គួរឱ្យអាណោចអាធ័មណាស់ ក្មេងប្រុសអាយុ៥ឆ្នាំម្នាក់បានលង់ទឹកស្ទឹងស្លា.ប់ ក្រោយពេលដើរតាមជីតាទៅចាប់ត្រី ហេតុការណ៍នេះកើតឡើង
ខេត្តបន្ទាយមានជ័យ ៖ គួរឱ្យអាណោចអាធ័មណាស់ ក្មេងប្រុសអាយុ៥ឆ្នាំម្នាក់បានលង់ទឹកស្ទឹងស្លា.ប់ ក្រោយពេលដើរតាមជីតាទៅចាប់ត្រី ហេតុការណ៍នេះកើតឡើងកាលពីវេលាម៉ោង០២រសៀល ថ្ងៃទី១៥ ខែឧសភា ឆ្នាំ ២០២៣ ស្ថិតនៅភូមិបត់ត្រង់ធំលិច ឃុំបត់ត្រង់ ស្រុកមង្គលបូរី ខេត្តបន្ទាយមានជ័យ ។
បើតាមនគរបាលស្រុមង្គលបូរី បានឲ្យដឹងថា កុមារារងគ្រោះខាងលើនេះមានឈ្មោះ រី មករា អាយុ៤ឆ្នាំ រស់នៅភូមិបត់ត្រង់ធំលិច ឃុំបត់ត្រង់ ស្រុកមង្គលបូរី ខេត្តបន្ទាយមានជ័យ មានឪពុកឈ្មោះ រឿន សំបូរ អាយុ២៦ឆ្នាំ និងម្តាយ ឈ្មោះ តាំង លីដា អាយុ ២៧ឆ្នាំ ។
នគរបាលបានបន្តថា តាមសម្តីរបស់ជីតាឈ្មោះ ភឹម រី អាយុ៥៤ឆ្នាំ រស់នៅភូមិបត់ត្រង់ធំលិច ឃុំបត់ត្រង់ បានប្រាប់ថា គាត់បានយកចៅមកចិញ្ចឹមមើលថែតាំងពីអាយុ១ខួបម្ល៉េះ ចំណែកឪពុកម្តាយចៅរបស់គាត់ទៅរកស៊ីនៅប្រទេសថៃបាត់ ហើយចៅក៏បានមកនៅជាមួយគាត់រហូតមក។ លុះនៅថ្ងៃទី១៥ ខែឧសភា ឆ្នាំ២០២៣ ម៉ោង០២រសៀល គាត់បានយកសំណាញ់ទៅហ៊ុមសំរាស់ក្នុងស្ទឹងមុខផ្ទះ ដើម្បីចាប់ត្រី លុះពេលចាប់ត្រីបាន គាត់ក៏យកត្រីមកផ្ទះអោយប្រពន្ធធ្វើម្ហូប។ បន្ទាប់គាត់ (ជីតា) បានយកចានដែកចុះទៅចាប់ត្រីបន្ត ពេលនោះចៅរបស់គាត់បានចុះទៅតាមគាត់ដែរ ហើយឈរមើលគាត់ចាប់ត្រី។ លុះពេលចាប់បានមួយសន្ទុះ គាត់ក៏យកត្រីមកអោយយាយ (ប្រពន្ធ) ម្តងទៀត ចំណែកចៅរបស់គាតា់វាក៏បានដើរឡើងមកតាមគាត់ពីក្រោយដែរ។
ជីតារបស់ក្មេងរងគ្រោះបន្តទៀតថា នៅពេលយកត្រីអោយយាយហើយ គាត់ក៏ដើរចុះស្ទឹងចាប់ត្រីបន្តទៀត តែពេលនោះគាត់មិនចាប់អារម្មណ៍ថា តើចៅមកតាមឬអត់ទេ?។ លុះបានប្រហែល១៥នាទី ប្រពន្ធរបស់គាត់បានស្រែកហៅចៅថា «មករា មករា» តែមិនលឺឆ្លើយ។ ពេលនោះយាយបានសួរគាត់ថា «តាមានឃើញចៅអត់» ចំណែកគាត់ក៏បានស្ទុះមករកចៅនៅលើគោក តែអត់ឃើញនោះទេ។ បន្ទាប់មកគាត់ក៏បានចុះទៅរាវរកក្នុងទឹកស្ទឹង ស្រាប់តែឃើញចៅលង់ក្នុងទឹកស្ទឹងដែលមានជម្រៅមួយម៉ែត្រកន្លះនោះតែម្តង ពេលនោះគាត់ក៏បានស្រង់ចៅមកធ្វើចលនា ហើយបញ្ជូនទៅកាន់មន្ទីរពេទ្យជប៉ុន ស្រុកមង្គលបូរី ប៉ុន្តែជាអរកុសលលោកគ្រូពេទ្យប្រាប់ថា «ចៅរបស់គាត់បានដាច់ខ្យល់ស្លា.ប់ហើយ» ។
ក្រោយពេលកើតហេតុ ស.ពកុមារារងគ្រោះត្រូវបានសមត្ថកិច្ចប្រគល់ជូនអោយសាច់ញាតិ ដើម្បីយកមកធ្វើបុណ្យតាមប្រពៃណី៕
ចែករំលែកព័តមាននេះ