បើយោងទៅតាមរយៈសារព័ត៌មានដ៏ល្បីឈ្មោះថា «Koreaboo» បានផ្សព្វផ្សាយប្រាប់អោយដឹងអំពីព្រះនាងតូច។ ដោយឃើញថា គេទើបតែបង្កើតនៅ Royal K-Pop Idol ដំបូង? ដែលមានព្រះនាងតូច ជេនណា ដែលទ្រង់មានអាយុ១១ឆ្នាំ ហើយត្រូវបានគេរំពឹងថា
រាជធានីភ្នំពេញ ៖ បើយោងទៅតាមរយៈសារព័ត៌មានដ៏ល្បីឈ្មោះថា «Koreaboo» បានផ្សព្វផ្សាយប្រាប់អោយដឹងអំពីព្រះនាងតូច។ ដោយឃើញថា គេទើបតែបង្កើតនៅ Royal K-Pop Idol ដំបូង? ដែលមានព្រះនាងតូច ជេនណា ដែលទ្រង់មានអាយុ១១ឆ្នាំ ហើយត្រូវបានគេរំពឹងថា នឹងចូលប្រឡូកនៅក្នុងវិស័យឧស្សាហកម្មឆាប់ៗនេះជាក់ជាមិនខាននោះឡើយ។
ព្រះនាង គឺជាតារាមួយដួងនៅក្នុងប្រទេសកំណើតរបស់ព្រះនាងហើយ។ ក្នុងនោះផងដែរ បើយោងទៅតាមការផ្សាយនាពេលថ្មីៗនេះ ដោយ YTN K-Pop អាចនឹងឃើញវត្តមានដំបូងរបស់ខ្សែរាជវង្សក្នុងនាមជាតារា។ ព្រះនាងតូច ជេនណា នរោត្ដម ជាបុត្រីទីពីរ របស់សម្ដេចរាជបុត្រី នរោត្តម បុប្ផារី និងជាចៅស្រីរបស់ព្រះមហាក្សត្រខ្មែរបច្ចុប្បន្ន គឺសម្ដេចព្រះបរមនាថ នរោត្តម សីហមុនី។ ព្រះនាងបានក្លាយទៅជាបុត្រីមួយរូប ដែលមានអ្នកនិយមលេងនៅក្នុងបណ្តាញទំនាក់ទំនងសង្គមហ្វេសប៊ុកជាច្រើនរួចទៅហើយ ដោយមានអ្នក Subscribe ជាង 800,000 នៅលើ Channel YouTube របស់ព្រះនាង។
មិនតែប៉ុណ្ណោះ ព្រះនាងតូច Jenna ចាប់ផ្ដើមអាជីពនៅក្នុងវិស័យកម្សាន្តនៅអាយុ៦ឆ្នាំក្នុងនាមជាតារាសម្ដែង ចម្រៀង និងសម្ដែង។ ជាក់ស្តែង ព្រះនាងមានជំនាញនៅក្នុងវិស័យសិល្បៈតាំងពីព្រះនាងនៅក្មេងមកម្ល៉េះ ហើយក្រោមការគ្រប់គ្រងរបស់ Space Creative Marketing ព្រះនាងទទួលបាននៅការចាប់អារម្មណ៍យ៉ាងឆាប់រហ័សក្នុងនាមជាសមាជិករាជវង្សដ៏កម្រដែលសកម្មនៅក្នុងពិភពច្នៃប្រឌិត។
ជាពិសេស ព្រះនាងទទួលបានឋានៈជាតារាវ័យក្មេងនៅក្នុងប្រទេសកម្ពុជារួចទៅហើយ និងបានបង្ហាញខ្លួននៅក្នុងរឿងភាគ ព្រមទាំងមានការទទួលស្គាល់ពីម៉ាកយីហោជាច្រើននៅក្នុងប្រទេសកម្ពុជាថែមទៀតផង ចំពោះកេរ្តិ៍ឈ្មោះដ៏ទាក់ទាញរបស់ព្រះនាង។
