ចុះបង្ក្រាបម្តងជាពីរដងហើយ នៅតែមានឈើរាប់រយម៉ែត្រគូបដដែល
- ក្រចេះ
ខេត្តក្រចេះ ៖ ក្រុមហ៊ុន ស៊ីង បាយអូថិច ខូ.,អិលធីឌី (Think Biotech Co.,Ltd) ស្ថិតនៅឃុំកំពង់ចាម…
ខេត្តក្រចេះ ៖ ក្រុមហ៊ុន ស៊ីង បាយអូថិច ខូ.,អិលធីឌី (Think Biotech Co.,Ltd) ស្ថិតនៅឃុំកំពង់
ចាម ស្រុកសំបូរ ខេត្តក្រចេះ បានរងការចុះបង្ក្រាបដោយកម្លាំងកងរាជអាវុធហត្ថផ្ទៃប្រទេសម្តង
ជាពីរដងពាក់ព័ន្ធករណីបំផ្លាញព្រៃឈើក្រៅដែនគ្រប់គ្រងរបស់ខ្លួន ដែលគេហៅថា បានកន្ទេលធំបន្លំដេក ។
ក្រុមហ៊ុន ស៊ីង បាយអូថិចខូ.,អិលធីឌី (Think Biotech Co.,Ltd) បានទទួលសិទ្ធិប្រើប្រាស់ដីព្រៃរេចរិលរបស់រដ្ឋសម្រាប់ដាំឈើជាលក្ខណៈ ឧស្សាហកម្ម ក្រោមកិច្ចសហការជាមួយរដ្ឋបាលព្រៃឈើ ក្រសួងកសិកម្ម រុក្ខាប្រមាញ់ និងនេសាទ ក្នុងទំហំផ្ទៃដីសរុបចំនួន៣៤,០០៧ហិកតា។បច្ចុប្បន្នក្រុមហ៊ិននេះកំពុងអនុវត្តផែការដាំដើមអាកាស្យា ។
ក្រៅពីព្រៃរេចរិល គឺគ្មានព្រៃឈើធំៗ និងមានតម្លៃនោះ ទើបជម្រុញអោយក្រុមហ៊ុននេះ ឆក់ឱកាសរកស៊ីខុសច្បាប់កាប់ឈើក្រៅដែន ជ្រកក្រោមក្រុមហ៊ុនស្របច្បាប់។ ព្រៃឈើដែលត្រូវកាប់បំផ្លាញដឹកចូលក្រុមហ៊ុនគឺកាប់ចេញពី ចំណុចទីតាំងមួយចំនួនដូច អូរកំបោរ ត្រពាំងចែម៉ែ ត្រពាំងទា ភ្នំក្រហម រលំកាត់សក់ ត្រពាំងកាត់សក់ អន្លង់ពោន អូរកំបោរក្រៅ រលំទួលជ្រៃ អូរក្តុល វាលលំហាច ឬហៅថា រកាសំយុង សោមតាពោធិ ក្បាលអូរគគី អូរកំបោរក្នុង បន្ទាយសៀម និងចំណុច អូរសៀម ហើយភូមិសាស្ត្រទាំងនេះដែរ ស្ថិតនៅក្នុងដែនសមត្ថកិច្ចអនុរក្ស បរិស្ថានជាអ្នកគ្រប់គ្រងនៅក្នុងទឹកដីស្រុកសំបូរ ខេត្តក្រចេះ។
ក្រោយការបញ្ជាទិញឈើទាំងនោះ ត្រូវដឹកចូលក្រុមហ៊ុនដោយប្រើប្រាស់គោយន្តកន្ត្រៃ រថយន្តច្នៃ
ទៅទម្លាក់នៅក្នុងបរិវេណទីតាំងក្រុមហ៊ុន ហើយអូសបន្តចូលក្នុងរោងចក្រដោយមានម៉ាស៊ីនយន្ត
ខ្នាតយក្សសម្រាប់ពុះច្រៀក ដើម្បីបានជាប្រភេទឈើដែលអាចហែកច្បាប់និងដឹកជញ្ជូនបាន ដោយឡែក សម្រាប់ប្រភេទឈើឈ្លីក កាប់ពីព្រៃទំហំប៉ិនហាប្រវែងណា គឺលើកដាក់រថយន្តខ្នាតយក្សទាំងអស់ មិនមានការកែច្នៃក្នុងរោងចក្រនោះទេ។
ទាក់ទិនករណីបង្ក្រាបខាងលើ មានការកោតសរសើរថា ក្រុមហ៊ុន លោក ជា ពៅ ត្រូវកម្លាំងកង
រាជអាវុធហត្ថផ្ទៃប្រទេសថ្នាក់ជាតិចុះបង្ក្រាបម្តងជាពីរដងនៅតែអាចញុះញ៉ុងគៀងគរប្រជាពលរដ្ឋចូលទៅកាប់ឈើនៅតំបន់ព្រៃឡង់ទៅលក់អោយខ្លួនបានយ៉ាងរំភើយ មិនដឹងសូកប៉ាន់លុយកម្រាស់ណាទេទើបអាចបន្តរកស៊ីរបរខុសច្បាប់កាប់បំផ្លាញព្រៃឈើរង្គើមេឃបែបនេះ។
បើតាមប្រភពព័ត៌មានមួយអោយដឹងថា គ្រាន់តែអ្នកសារព័ត៌មានត្បាញអាយម្នាក់ឈ្មោះ ចាន់ ធី
មានអាសយដ្ឋាននៅខេត្តកំពង់ឆ្នាំង ទទួលលុយក្នុងមួយខែ មួយរយលានរៀល សម្រាប់រ៉ាប់រង
ទប់ស្កាត់ និងរត់ការអោយក្រុមអ្នកសារព័ត៌មានដែលចូលលុកលុយដល់ចំណុចរសើប ។
ពាក់ព័ន្ធការបង្ក្រាបខាងលើកម្លាំងកងរាជអាវុធហត្ថផ្ទៃប្រទេសបានឃាត់ខ្លួនុំនុស្សចំនួន១១នាក់និងគោយន្តកន្ត្រៃផ្ទុកឈើឈ្លីក១១គ្រឿង តែរហូតមកទល់ថ្ងៃទី២៨ មេសា នេះ នៅមិនទាន់ទទួលបានលទ្ធផលបន្តលើចំណាត់ការយ៉ាងណានោះដែរ បើទោះក្នុងប្រតិបត្តិការនោះត្រូវបានធ្វើឡើងយ៉ាងបើកចំហនោះដែរ។
គេរង់ចាំមើលថា តើវាសនាក្រុមហ៊ុនស៊ីង បាយអូថិច របស់លោក ជា ពៅ នោះ ទៅជាយ៉ាងណា? បើការបង្ក្រាបដោយមិនចេះរាងចាលបែបនេះ ។
ព័ត៌មានបន្ថែមនឹងមានផ្សាយជូនលើកាសែតកោះសន្តិភាព ។
ចែករំលែកព័តមាននេះ