លោកត្រាំ ប្រកាសថា បើជាប់ឆ្នោតឆ្នាំ២០២៤ នឹងនាំលោកចូ បៃដិន ឡើងតុលាការ
សហរដ្ឋអាមេរិក ៖ លោកដូណាល់ត្រាំក្នុងសារមួយតាមបណ្ដាញសង្គមរបស់លោក ចេញផ្សាយនាថ្ងៃទី
សហរដ្ឋអាមេរិក ៖ លោកដូណាល់ត្រាំក្នុងសារមួយតាមបណ្ដាញសង្គមរបស់លោក ចេញផ្សាយនាថ្ងៃទី១២មិថុនាសន្យាថា បើលោកជាប់ឆ្នោតក្នុងឆ្នាំ២០២៤ លោកនឹងតែងតាំងរដ្ឋអាជ្ញាពិសេសមួយរូប ដើម្បីនាំខ្លួនលោកចូ បៃដិន និងគ្រួសារឡើងតុលាការ។
លោកត្រាំចោទប្រកាន់លោកបៃដិនដែលលោកចាញ់ឆ្នោតប្រធានាធិបតីកាលពីឆ្នាំ២០២០ថា ជាប្រភពនៃការស៊ើបអង្កេតផ្សេងៗប្រឆាំងរូបលោក។ លោកថារឿងចោទប្រកាន់ទាំងនេះគឺជាមធ្យោបាយមួយ សម្រាប់លោកចូបៃដិន កាត់បន្ថយលទ្ធភាពជាប់ឆ្នោតរបស់គូប្រជែងចូលក្នុងសេតវិមាន។
អតីតប្រធានាធិបតីជាអ្នកសាធារណរដ្ឋរូបនោះ ទទួលការចោទប្រកាន់បទឧក្រិដ្ឋដោយសាររឿងមួយដែលកើតមានតាំងពីឆ្នាំ២០១៦មក ទាក់ទិនទឹកប្រាក់១៣០.០០០ដុល្លារ ដែលគេចោទថាផ្ដល់ដោយខុសច្បាប់ ដល់់តារាភាពយន្តកូនជ្រូកនិងជាផលិតករខ្សែភាពយន្តប្រភេទនោះ លោកស្រីSTORMY DANIELS ។
លោកត្រាំក៏ជាប់ការចោទប្រកាន់ពីតុលាការសហព័ន្ធ ទាក់ទិនរឿងយកឯកសារសេតវិមានទៅជាមួយ ពេលលោកចាកចេញពីទីនោះ។ លោកជាប់ចោទនាំយកបណ្ដាឯកសារសម្ងាត់ពេលចាកចេញពីសេតវិមាន ហើយបដិសេធមិនប្រគល់ឯកសារទាំងនោះទោះបីមានការទាមទាររបស់អាជ្ញាធរក៏ដោយ។ រឿងចោទនោះលោកត្រាំថាលោកសុខចិត្តចូលខ្លួនក្នុងតុលាការសហព័ន្ធក្រុងមៃអាមីនាថ្ងៃទី១៣មិថុនា៕
ចែករំលែកព័តមាននេះ