ខេត្តបន្ទាយមានជ័យ ៖ អណ្តាតភ្លើងបានឆាបឆេះផ្អើលទាំងព្រឹកព្រលឹមនៅថ្ងៃទី២៤ មេសា ២០២៣ បន្ទាប់ពីទុស្សេឆេះបង្គោលខ្សែភ្លើងមួយកន្លែង ស្ថិតក្នុងភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត ។…
ខេត្តបន្ទាយមានជ័យ ៖ អណ្តាតភ្លើងបានឆាបឆេះផ្អើលទាំងព្រឹកព្រលឹមនៅថ្ងៃទី២៤ មេសា ២០២៣ បន្ទាប់ពីទុស្សេឆេះបង្គោលខ្សែភ្លើងមួយកន្លែង ស្ថិតក្នុងភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត ។
ករណីទុស្សេឆ្លងចរន្តនេះ ខណៈអណ្តាតភ្លើងកំពុងឆាបឆេះគេឃើញអ្នកស្រុកបាននាំគ្នាជួយបាចទឹក និងអ្នកខ្លះប្រើប្រាស់ឧបករណ៍បំពង់ឧស្ម័ន្មបាញ់ពន្លត់ភ្លើង ។ ដោយសារចំណុចកើតហេតុនៅមិនឆ្ងាយពីប៉ុស្តិ៍រដ្ឋបាលសង្កាត់ប៉ោយប៉ែត អាជ្ញាធរនឹងសមត្ថកិច្ចបាននាំគ្នាជួយពន្លត់និងបានអន្តរាគមន៍ហៅរថយន្តពន្លត់មកទាន់ពេល ។
យ៉ាងណាក៏ដោយ ករណីអគ្គីភ័យនេះ បានរលត់ទៅវិញដោយសាអ្នកស្រុកប្រើប្រាស់ឧបករណ៍បំពង់ឧស្ម័ន្មបាញ់ពន្លត់ ជាពិសេសដោយសារថយន្តឈ្នួលដឹកទឹកលក់១គ្រឿងបើកឆ្លងកាត់ផង ក៏ត្រូវបានអាជ្ញាធរ និងសមត្ថកិច្ចហៅជួយបាញ់ពន្លត់មុន ខណៈរថយន្តពន្លត់អគ្គិភ័យផ្សេងមិនទាន់មកដល់ ។
អគ្គិភ័យនេះ មិនបង្ករគ្រោះថ្នាក់ដល់មនុស្សណាម្នាក់ទេ ត្រឹមតែម្ចាស់ហាងលក់ទូរស័ព្ទនិងផ្ទះជាប់នោះ មានការភិតភ័យតែប៉ុណ្ណោះ ។
ចែករំលែកព័តមាននេះ