ប្រាក់យន់ វ៉ាដាច់ប្រាក់ដុល្លារជារូបិយប័ណ្ណទូទាត់ច្រើនបំផុតក្នុងប្រតិបត្តិការឆ្លងព្រំដែននៅចិន
ចិន ៖ ទិន្នន័យផ្លូវការបានបង្ហាញថា ប្រាក់យន់ចិនបានក្លាយជារូបិយប័ណ្ណ ដែលត្រូវបានប្រើប្រាស់
ចិន ៖ ទិន្នន័យផ្លូវការបានបង្ហាញថា ប្រាក់យន់ចិនបានក្លាយជារូបិយប័ណ្ណ ដែលត្រូវបានប្រើប្រាស់
ចិន ៖ ទិន្នន័យផ្លូវការបានបង្ហាញថា ប្រាក់យន់ចិនបានក្លាយជារូបិយប័ណ្ណ ដែលត្រូវបានប្រើប្រាស់យ៉ាងទូលំទូលាយបំផុតសម្រាប់ប្រតិបត្តិការឆ្លងព្រំដែននៅក្នុងប្រទេសចិន កាលពីខែមីនាកន្លងទៅ ដោយវ៉ាដាច់ប្រាក់ដុល្លារអាមេរិកជាលើកដំបូង ដែលនេះឆ្លុះបញ្ចាំងពីកិច្ចខិតខំប្រឹងប្រែងរបស់ទីក្រុងប៉េកាំង ដើម្បីធ្វើអន្តរកម្មលើការប្រើប្រាស់ប្រាក់យន់របស់ខ្លួន។ នេះបើយោងតាមប្រភពពីទីភ្នាក់ងារសារព័ត៌មាន Reuters ចេញផ្សាយកាលពីថ្ងៃ២៦ ខែមេសា ឆ្នាំ២០២៣ កន្លងទៅ។
ការទូទាត់ឆ្លងកាត់ព្រំដែន និងបង្កាន់ដៃជាប្រាក់យន់ បានកើនឡើងដល់កំណត់ត្រា ៥៤៩.៩ពាន់លានដុល្លារនៅក្នុងខែមីនា បើធៀបនឹង ៤៣៤.៥ពាន់លានដុល្លារ កាលពីមួយខែមុន។ នេះបើយោងតាមការគណនារបស់ Reuters ដោយផ្អែកលើទិន្នន័យពីរដ្ឋបាលរដ្ឋនៃការផ្លាស់ប្តូរបរទេស។
ប្រាក់យន់ត្រូវបានប្រើប្រាស់នៅក្នុងរង្វង់ ៤៨.៤% នៃប្រតិបត្តិការឆ្លងព្រំដែន ខណៈភាគហ៊ុនរបស់ប្រាក់ដុល្លារបានធ្លាក់ចុះដល់ ៤៦.៧% បើធៀបនឹង ៤៨.៦% កាលពីមួយខែមុន ដោយបរិមាណនៃប្រតិបត្តិការឆ្លងដែនគ្របដណ្តប់ទាំងគណនីចរន្ត ហើយនិងដើមទុន។
ប្រទេសចិនបាននិងកំពុងលើកកម្ពស់ការប្រើប្រាស់ប្រាក់យន់ ដើម្បីទូទាត់ពាណិជ្ជកម្មឆ្លងព្រំដែនជាផ្នែកនៃកិច្ចខិតខំប្រឹងប្រែង ដើម្បីធ្វើអន្តរកម្មការប្រើប្រាស់រូបិយប័ណ្ណរបស់ខ្លួន។ ប៉ុន្តែទោះយ៉ាងណា ការប្រើប្រាស់ប្រាក់យន់នៅក្នុងហិរញ្ញវត្ថុពាណិជ្ជកម្មពិភពលោកនៅតែមានកម្រិតទាប ទោះបីជាវាបានបង្ហាញការកើនឡើងជាលំដាប់យ៉ាងណាក៏ដោយ។
បើយោងតាមប្រភពពីទិន្នន័យពីស្ថាប័ន សង្គមសម្រាប់ទូរគមនាគមន៍ហិរញ្ញវត្ថុអន្តរធនាគារពិភពលោក ដែលហៅកាត់ថា SWIFT បានបង្ហាញថា ចំណែកប្រាក់យន់នៃប្រតិបត្តិការរូបិយប័ណ្ណសកលសម្រាប់ហិរញ្ញវត្ថុពាណិជ្ជកម្មបានកើនឡើងដល់ ៤.៥% នៅក្នុងខែមីនា ខណៈដែលប្រាក់ដុល្លារអាមេរិកមានចំនួនរហូតដល់ ៨៣.៧១% ឯណោះ៕
ចែករំលែកព័តមាននេះ