កម្លាំងនគរបាលស្រុកវើនសៃ បានបញ្ជូនបុរសម្នាក់ទៅកាន់សាលាដំបូងខេត្ត ពាក់ព័ន្ធនឹងករណីទៅឆ្លុះសត្វព្រៃ ហើយបា.ញ់ច្រឡំត្រូវចំមិត្តភក្តិរបស់ខ្លួន បណ្ដាលឱ្យស្លា.ប់ ខណៈពេលបញ្ជូនដល់មន្ទីរពេទ្យបង្អែកខេត្ត។ ហេតុការណ៍នេះ
ខេត្តរតនគិរី ៖ នៅព្រឹកថ្ងៃទី២៤ ខែឧសភា ឆ្នាំ២០២៣នេះ កម្លាំងនគរបាលស្រុកវើនសៃ បានបញ្ជូនបុរសម្នាក់ទៅកាន់សាលាដំបូងខេត្ត ពាក់ព័ន្ធនឹងករណីទៅឆ្លុះសត្វព្រៃ ហើយបាញ់ច្រឡំត្រូវចំមិត្តភក្តិរបស់ខ្លួន បណ្ដាលឱ្យស្លា.ប់ ខណៈពេលបញ្ជូនដល់មន្ទីរពេទ្យបង្អែកខេត្ត។ ហេតុការណ៍នេះកើតឡើងកាលពីវេលាម៉ោងប្រហែល៣ទៀបភ្លឺឈានចូលថ្ងៃទី២៣ ខែឧសភា ឆ្នាំ២០២៣ នៅចំណុចព្រៃក្រុមហ៊ុនម៉ាងយ៉ាង ស្ថិតនៅក្នុងឃុំភ្នំកុក ស្រុកវើនសៃ ខេត្តរតនគិរី។
បើតាមប្រភពពីសមត្ថកិច្ចបានឱ្យដឹងថា ជនសង្ស័យខាងលើមានឈ្មោះ ពក់ ធឿន ភេទប្រុស អាយុ២០ឆ្នាំ ជាជនជាតិគ្រឹង មុខរបរកសិករ រស់នៅភូមិធួយអំពិល ឃុំចាអ៊ុង ស្រុកអូរជុំ ខេត្តរតនគិរី។ ចំណែកជនរងគ្រោះឈ្មោះ ទិន កិ ភេទប្រុស អាយុ១៨ឆ្នាំ ជាជនជាតិគ្រឹង មុខរបរកសិករ រស់នៅភូមិធួយអំពិល ឃុំចាអ៊ុង ស្រុកអូរជុំ ខេត្តរតនគិរី។ ក្រោយការឃាត់ខ្លួនជនសង្ស័យ សមត្ថកិច្ចបានដកហូតវត្ថុតាងអាវុធ AK47 ចំនួន១ដើមនៅនឹងកន្លែងកើតហេតុក្នុងព្រៃ ដែលសង្ស័យជាអាវុធបង្កហេតុ។
សមត្ថកិច្ចទទួលបានព័ត៌មានពីមេប៉ុស្តិ៍ឃុំចាអ៊ុង ដែលបានរាយការណ៍ឱ្យដឹងថា មានករណីផ្ទុះអាវុធ បណ្ដាលឱ្យស្លា.ប់ជនរងគ្រោះម្នាក់ បន្ទាប់ពីដឹកយកមកសង្គ្រោះនៅមន្ទីរពេទ្យ។
ហើយបើតាមរបាយការណ៍បានបញ្ជាក់ទៀតថា កាលពីវេលាម៉ោង០០.៣០នាទីយប់ ឈានចូលថ្ងៃទី២៣ ខែឧសភា ឆ្នាំ២០២៣ ជនរងគ្រោះបានបបួលជនសង្ស័យទៅរកបាញ់សត្វនៅចំណុចព្រៃក្បែរក្រុមហ៊ុនម៉ាងយ៉ាង ស្ថិតក្នុងឃុំភ្នំកុក ស្រុកវើនសៃ ខេត្តរតនគិរី។ លុះពេលទៅដល់ទីនោះ ជនសង្ស័យក៏បានឱ្យជនរងគ្រោះនៅអង្គុយចាំម៉ូតូ ហើយខ្លួន (ជនសង្ស័យ) ក៏ចុះតាមអូរទៅរកបរបាញ់សត្វ។ ក្រោយមក ជនសង្ស័យក៏ឆ្លុះភ្លើងពិល ដោយគ្រវីចុះឡើងៗ ក៏ឃើញភ្នែកជនរងគ្រោះ ហើយស្មានតែជាភ្នែកសត្វក៏លើកកាំភ្លើ.ងបាញ់តែម្តង។
