ក្រសួងផ្នែកទំនាក់ទំនង និងកិច្ចការផ្ទៃក្នុងរបស់ជប៉ុន បង្ហាញឱ្យដឹងពីលទ្ធផលអង្កេតចុងក្រោយដោយបញ្ជាក់ថា ចំនួនកុមារនៅប្រទេសជប៉ុនបានថយចុះនៅសល់ប្រហែល១៦,៩៣លាននាក់ ដែលចាត់ទុកថាជាស្ថិតិទាបបំផុតក្នុងប្រវត្តិសាស្ត្រ
ក្រសួងផ្នែកទំនាក់ទំនង និងកិច្ចការផ្ទៃក្នុងរបស់ជប៉ុន បង្ហាញឱ្យដឹងពីលទ្ធផលអង្កេតចុងក្រោយដោយបញ្ជាក់ថា ចំនួនកុមារនៅប្រទេសជប៉ុនបានថយចុះនៅសល់ប្រហែល១៦,៩៣លាននាក់ ដែលចាត់ទុកថាជាស្ថិតិទាបបំផុតក្នុងប្រវត្តិសាស្ត្រ ។
តាមទីភ្នាក់ងារព័ត៌មានបរទេសកាលពីថ្ងៃទី៣ ឧសភា ផ្សាយឱ្យដឹងថា ចំនួនប្រជាជនក្នុងវ័យកុមារនៅប្រទេសជប៉ុនបានធ្លាក់ចុះជាបន្តបន្ទាប់ រហូតមានចំនួនទាបបំផុតក្នុងប្រវត្តិសាស្ត្រ។ នេះបើផ្អែកតាមលទ្ធផលនៃការធ្វើអង្កេតចុងក្រោយរបស់រដ្ឋាភិបាលប្រទេសជប៉ុន ចាប់តាំងពីចាប់ផ្តើមធ្វើជំរឿនក្នុងអំឡុងទសវត្សឆ្នាំ១៩៥០ កន្លងមក ។
តាមតួលេខរបស់ក្រសួងទំនាក់ទំនង និងកិច្ចការផ្ទៃក្នុងរបស់ជប៉ុន បញ្ជាក់ឱ្យដឹងថា ចំនួនប្រជាជនក្នុងវ័យកុមាររបស់ប្រទេសគិតត្រឹមថ្ងៃទី ១ មេសា កន្លងមក បានថយចុះនៅសល់ត្រឹមតែ១៦,៩៣លាននាក់ គឺថយចុះចំនួន៩០.០០០នាក់ ធៀបនឹងអំឡុងពេលដូចគ្នាកាលពីឆ្នាំមុន។
លទ្ធផលអង្កេតចុងក្រោយនេះបញ្ជាក់ថា ចំនួនកុមារដែលមានអាយុទាបជាង១៥ឆ្នាំ នៅក្នុងប្រទេសជប៉ុនក្នុងពេលបច្ចុប្បន្នមានប្រហែល១៣,២% នៃប្រជាជនសរុបនៅទូទាំងប្រទេស ខណៈពេលប្រជាជនមានវ័យចំណាស់ ឬអ្នកដែលមានអាយុពី៦៥ឆ្នាំឡើង នៅតែជាក្រុមមានចំនួនច្រើនបំផុត គឺមានប្រហែល២៣,២% ៕
ចែករំលែកព័តមាននេះ