បើទោះជាធ្លាប់មានប្រវត្តិប្រកួតបវរកញ្ញាអ្នកស្រឡាញ់ភេទដូចគ្នាបានយ៉ាងល្អ ក៏កញ្ញា សៃ ហ្វុន មិនបានបោះបង់មហិច្ឆិតារបស់ខ្លួនមែន ព្រោះនាងធ្លាប់សន្យាថានឹងមកប្រកួតឡើងវិញ ប្រសិនបើឱកាសមាន។ ដូចនេះហើយ ទើប
រាជធានីភ្នំពេញ ៖ បើទោះជាធ្លាប់មានប្រវត្តិប្រកួតបវរកញ្ញាអ្នកស្រឡាញ់ភេទដូចគ្នាបានយ៉ាងល្អ ក៏កញ្ញា សៃ ហ្វុន មិនបានបោះបង់មហិច្ឆិតារបស់ខ្លួនមែន ព្រោះនាងធ្លាប់សន្យាថានឹងមកប្រកួតឡើងវិញ ប្រសិនបើឱកាសមាន។ ដូចនេះហើយ ទើបអ្នកណាៗក៏មានការចាប់អារម្មណ៍ខ្លាំង បន្ទាប់ពីបវរកញ្ញារូបនេះប្រកាសខ្លួនមកជាមួយបេក្ខភាពថ្មី នៅក្នុងកម្មវិធីប្រកួតបវរកញ្ញា ចក្រវាឡកម្ពុជាឆ្នាំ២០២៣ ដែលប្រព្រឹត្តទៅឆាប់ៗនេះ។
ស្រីស្អាត សៃ ហ្វុន ដ៏ស្រស់សោភា ធ្លាប់គ្រប់គ្រងមកុដ Miss Queen Cambodai ឆ្នាំ២០២១ ហើយក៏មានឱកាសប្រកួតនៅលើឆាកអន្តរជាតិ ទទួលបានឱកាសល្អ ជាប់បានពានមួយចំនួន រហូតធ្វើឱ្យប្រទេសផ្សេងៗមានការចាប់អាម្មណ៍ជាខ្លាំងមកលើប្រទេសកម្ពុជាយើង។ គេនៅតែជឿជាក់ថា ស្រីស្អាត សៃហ្វុន អាចបន្តដណ្តើមភាពជោគជ័យបានជាថ្មីម្តងទៀត ដើម្បីបន្តមកអុកឡុកវិស័យបវរកញ្ញា ប្រកួតនៅលើឆាកកម្រិតអន្តរជាតិអោយគេបានឃើញជើងខ្លាំងមកពីប្រទេសកម្ពុជាដ៏ពូកែ។
កុំភ្លេចណា៎ ចូលរួមគាំទ្រកញ្ញា សៃហ្វុន ទាំងអស់គ្នា ដោយពេលនេះនាងបានមកដាក់ពាក្យប្រកួតប្រជែងបវរកញ្ញាចក្រវាឡកម្ពុជា ដោយក្នុងឆ្នាំ២០២៣នេះ មានការប្រែប្រួល ព្រោះក្រុមហ៊ុនមហាហង្សជាអ្នកទទួលសិទ្ធិរៀបចំ។ នេះរឹតតែញ៉ាំងអោយការប្រកួតមួយនេះ ទទួលបានភាពភ្ញាក់ផ្អើល ព្រោះមិនទាន់ដឹងអ្វីផង ស្រីស្អាត សៃ ហ្វុន បវរកញ្ញាអ្នកស្រឡាញ់ភេទដូចគ្នា ស្ទុះបានការប្រកាសជាផ្លូវការជាបេក្ខភាព។
ស្រីស្អាត សៃ ហ្វុន គឺជាបេក្ខភាពជើងខ្លាំង១០នាក់ចុងក្រោយ ពេលប្រកួតបវរកញ្ញាអ្នកស្រឡាញ់ភេទដូចគ្នា អន្តរជាតិ នាប្រទេសថៃ កាលពី២ឆ្នាំមុន។ នាងយល់សាច់ការច្រើនណាស់របៀបឡើងសម្តែង ហើយនាងក៏មានបទពិសោធន៍ឡើងឆាកយ៉ាងល្អ។ នាងមានដានជាមួយការងារលើវិស័យបវរកញ្ញាយូរបែបនេះហើយ ធ្វើអោយស្រីស្អាត សៃ ហ្វុន ក្លាយជាបេក្ខភាពតាមដានយ៉ាងពិសេស អំពីការវិលមកម្តងទៀតនេះ។
ចាំមើលថា តើស្រីស្អាត សៃ ហ្វុន មានការវិវត្តន៍ខ្លួនដល់កម្រិតណាលើកម្មវិធីធំនេះ?។ នាង ធ្លាប់លើកឡើងថា ខ្លួនមិនទាន់អស់ចិត្តក្នុងការដាក់ពាក្យប្រកួតឡើយ ដរាបណាមិនទាន់ដល់ចំណុចដែលចង់បាន។ ដូច្នេះហើយ ទាន់ឱកាសផ្តល់ឱ្យបវរកញ្ញាអ្នកស្រឡាញ់ភេទដូចគ្នា មានសិទ្ធិប្រកួតជាលើកដំបូង ទើបនាងពិតជាមិនអាចចោលឱកាសល្អនេះបានឡើយ។
ចែករំលែកព័តមាននេះ