានស្នាដៃមួយរូប លោក Tong Tong រួចមកហើយ នៅខែមេសា។
៩- ចំពោះនៅដើមឆ្នាំ២០២៣នេះដែរ ក៏ស្រាប់តែលេចលឺព័ត៌មានថា កំពូលតារាសម្ដែងស្រីមិនខ្ចីចាស់ គឺ Aum Patchrapa ក៏បានចេញមុខមកនិយាយជម្រះមន្ទិលហើយ បន្ទាប់ពីល្បីថា នាង និង Hi-So Pocket ដែលត្រូវជាគូស្នេហ៍ បានបែកបាក់គ្នា ព្រោះតែរឿងដដែល។
នាងក៏បានបើកបង្ហាញថា ទម្លាប់របស់យើងពិតជាមិនត្រូវគ្នាទេ។ ហើយតារាស្រីរូបនេះ នាងក៏បានបញ្ជាក់ថា ការបញ្ចប់ទំនាក់ទំនងនេះដែរ មិនមែនបែកបាក់ដោយសារមានរឿងមនុស្សស្រីនោះទេ ហើយក៏គ្មានការប្រចណ្ឌអ្វីដែរ។
១០- ចំពោះស្នេហារបស់តារាសម្ដែងស្រី Ploy Cherman ដែលបង្ហាញរូបភាពស្និទ្ធស្នាលជាមួយមនុស្សស្រីនោះ យើងមិនទាន់ច្បាស់ទាំងស្រុងនោះទេថា នាងស្រលាញ់ភេ.ទដូចគ្នា ហើយក៏មិនបានប្រកាសច្បាស់ថា ពួកគេកំពុងមានទំនាក់ទំនងស្នេហាជាមួយនិង Claudine នោះដែរ ប៉ុន្តែកាលពីកន្លងទៅ គេនាំគ្នាសង្កេតឃើញតារាស្រីរូបនេះ តែងតែបញ្ចេញនៅពេលវេលាដ៏ផ្អែមល្ហែមឱ្យអ្នកនិយមលេងអ៊ីនធើរណេតបានឃើញជាបន្តបន្ទាប់អស់រយៈពេល២ឆ្នាំ មុនពេលពួកគេលែងមានរូបភាពជាមួយគ្នា។ ហើយពេលនេះ តារាស្រី Ploy ក៏កំពុងតែមានភាពស្និទ្ធស្នាលជាមួយនឹងលោក Twopee ជាញឹកញាប់ផងដែរ។
១១- ម្ដាយកូន៣ គឺអ្នកស្រី Paula បានប្រកាសពីការបញ្ចប់ចំណងស្នេហ៍របស់ខ្លួន ក្រោយរៀបការអស់រយៈពេល១២ឆ្នាំ ជាមួយនឹងលោក Edward ដោយកាត់បន្ថយឋានៈមកត្រឹមតែជាមិត្តភ័ក្ដិ ប៉ុន្តែពួកគេនឹងនៅតែជាឪពុកម្ដាយដ៏ល្អរបស់កូនតែប៉ុណ្ណោះ។
១២- តារាប្រុស Pae arak បានបញ្ចប់ស្នេហ៍របស់ខ្លួនរយៈពេល៣ឆ្នាំ ជាមួយនឹងមិត្តស្រីរបស់លោក គឺកញ្ញា Marisapomme ៖ ការបែកបាក់នេះដែរ ព្រោះតែគោលដៅមិនត្រូវគ្នា។
១៣- តារាស្រី Grand The Star ៖ ស្នេហារយៈពេល៤ឆ្នាំរបស់នាងជាមួយនឹងតារាប្រុស គឺលោក Denkhun ដោយមិនអាចបន្តបាន ព្រោះអ្នកទាំងពីរសម្របខ្លួនមិនបានល្អ។ ហើយការក្រឡេកមើលចំពោះគោលដៅនាពេលអនាគត គឺមិនដូចគ្នាទេ ដូច្នេះហើយវិធីដែលល្អមានតែសម្រេចចិត្តបញ្ចប់តែម្ដង។
១៤- គូស្នេហ៍ដ៏ផ្អែមល្ហែម គឺតារាស្រីស្រស់ កញ្ញា Green ausadaporn ៖ ដោយនៅថ្ងៃទី២៤ ខែមេសា ឆ្នាំ២០២៣នេះ នាងបានចេញមុខមកបង្ហោះសារប្រាប់ពីស្ថានភាពរបស់នាងជាមួយនឹងតារាប្រុសរូបស្រស់សង្ហា គឺលោក Thanwa Than ដែលជាមិត្តប្រុសជាលើកចុងក្រោយ ដោយបន្សល់ទុកត្រឹមតែជាមិត្តភក្តិតែប៉ុណ្ណោះ។
នេះបើយោងទៅតាម Caption ដែលតារាស្រី Green នាងបាននិយាយយ៉ាងដូច្នេះថា «ស្នេហ៍ដែលខំសាងរួមគ្នាអស់រយៈពេល៨ឆ្នាំមកនេះ យើងទាំងពីរនាក់បានចំណាយពេលឡើងយូរក្នុងការសម្រេចចិត្ត ហើយគិតថា ត្រូវធ្វើអ្វី។ ហើយយើងបានឈានដល់ការសន្និដ្ឋានអ្វីច្រើននោះ។ យើងចង់ចេញទៅរកសុបិនរបស់យើង។ គោលដៅផ្ទាល់ខ្លួន ចង់ដើរផ្លូវខ្លួនឯង ដែលអាចសម្រេចចិត្តដោយខ្លួនឯងបាន។ ដូច្នេះហើយ ពួកយើងបានព្រមព្រៀងគ្នាដោយសមហេតុផលថា យើងសូមកាត់បន្ថយឋានៈជាសង្សារមកត្រឹមជាមិត្តភ័ក្តិវិញ»៕ ដោយ ៖ សុភា ដានេត
ចែករំលែកព័តមាននេះ