ខេត្តបន្ទាយមានជ័យ ៖ យុវជន៣នាក់កំពុងជិះម៉ូតូឌុបគ្នាមកធ្វើការ គ្រាន់មើលមុខក៏ត្រូវក្មេងទំនើង២នាក់កាប់បណ្តាលឱ្យរងរបួស២នាក់ ក្នុងម្នាក់របួសធ្ងន់ ។ ហើយក្រុមក្មេងទំនើងជិះម៉ូតូគេចខ្លួនបាត់ ហេតុការណ៍កើតឡើងកាលពីវេលាម៉ោង៧ព្រឹកថ្ងៃទី២៦ មេសា ឆ្នាំ២០២៣ ស្ថិតចំណុចបរិវេណដើមស្រល់ ក្នុងភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ។
លោក ប៊ុន ឆៃដែន នាយប៉ុស្តិ៍នគរបាលសង្កាត់អូរជ្រៅបានប្រាប់ថា ជនរងគ្រោះ២នាក់ក្នុងចំណោម៣នាក់ជិះម៉ូតូទៅធ្វើការត្រូវបានក្មេងទំនើង១ក្រុមមានគ្នា២នាក់ជិៈម៉ូតូ១គ្រឿង និងកាំបិតសាមូរ៉ៃ១ដើម កាប់ទៅលើជនរងគ្រោះ បណ្តាលរបួស២នាក់ម្នាក់ធ្ងន់ កាប់ចំកំភួនជើងនិងដៃ និងជនរងគ្រោះម្នាក់របួសម្រាមដៃ ហើយត្រូវបានសង្គ្រោះនៅមន្ទីរពេទ្យ ។
លោកបានបញ្ជាក់ថា ក្រោយពីទទួលព័ត៌មានភ្លាមៗ លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែត បានអោយកម្លាំងនគរបាលប៉ុស្តិ៍សង្កាត់អូរជ្រៅ បានចុះភ្លាមៗឃើញជនរងគ្រោះ២នាក់របួស ត្រូវបានសង្គ្រោះ ។
បើតាមសម្តីជនរងគ្រោះ២នាក់ក្នុងចំណោម៣នាក់ដែលជិៈម៉ូតូបានអោយដឹងថា នៅពេលដែលជិះម៉ូតូចេញពីផ្ទះមកតាមផ្លូវបានក្រឡេកមើលធម្មតាទៅក្មេងទំនើង១ក្រុមមានគ្នា២នាក់ហើយជិះហួស ។ ស្រាប់តែក្មេងទំនើងបានជិះម៉ូតូមកពីក្រោយកាប់បណ្តាលរបួស២នាក់ម្នាក់របួសកំភួនជើង និងដៃធ្ងន់ ម្នាក់ទៀតរបួសម្រាមដៃ ម្នាក់ទៀតរត់គេចផុត។
លោក ប៊ុន ឆៃដែន បានបញ្ជាក់ថា ក្រោយក្មេងទំនើងកាប់ទៅលើជនរងគ្រោះបណ្តាលរបួសបានសាកសួរជនរងគ្រោះប្រាប់ថា ដូចមិនដែលស្គាល់គ្នាផង ហើយក៏មិនដែលមានទំនាស់អ្វីកើតឡើងផង នៅពេលជិៈម៉ូតូក្រឡេកមើលមុខបន្តិចសោះជិៈម៉ូតូមកកាប់ដោយមិនដឹងខ្លួនបណ្តាលរបួស២នាក់ម្នាក់រត់ផុត ហើយជនសង្ស័យកម្លាំងជំនាញកំពុងទទួលបានមុខសញ្ញា និងស្គាល់មុខហើយ ដែលថតបានទាំង២នាក់កំពុងគេចខ្លួន និងរកចាប់ខ្លួនដើម្បីចាត់ការតាមច្បាប់ ។
ចែករំលែកព័តមាននេះ