បុរស២នាក់ជិះម៉ូតូឌុបគ្នា ជួបគ្រោះអកុសលមុខខ្លោងទ្វារវត្តបាក់ខែង
- ភ្នំពេញ
រាជធានីភ្នំពេញ ៖ បុរសម្នាក់បានបែ.កក្បាលស្លា.ប់ភ្លាមៗ នៅមុខក្លោងទ្វារវត្តបាក់ខែង និងម្នាក់
រាជធានីភ្នំពេញ ៖ បុរសម្នាក់បានបែ.កក្បាលស្លា.ប់ភ្លាមៗ នៅមុខក្លោងទ្វារវត្តបាក់ខែង និងម្នាក់ទៀតបានរងរបួសធ្ងន់ ត្រូវបានរថយន្តសាម៉ុយបញ្ជូនទៅសង្គ្រោះបន្ទាន់ភ្លាមៗផងដែរ បន្ទាប់ពីជនរងគ្រោះទាំង២នាក់ជួបគ្រោះថ្នាក់ចរាចរណ៍រវាងរថយន្តបុ.កជាមួយម៉ូតូ កាលពីវេលាម៉ោង១១យប់ថ្ងៃទី២៥ ខែមេសា ឆ្នាំ២០២៣ ស្ថិតនៅទល់មុខក្លោងទ្វារវត្តបាក់ខែង លើកំណាត់ផ្លូវជាតិលេខ៦អា ស្ថិតក្នុងសង្កាត់បាក់ខែង ខណ្ឌជ្រោយចង្វារ រាជធានីភ្នំពេញ ។
បុរសរងគ្រោះទាំង២នាក់ខាងលើ មិនស្គាល់អត្តសញ្ញាណនោះទេ ជិះម៉ូតូមួយគ្រឿងម៉ាកឌូក ពាក់ផ្លាកលេខ ភ្នំពេញ 1GZ-3118 ។ ចំណែកភាគីខាងរថយន្តបានបើកគេចខ្លួនបាត់ ។
យោងតាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុ គេបានឃើញបុរស២នាក់ជិះម៉ូតូមួយគ្រឿងឌូក ឌុបគ្នាក្នុងល្បឿនលឿន ក្នុងទិសដៅពីត្បូងទៅជើង លុះមកដល់ចំណុចកើតហេតុខាងលើ គេបានឃើញរថយន្តកូរ៉េមិនចាំផ្លាកលេខ បើឆ្លងផ្លូវចូលវត្តក្នុងទិសដៅបញ្ជ្រាសទិសគ្នា មិនប្រយ័ត្នក៏បានបុ.ករថយន្តខាងលើយ៉ាងពេញទំហឹង បណ្តាលឲ្យបុរសម្នាក់ផ្លោងទៅថ្នល់រងរបួសធ្ងន់ ចំណែកម្នាក់ទៀតបែកក្បាលស្លា.ប់ភ្លាមៗនៅកន្លែងកើតហេតុ។
ក្រោយកើតហេតុ សមត្ថកិច្ចមូលដ្ឋាន រួមទាំងអ្នកយកព័ត៌មានបានព្យាយាមទាក់ទងទៅកាន់ក្រុមគ្រួសារជនរងគ្រោះ តាមរយៈទូរស័ព្ទដែលនៅជាប់ខ្លួនស.ព។
បច្ចុប្បន្ន សមត្ថកិច្ចជំនាញបានធ្វើការវាស់វែង ព្រមទាំងបានប្រគល់ស.ពទៅឲ្យក្រុមគ្រួសារ ដើម្បីយកទៅធ្វើបុណ្យតាមប្រពៃណី ចំណែកម៉ូតូត្រូវបានសមត្ថកិច្ចយកទៅរក្សាទុកជាបណ្តោះអាសន្ន ដើម្បីរង់ចាំក្រុមគ្រួសារមកទទួលនៅពេលក្រោយ ៕
ចែករំលែកព័តមាននេះ