ប្រមុខWAGNERស្នើ់ក្រុងមូស្គូប្រគល់ទីតាំងខ្លួនដល់កងកម្លាំងឆេតឆេនី
សង្គ្រាមអ៊ុយក្រែន ៖ ប្រមុខក្រុមទាហានស៊ីឈ្នួលរុស្ស៊ី WAGNER បានផ្ញើសារមួយដល់រដ្ឋមន្ត្រីការពារ
សង្គ្រាមអ៊ុយក្រែន ៖ ប្រមុខក្រុមទាហានស៊ីឈ្នួលរុស្ស៊ី WAGNER បានផ្ញើសារមួយដល់រដ្ឋមន្ត្រីការពារប្រទេសរុស្ស៊ី លោកស័រហ្គេយឆយហ្គូ ដោយក្នុងលិខិតនោះលោកស្នើប្រគល់បណ្ដាទីតាំងដែលកងកម្លាំងលោកកាន់កាប់ ក្នុងក្រុងបាក់មូដឲ្យដល់កងកម្លាំងរបស់មេដឹកនាំឆេតឆេននីលោករ៉ាមហ្សានកាឌីរ៉ូវ។
ក្នុងលិខិតដែលចេញផ្សាយកាលពីថ្ងៃទី៦ឧសភា លោកអេវហ្គេនីព្រីហ្គោហ្ស៊ីនសរសេរថា ខ្ញុំស្នើដល់លោកឲ្យចេញបទបញ្ជាប្រយុទ្ធ អំពីការផ្ទេរមុនពាក់កណ្ដាលយប់ថ្ងៃទី១០ ឧសភា បណ្ដាទីតាំងរបស់កងកម្លាំងWAGNER ឲ្យដល់បណ្ដាកងឯកភាពAKHMAT ក្នុងមូលដ្ឋានក្រុងបាក់មូដនិងតំបន់ជុំវិញក្រុងនេះ។ មេដឹកនាំកងកម្លាំងយោធាឯកជននោះថ្លែងទៀតថា សំណើនោះត្រូវបានលើកឡើង មកពីការខ្វះគ្រប់រំសេវចាប់តាំងពីយូរមកហើយ ដូចលោកធ្លាប់ប្រកាសជាច្រើនលើក ដោយចោទអគ្គសេនាធិការដ្ឋានកងទ័ពថាមិនផ្ដល់ឲ្យខ្លួនគ្រប់គ្រាន់៕
ចែករំលែកព័តមាននេះ