រដ្ឋមន្ត្រីការបរទេសអាមេរិក មកដល់ក្រុងប៉េកាំង ក្នុងគោលបំណងសម្រាលភាពតានតឹងទ្វេភាគី
ប្រទេសចិន-អាមេរិក ៖ រដ្ឋមន្ត្រីការបរទេសអាមេរិកលោកអានតូនីប្លីនកេន បានមកដល់ក្រុងប៉េ
ប្រទេសចិន-អាមេរិក ៖ រដ្ឋមន្ត្រីការបរទេសអាមេរិកលោកអានតូនីប្លីនកេន បានមកដល់ក្រុងប៉េ
ប្រទេសចិន-អាមេរិក ៖ រដ្ឋមន្ត្រីការបរទេសអាមេរិកលោកអានតូនីប្លីនកេន បានមកដល់ក្រុងប៉េកាំងនាថ្ងៃទី១៨មិថុនា ក្នុងគោលបំណងសម្រាលភាពតានតឹងទ្វេភាគី។ នេះជាទស្សនកិច្ចរបស់ប្រមុខការទូតអាមេរិកនៅចិនពុំធ្លាប់មានចាប់តាំងពី៥ឆ្នាំមកហើយ។
បញ្ហារសើបមានច្រើនដែលគ្មាននរណាម្នាក់គិតថា មានការជឿនលឿនទៅមុខសំខាន់ឡើយ តែគំនិតនៅតែមានដើម្បីជម្រុញ ការដោះស្រាយវិបត្តិការទូតនិងរក្សាការចរចា សំដៅគ្រប់គ្រងដោយមានការទទួលខុសត្រូវទំនាក់ទំនងចិន-អាមេរិក។ នេះបើតាមក្រសួងការបរទេសអាមេរិក។ នាឆ្នាំខាងមុខនេះនឹងជាឆ្នាំបោះឆ្នោតប្រធានាធិបតីទាំងនៅសហរដ្ឋអាមេរិកទាំងនៅកោះតៃវ៉ាន់ ដែលចិនចាត់ទុកថាជាខេត្តមួយរបស់ខ្លួនដែលត្រូវបង្រួបបង្រួមទាំងដោយប្រើកម្លាំងបើចាំបាច់។
ប្រមុខការទូតអាមេរិកពីដំបូងគ្រោងមកចិនក្នុងខែកុម្ភៈ តាមគន្លងនៃការជួបគ្នាកាលពីខែវិច្ឆិកាឆ្នាំទៅមិញ រវាងប្រធានាធិបតីអាមេរិលោកចូបៃដិននិងសមភាគីចិនលោកសីុជីនពីង ពេលជួបគ្នាខាងក្រៅកិច្ចប្រជុំកំពូលG20នៅឥណ្ឌូណេសីុ។ ប៉ុន្តែការមកកាន់ចិនរបស់លោកប្លីនកេននោះត្រូវបានលុបចោលវិញនៅនាទីចុងក្រោយ មកពីបញ្ហាបាល់ឡុងចារកម្មចិនដែលហោះលើដែនដីអាមេរិកហើយអាមេរិកបាញ់ទម្លាក់។
ពេលដែលលោកប្លីនកេន កំពុងធ្វើដំណើរមកកាន់ក្រុងប៉េកាំង ប្រធានាធិបតីអាមេរិកលោកចូបៃដិនបាននិយាយសម្រាលរឿងបាល់ឡុងចារកម្មនេះ។ កាលពីថ្ងៃទី១៧ មិថុនា លោកថ្លែងទៅកាន់សារព័ត៌មានថា ខុំ្ញគិតថាបណ្ដាមេដឹកនាំមិនបានដឹងថា តើបាល់ឡុងនោះស្ថិតនៅទីណានិងមានផ្ទុកអ្វីខ្លះឡើយ។ ខ្ញុំគិតថានោះជារឿងរំខានជាជាងរឿងចេតនា។ លោកសង្ឃឹមជួបគ្នាជាថ្មីជាមួយលោកស៊ី ជីនពីង នាបណ្ដាខែខាងមុខ ដើម្បីនិយាយគ្នាពីទំនាស់របស់ពួកយើង ព្រមទាំងពីវិស័យនានាដែលយើងអាចព្រមព្រៀងគ្នាបាន។
ទស្សនកិច្ចរយៈពេល២ថ្ងៃនេះរបស់ប្រមុខការទូតអាមេរិកនៅចិន អាចនាំឲ្យមានការបើកខ្សែទាក់ទងគ្នាដោយផ្ទាល់ ដើម្បីអាចឲ្យប្រទេសទាំង២ គ្រប់គ្រងទំនាក់ទំនងគ្នាប្រកបដោយការទទួលខុសត្រូវចៀសវាងការយល់ខុស៕
ចែករំលែកព័តមាននេះ