ការស្រាវជ្រាវដែលរៀបចំឡើងដោយលោករីឆាត ស្ទីវេន អ្នកចិត្តវិទ្យា ជនជាតិអង់គ្លេស ប្រទះឃើញថា ការសច្ចាស្បថស្បែអាចជួយឱ្យមនុស្សបន្ធូរបន្ថយការឈឺចាប់បាន។ លទ្ធផលស្រាវជ្រាវបានរៀបចំឡើងទៅលើក្រុមអ្នកស្ម័គ្រចិត្តចំនួន៧០មានអាយុចាប់ពី១៨-៤៦ឆ្នាំ ដោយឱ្យក្រុមគំរូដាក់ដៃនៅលើទឹកកកឱ្យបានយូរដែលអាចធ្វើទៅបានសម្រាប់សាកល្បងការអត់ធ្មត់ ។ លទ្ធផលបង្ហាញឱ្យឃើញថា ក្រុមដែលមិនសូវស្បថស្បែអាចដាក់ដៃលើទឹកកកបានយូរជាង៤៥វិនាទីច្រើនជាងអ្នកមិនស្បថស្បែសោះ ខណៈពេលក្រុមដែលតែងតែមានការសច្ចាស្បថស្បែនឹងដាក់ដៃលើទឹកកកបានយូរដល់ទៅ៥៥វិនាទី ។
ការស្បថសច្ចានេះ បង្ហាញឱ្យឃើញថា ការដែលមនុស្សមានសម្បថញឹកញាប់នៅក្នុងជីវិតជាប្រចាំអាចជួយបន្ធូរបន្ថយការឈឺចាប់បាន ។ ការសច្ចាស្បថស្បែនឹងជំរុញឱ្យកើតមានការតបស្នងទង្វើដល់រាងកាយក្នុងលក្ខណៈស្រដៀងនឹងការជំរុញ «ថ្នាំបំបាត់ការឈឺចាប់» សម្រាប់មនុស្សដែលរមែងមានសម្បថ ។ មនុស្សយើងចាំបាច់ត្រូវតែមានសច្ចាស្បថស្បែ ព្រោះវាជាប្រភេទអារម្មណ៍មួយរបស់មនុស្សអាចប្រើប្រាស់បង្កើតគោលជំហរដល់ជីវិត ឬស្ថានការណ៍សំខាន់ៗផ្សេងទៀត ។
ក្រៅពីនេះលោករីឆាត ស្ទីវេន បានថ្លែងថា ការសច្ចាស្បថស្បែអាចពិសោធន៍បានថា វាជាការបង្វែរពីការឈឺចាប់សម្រាប់មនុស្សមិនសូវស្បថស្បែដោយបេះដូងរបស់មនុស្សទាំងនេះ នឹងលោតកាន់តែញាប់ដែលបញ្ជាក់ថា រាងកាយរបស់ពួកគេកំពុងបង្កើតអ័រម៉ូនបំបាត់ការឈឺចាប់ ។
ទោះបីជាយ៉ាង ប្រសិនបើមនុស្សយើងប្រើប្រាស់សច្ចាស្បថស្បែញឹកញាប់នោះ នឹងធ្វើឱ្យការស្បថគ្មានប្រសិទ្ធភាព ព្រោះរាងកាយនឹងកើតភាពស៊ាំ និងអ័រម៉ូនបំបាត់ការឈឺចាប់មិនធ្វើការឡើយ៕
ចែករំលែកព័តមាននេះ