ប្រភពដដែលបន្តថា បន្ទាប់មកក៏ឮសំឡេងស្រែកថា «អូយ» ភ្លាមៗនោះ ជនសង្ស័យក៏រត់ទៅមើល ស្រាប់តែឃើញជនរងគ្រោះត្រូវរបួសចំស្មាខាងឆ្វេង ហើយជនសង្ស័យក៏បានយកជនរងគ្រោះទៅកាន់មន្ទីរពេទ្យបង្អែកខេត្តរតនគិរី ដើម្បីសង្គ្រោះផងដែរ។ នៅពេលទៅដល់មន្ទីរពេទ្យ គ្រូពេទ្យក៏បានលាង និងដេរចំនួន៣ថ្នេរ រួចក៏រុំរបួសនោះកុំឱ្យចេញឈា.មហូរ។
បើតាមប្រភពពីគ្រូពេទ្យវិញ បានឱ្យដឹងថា នៅពេលលាងរបួសនោះ ក៏ឃើញមានឈា.មហូរចេញពីក្នុងពណ៌ខ្មៅ ដោយមិនដឹងថា តើត្រូវរបួសដោយសារអ្វី?។ លុះមួយសន្ទុះក្រោយមក ជនរងគ្រោះក៏បានដាច់ខ្យល់ស្លា.ប់តែម្តង។
យោងតាមការពិនិត្យកន្លែងកើតហេតុ និងចម្លើយសារភាពរបស់ជនសង្ស័យ សមត្ថកិច្ចក៏បានធ្វើការសន្និដ្ឋានថា នៅកន្លែងឈរបាញ់មកកន្លែងជនរងគ្រោះ គឺមានសភាពដីជំរាលអូរ បាញ់ពីក្រោមរាងបញ្ឆិតឡើងលើ។
ហើយសមត្ថកិច្ចជំនាញបច្ចេកទេស និងវិទ្យាសាស្ត្រ នៃស្នងការដ្ឋាននគរបាលខេត្ត ក៏បានពិនិត្យ និងធ្វើកោសល្យវិច្ឆ័យសាកស.ពជនរងគ្រោះ គឺមានសភាពរឹង នៅត្រង់ចុងស្មាដៃខាងឆ្វេងមានស្នាមរបួសរយះសាច់ទំហំ៤ស.ម.×២.៥ស.ម ជម្រៅដល់ឆ្អឹង (បែកឆ្អឹងដើមដៃ) ហើយដេរ៣ថ្នេរ មុខរបួស និងសាច់ក្នុងឡើងពណ៌ខ្មៅ ក្រៅពីនេះពុំស្លាកស្នាមអ្វីទៀតឡើយ។
សមត្ថកិច្ចសន្និដ្ឋានតាមការពិនិត្យសាកស.ពជនរងគ្រោះខាងលើនេះ គឺពិតជាស្លា.ប់ដោយសារបង្កឡើងដោយគ្រាប់កាំភ្លើ.ង ហើយត្រូវរយះសាច់ និងបែកឆ្អឹង រហូតហូរឈា.មច្រើន បណ្ដាលឱ្យស្លា.ប់ពិតប្រាកដមែន។
បន្ទាប់ពីសមត្ថកិច្ចបានធ្វើកំណត់ហេតុរួច ក៏ប្រគល់ស.ពជនរងគ្រោះជូនឱ្យក្រុមគ្រួសារយកទៅធ្វើបុណ្យតាមប្រពៃណី។ ដោយឡែក ជនសង្ស័យវិញ ត្រូវបានសមត្ថកិច្ចរៀបចំកសាងសំណុំរឿងបញ្ជូនទៅកាន់តុលាការចាត់ការបន្តតាមនីតិវិធី៕
ចែករំលែកព័តមាននេះ