អត្រាគ្មានការងារធ្វើរបស់ថៃស្ថិតនៅកម្រិតទាបបំផុត ដែលជំរុញដោយវិស័យទេសចរណ៍
ថៃ ៖ ទីភ្នាក់ងារផែនការរដ្ឋរបស់ប្រទេសថៃ កាលពីថ្ងៃទី២២ ខែឧសភា ឆ្នាំ២០២៣ បានប្រកាសថា
ថៃ ៖ ទីភ្នាក់ងារផែនការរដ្ឋរបស់ប្រទេសថៃ កាលពីថ្ងៃទី២២ ខែឧសភា ឆ្នាំ២០២៣ បានប្រកាសថា
ថៃ ៖ ទីភ្នាក់ងារផែនការរដ្ឋរបស់ប្រទេសថៃ កាលពីថ្ងៃទី២២ ខែឧសភា ឆ្នាំ២០២៣ បានប្រកាសថា អត្រាគ្មានការងារធ្វើនៅក្នុងប្រទេស បានឈានដល់កម្រិតទាបបំផុតក្នុងរយៈពេល៣ឆ្នាំ នៅក្នុងត្រីមាសទី១ ដោយបានធ្លាក់ចុះមកនៅត្រឹម១.០៥% ពី១.១៥% នៅក្នុងរយៈពេលបីខែចុងក្រោយនៃឆ្នាំ ២០២២ ខណៈដែលការស្ទុះងើបឡើងវិញដ៏មានសក្តានុពល នៃឧស្សាហកម្មទេសចរណ៍បានដើរតួយ៉ាងសំខាន់ក្នុងការជួយពង្រឹងប្រទេសថៃ។
សេដ្ឋកិច្ចរបស់ប្រទេសថៃ បានកើនឡើងលឿនជាងការរំពឹងទុកនៅក្នុងត្រីមាសទី១ ដែលត្រូវបានជំរុញដោយការបន្តកើនឡើងនៅក្នុងវិស័យទេសចរណ៍ ដែលជាប្រភពការងារដ៏សំខាន់ ដែលត្រូវបានកាត់បន្ថយដោយសារជំងឺរាតត្បាតកូវីដ-១៩។ ក្រុមប្រឹក្សាអភិវឌ្ឍន៍សេដ្ឋកិច្ច និងសង្គមជាតិថៃ (NESDC) បានលើកឡើងនៅក្នុងសេចក្តីថ្លែងការណ៍មួយថា ការងារបានកើនឡើង ២.៤% នៅក្នុងខែមករា ដល់ខែមីនា បើធៀបនឹងឆ្នាំមុន ពោលគឺកើនឡើង ១.៥% នៅក្នុងរយៈពេល៣ខែមុន។
អត្រាគ្មានការងារធ្វើក្នុងខែមករា ដល់ខែមីនា ដោយមានអ្នកគ្មានការងារធ្វើប្រមាណ ៤២០,០០០នាក់ គឺជាអត្រាទាបបំផុតចាប់តាំងពី ១.០៣% ដែលបានកត់ត្រានៅក្នុងត្រីមាសទី១ នៃឆ្នាំ ២០២០ មុនពេលសេដ្ឋកិច្ចរបស់ប្រទេសសេដ្ឋកិច្ចធំលំដាប់ទី២ របស់តំបន់អាស៊ីអាគ្នេយ៍មួយនេះ ទទួលអារម្មណ៍ថា រងផលប៉ះពាល់ពេញលេញដោយការផ្ទុះឡើងនៃជំងឺកូវីដ-១៩។
ទោះជាយ៉ាងណាក៏ដោយ និយមន័យនៃភាពអត់ការងារធ្វើរបស់ប្រទេសថៃ នៅមានលក្ខណៈតូចចង្អៀត ហើយគ្រាន់តែរាប់ថា អ្នកគ្មានការងារធ្វើ ដែលមិនធ្វើការមួយម៉ោងក្នុងមួយសប្ដាហ៍ ដែលត្រូវបានស្ទង់មតិ។ អ្នកវិភាគបាននិយាយថា តួលេខនេះ មិនចាប់បានសេដ្ឋកិច្ចក្រៅផ្លូវការដ៏សំខាន់របស់ប្រទេសថៃនោះទេ ខណៈទីភ្នាក់ងារផែនការបានអះអាងថា នៅក្នុងត្រីមាសទី១ នៃឆ្នាំ ២០២៣ ប្រទេសថៃមានកម្លាំងពលកម្មប្រមាណ ៣៩.៦លាននាក់៕ (ដកស្រង់ចេញពី Reuters)
ចែករំលែកព័តមាននេះ