ថ្មីៗនេះ កំពុងតែក្លាយទៅជាប្រធានបទមួយផ្ទុះការវែកញែកយ៉ាងក្ដៅគគុក ពាក់ព័ន្ធទៅនឹងតារាចម្រៀងកូរ៉េស្រីវ័យក្មេងដ៏ស្រស់ស្អាត មុខមាត់ឃ្ជូតគួរអោយស្រលាញ់ Ahyeon ជាសមាជិកក្រុមមានឈ្មោះថា «BABYMONSTER» ដែលកំពុងតែឡើងកូដផងដែរ។ ដោយនាងបាននិយាយ
ប្រទេសកូរ៉េ ៖ ថ្មីៗនេះ កំពុងតែក្លាយទៅជាប្រធានបទមួយផ្ទុះការវែកញែកយ៉ាងក្ដៅគគុក ពាក់ព័ន្ធទៅនឹងតារាចម្រៀងកូរ៉េស្រីវ័យក្មេងដ៏ស្រស់ស្អាត មុខមាត់ឃ្ជូតគួរអោយស្រលាញ់ Ahyeon ជាសមាជិកក្រុមមានឈ្មោះថា «BABYMONSTER» ដែលកំពុងតែឡើងកូដផងដែរ។ ដោយនាងបាននិយាយចេញមកមិនចេះគិត រហូតធ្វើអោយបណ្ដាសារព័ត៌មាននៅក្នុងប្រទេសកូរ៉េ យកទៅចុះផ្សព្វផ្សាយនិយាយតៗគ្នាមិនឈប់ ក៏ដូចជាបណ្ដាសារព័ត៌មាននៅប្រទេសផ្សេងៗទៀត ចំពោះការប្រើប្រាស់នៅពាក្យប្រមា.ថពូជសាសន៍នៅក្នុងវីដេអូដែលបង្ហោះកាលពីពេលថ្មីៗនេះ។
ហើយក៏ឃើញថា ចំពោះភាពចម្រូងចម្រាសមួយនេះផងដែរ ក៏បានបង្កការផ្ទុះឡើងពាសពេញបណ្ដាញសង្គម Internet តែម្ដង។ នេះបើយោងទៅតាមរយៈសារព័ត៌មានដ៏ល្បី «allkpop» បានចុះផ្សព្វផ្សាយរាយការណ៍ប្រាប់អោយដឹងជុំវិញវីដេអូដែលបង្ហោះនាពេលថ្មីៗនេះ ដែលបង្ហាញពីតារាស្រីវ័យក្មេង Ahyeon ត្រូវជាសមាជិកក្រុម BABYMONSTER របស់ YG Entertainment ដែលទើបនឹងបង្ហាញខ្លួនក្នុងពេលឆាប់ៗខាងមុខនេះទៅហើយ។
យ៉ាងណាក្ដី ចំពោះវីដេអូដែលបង្ហោះនៅលើប្រព័ន្ធផ្សព្វផ្សាយសង្គមកាលពីថ្ងៃទី៣០ ខែឧសភា ឆ្នាំ២០២៣ កន្លងទៅ ដែលត្រូវគេបើកបង្ហាញអោយឃើញពីតារាស្រីកញ្ញា Ahyeon បានធ្វើការសម្តែងនៅវិទ្យាល័យ Hanlim Arts ។ ទន្ទឹមនឹងនោះ ថ្វីត្បិតតែនាងសម្តែងបានយ៉ាងទាក់ទាញក៏ដោយ ក៏នៅក្នុងខ្លួនដែលមានការស្រលាញ់ នៃក្តីបារម្ភមួយត្រូវគេចោទប្រកាន់ថា «Ahyeon ប្រើពាក្យប្រមា.ថជាតិសាសន៍ក្នុងអំឡុងពេលធ្វើសកម្មភាពរបស់នាងនៅចំពោះមនុស្សគ្រប់គ្នា»។
ភ្លាមៗនោះផងដែរ អ្នកមើលការសង្កេតបានចោទប្រកាន់យ៉ាងធ្ងន់ៗថា ពួកគេបានឮនាងប្រើពាក្យមិនល្អ និយាយមិនចេះគិត ដែលបង្កឱ្យមានប្រតិកម្មយ៉ាងខ្លាំងពីមហាជន នៅក្នុងចំណោមអ្នកគាំទ្រជាច្រើនលាននាក់។ រហូតធ្វើអោយវីដេអូមួយនេះ ទទួលបាននៅការចាប់អារម្មណ៍យ៉ាងខ្លាំងមិនធម្មតានោះឡើយ នៅលើបណ្ដាញសង្គមអ៊ីនធើរណេត។
ហើយកញ្ញាស្រីស្រស់ Ahyeon ក៏បានប្រឈមមុខនឹងការរិះគន់វា.យប្រ.ហារភ្លាមៗពីអ្នកគាំទ្រ និងអ្នកប្រើប្រាស់អ៊ីនធើរណេត។ អ្នកខ្លះថែមទាំងស្នើសុំឱ្យដកនាងចេញពីក្រុមថែមទៀតផង ដោយមនុស្សជាច្រើនសម្តែងការខកចិត្ត ខឹងសម្បារចំពោះនាងជាខ្លាំង ដែលបង្កឱ្យមានភាពចម្រូងចម្រាស សូម្បីតែមុនពេលបង្ហាញខ្លួនជាផ្លូវការរបស់នាងក៏ដោយ។
យ៉ាងណាមិញ នេះបើតាមដឹងថា មកទល់នាពេលនេះផងដែរ គេនាំគ្នាសង្កេតមើល YG Entertainment ដែលត្រូវជាភ្នាក់ងារគ្រប់គ្រងរបស់ BABYMONSTER មិនបានតបតអ្វីនោះឡើយ គឺរក្សាភាពស្ងៀមស្ងាត់ចំពោះបញ្ហានេះ ដោយមិនមានសេចក្តីថ្លែងការណ៍ផ្លូវការណាមួយចេញជាការឆ្លើយតបទៅនឹងភាពចម្រូងចម្រាសមួយនេះនោះទេ។
ពេលបានឃើញដូច្នេះរួចមក ភ្លាមៗនោះក៏ឃើញថា មានមហាជនទាំងប្រុសទាំងស្រីនាំគ្នាចូលទៅខមិនបញ្ចេញមតិថា «ខ្ញុំគិតថា បើមានរឿងបែបនេះកើតឡើង នាងគួរតែចេញមុខមកនិយាយសុំទោសនៅពាក្យសម្ដីរដែលនាងបានធ្វើ មិនគួរណាធ្វើខ្លួនឈ្លើយអញ្ចឹងនោះទេ»។ អ្នកខ្លះទៀតក៏លើកឡើងដាក់ទៅចំៗថា «ខ្ញុំសូមជូនពរឱ្យនាងសម្រេចបាននូវអ្វីដែលនាងបាននិយាយ តែពេលមានរឿងអ្វីកើតឡើងកុំទៅបន្ទោសគេអោយសោះ»។ មួយចំនួនទៀត ក៏បានបញ្ចេញមតិថា «ជិតចេញមុខជាផ្លូវការផង ហេតុអ្វីក៏ធ្វើអោយមានរឿងទៅវិញ? ពិតជាអត់យល់នោះទេ»៕ ដោយ ៖ សុភា ដានេត
@bp.stan5 What are you guys opinion on this ? #bp #babymonster #ahyeon #ahyeonbabymonster #fypシ #fyp
♬ original sound – bp stan
ចែករំលែកព័តមាននេះ