សម្តេចតេជោ ចំអកឲ្យទណ្ឌិត សម រង្ស៊ី ថាអ្នកជួយពង្រឹងឲ្យកាន់អំណាចកាន់តែខ្លាំង បានយូរ
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី បានចំអកទៅកាន់ទណ្ឌិត សម រង្ស៊ី ថា…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី បានចំអកទៅកាន់ទណ្ឌិត សម រង្ស៊ី ថា…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី បានចំអកទៅកាន់ទណ្ឌិត សម រង្ស៊ី ថា ជាក្មួយមួយ ដែលស្រួលប្រើ ហើយបានជួយសម្តេច ក្នុងការកាន់អំណាចបានយូរ និងខ្លាំងជាងមុន ។
សម្តេចតេជោ បានថ្លែងក្នុងពិធីប្រគល់សញ្ញាបត្រ ជូនគរុសិស្ស គរុនិស្សិត និស្សិត និងបុគ្គលិកអប់រំជាង ២ពាន់នាក់ នៃវិទ្យាស្ថានជាតិអប់រំ(NIE) នាព្រឹក ថ្ងៃទី២៥ ខែមេសា ឆ្នាំ២០២៣ យ៉ាងដូច្នេះថា ៖ «អ្នកខ្លះចេញមកអះអាងរាសីខ្ញុំ មិនដល់រាសីគេទេ អើធ្វើម៉េចរាសីខ្ញុំទេ ទេវតាចារឲ្យធ្វើនាយករដ្ឋមន្ត្រីគ្រប់គ្រងដីខ្មែរអស់ច្រើនទស្សវត្សរ៍ ហើយគ្រប់គ្រងក្បាលពួកនឹងទៀត និយាយឲ្យត្រង់តែម្តងទៅ» ។
ជាមួយគ្នានោះដែរ សម្តេចបានលើកឡើងថា ៖ អ្នកខ្លះ(សម រង្ស៊ី)ថា ហ៊ុន សែន ល្ងង់ណាស់ តែសម្តេចថា បើ ហ៊ុន សែន ល្ងង់ម៉េចប្រើក្បាលអ្នកឯងបាន អ្នកឯងត្រូវបានចាំត្រង់ហ្នឹង។ ពេលចូលឆ្នាំ គួរណាស់ឈប់បាញ់ ប៉ុន្តែពេលចូលឆ្នាំវាជេរឯងទៀត ។
សម្តេចចំអកទៅកាន់ សម រង្ស៊ី យ៉ាងដូច្នេះថា ៖ «ឥឡូវអ្នកណាជួយពង្រឹងអំណាចរបស់ ហ៊ុន សែន គឺអាមួយហ្នឹង (សម រង្ស៊ី) គឺក្មេងស្រួលប្រើណាស់ (ខ្ញុំហៅក្មេងចុះ ព្រោះថាដូចក្មេងបៀបដៃអ៊ីចឹង) ព្រោះថា ការកែរដ្ឋធម្មនុញ្ញពី២ភាគ៣ ទៅ៥០បូក១ គឺជាការប្រគល់អំណាចកាន់ខ្លាំងឲ្យគណបក្សប្រជាជនកម្ពុជា។ អ៊ីចឹង សូមអ្នកគាំទ្រអ្នកឯងដឹងថា មេខ្លួនអន់ពេកបាន ហ៊ុន សែន ខ្លាំង» ។
សម្តេចតេជោ ក៏បានលើកឡើងថា ទណ្ឌិត សម រង្ស៊ី ជាមនុស្សអន់ និងភ្លើ ហើយមិនអាចលេងជាមួយសម្តេចបានទេ ។ ខ្ញុំធ្លាប់និយាយថា មាន សត្រូវ ដែលមានការវ័យឆ្លាត ល្អជាងមិត្តដែលល្ងង់ និងខ្សោយ ប៉ុន្តែអាមួយនេះ គឺជាសត្រូវ ដែលល្ងង់តែម្តង ។
សម្តេចបានបន្តថា សូម្បីតែក្មួយៗ ដែលធ្លាប់តែនៅជាមួយអតីតបក្សប្រឆាំង ពេលនេះនាំគ្នាមករួមរស់ជាមួយគណបក្សប្រជាជនកម្ពុជា ដែលជាបក្សកាន់អំណាច ដូច្នេះក្មួយៗ និងកូនៗ ដែលចូលមកជាមួយគណបក្សប្រជាជន បានកំពុងធ្វើការដែលគេចង់ធ្វើ រាប់ទាំងបញ្ហាបរិស្ថានផង។
សម្តេច ក៏បានអះអាងគណបក្សប្រជាជនគ្មានវប្បធម៌លាបពណ៌ និងជេរ ថាលក់ក្បាល និងត្បត់មនសិការនោះទេ ៕
ចែករំលែកព័តមាននេះ