មិនតែប៉ុណ្ណោះ ព្រះនាង Jenna ទ្រង់មានចំណាប់អារម្មណ៍ពិសេសចំពោះ Hallyu ដោយធ្វើជាអ្នកគាំទ្រក្រុម ដូចជា BTS និង BLACKPINK ក៏ដូចជាអ្នកគាំទ្រ K-Drama ផងដែរ។ ជារឿយៗ ព្រះនាងតែងតែបង្ហោះការរាំ Cover បទ K-Pop នៅលើ Channel YouTube របស់ព្រះនាង និងសម្តែងនៅក្នុងព្រឹត្តិការណ៍នានាផងដែរ។ ព្រះនាង Jenna ក៏បានចេញបទចម្រៀង Original ជាច្រើនបទ រួមទាំងការច្រៀងរួមគ្នាជាមួយតារាខ្មែរ BOBO ដែលមានចំណងជើងថា «You Da One» ផងដែរ។
ហើយអ្វីដែលកាន់តែគួរអោយភ្ញាក់ផ្អើលជាងនេះទៅទៀតនោះ ព្រះនាងតូច ជេន ណា មានអាយុ១១ឆ្នាំម្នាក់នេះ មិនត្រឹមនិយាយភាសាខ្មែរបានយ៉ាងស្ទាត់ជំនាញនោះទេ ព្រះនាងថែមទាំងអាចនិយាយភាសា បារាំង ថៃ ចិន និងអង់គ្លេសទៀតផង។ នៅក្នុងកម្មវិធី YTN ព្រះនាងបាននិយាយយ៉ាងខ្លាំងអំពី K-Pop ដោយនិយាយថា ថាមពលដ៏ភ្លឺស្វាងរបស់វាបានទាក់ទាញរហីតធ្វើអោយនាងខ្ញុំចង់មករកតន្ត្រី។ ព្រះនាងបានបង្ហាញអំពីចំណាប់អារម្មណ៍របស់ទ្រង់ ចង់ផ្សព្វផ្សាយអោយគេដឹង ចង់ក្លាយជាអ្នកសិល្បៈមួយដួងនៅក្នុងប្រទេសកូរ៉េ ហើយហាក់ដូចជាសុបិនរបស់ព្រះនាងជិតក្លាយជាការពិតហើយ។
Na Yoon Jung ដែលជានាយកប្រតិបត្តិនៃទីភ្នាក់ងារកម្សាន្ត K-Pop បានបង្ហាញចំណាប់អារម្មណ៍របស់នាងក្នុងការសហការជាមួយព្រះនាងសម្រាប់អាជីពរបស់នាងនៅក្នុងប្រទេសកូរ៉េខាងត្បូង។
សូមជំរាបថា បច្ចុប្បន្ន ព្រះនាងតូច Jenna រស់នៅក្នុងប្រទេសកម្ពុជា ជាកន្លែងដែលព្រះនាងបានផ្លាស់ទៅរស់នៅជាមួយឪពុកម្តាយរបស់ព្រះនាងពីស្រុកកំណើតរបស់នាងនៅទីក្រុងប៉ារីស ប្រទេសបារាំង នៅអាយុ៣ឆ្នាំ។ ប៉ុន្តែការស្រឡាញ់សិល្បៈរបស់ព្រះនាងនៅក្មេងបែបនេះបានជំរុញឱ្យព្រះនាងតូច Jenna ធ្វើការដោយមិននឿយហត់ ដើម្បីក្តីសុបិនរបស់ព្រះនាង ។ វានឹងចាប់អារម្មណ៍ទៅមើលថា តើដំណើររបស់ព្រះនាងនៅក្នុងវិស័យ K-Pop មានរូបរាងយ៉ាងណានាពេលអនាគត? ដូច្នេះមានតែរង់ចាំមើលទាំងអស់គ្នាតែប៉ុណ្ណោះ៕ ដោយ ៖ សុភា ដានេត
ចែករំលែកព័តមាននេះ