ADផ្ទាំងផ្សព្វផ្សាយពាណិជ្ជកម្ម

Picture

ខេត្តឧត្តរមានជ័យ​​​ ​ភ្ញៀវ​ទេសចរ​មក​កម្សាន្ត​លេង​​​​ថ្ងៃ​បុណ្យ​ចូល​ឆ្នាំ​ខ្មែរ​​​កើន​​ឡើង

11 ខែ មុន
  • ឧត្តរមានជ័យ

ខេត្តឧត្តរមានជ័យ ៖ កម្មវិធី​សង្ក្រាន្ត​នៅ​ខេត្តឧត្តរមានជ័យ​បាន​ប្រព្រឹត្ត​និង​បញ្ចប់​ទៅ ដោយ​សប្បាយ​​រីករាយ​យ៉ាង​ខ្លាំង ដែល​ចាប់ផ្តើម​កាលពី​ថ្ងៃ​ទី​១៤-១៥-១៦ មេ​សា ឆ្នាំ​២០២៣ ក្នុង​នោះ ប្រជាពលរដ្ឋ​មក​ពី​ទី​ជិត​ទី​ឆ្ងាយ មន្ត្រីរាជការ…

ខេត្តឧត្តរមានជ័យ ៖ កម្មវិធី​សង្ក្រាន្ត​នៅ​ខេត្តឧត្តរមានជ័យ​បាន​ប្រព្រឹត្ត​និង​បញ្ចប់​ទៅ ដោយ​សប្បាយ​​រីករាយ​យ៉ាង​ខ្លាំង ដែល​ចាប់ផ្តើម​កាលពី​ថ្ងៃ​ទី​១៤-១៥-១៦ មេ​សា ឆ្នាំ​២០២៣ ក្នុង​នោះ ប្រជាពលរដ្ឋ​មក​ពី​ទី​ជិត​ទី​ឆ្ងាយ មន្ត្រីរាជការ រួម​ទាំង​ភ្ញៀវ​ជាតិ និង​ភ្ញៀវ​អន្តរជាតិ បាន​មក​ចូលរួម​លេង​សប្បាយ​រីករាយ​ដែល​មក​ពី​តាម​បណ្តា​ស្រុក​នានា​ក្នុង​ខេត្តឧត្តរមានជ័យ ។ ជា​ពិសេស ឆ្នាំ​នេះ ចំនួន​ភ្ញៀវ​ជាតិ​និង​អន្តរជាតិ​បាន​ទៅ​លេង​តាម​រមណីយដ្ឋាន​នានា​ក្នុង​ខេត្ត​គឺ​មាន​ចំនួន​កើនឡើង ។

លោក​ប៉ែន កុស​ល្យ អភិបាលខេត្ត​ឧត្តរមានជ័យ​បាន​ឲ្យ​ដឹង កាលពី​ព្រឹក​ថ្ងៃ​ទី​១៧ មេ​សា ថា កម្មវិធី​សង្ក្រាន្ត​ឧត្តរមានជ័យ បាន​ចាប់ផ្តើម​មាន​រយៈពេល​៣​ថ្ងៃ ថ្ងៃ​ដំបូង​ក្នុង​ថ្ងៃ​ទី​១៤ រហូត​មក​ទល់​និង​ថ្ងៃ​ទី​១៦​ខែមេសា ឆ្នាំ​២០២៣ ។ កម្មវិធី​សង្ក្រាន្ត​ឧត្តរមានជ័យ​ក្នុងឆ្នាំនេះ មាន​លេងល្បែង​ប្រជា​ប្រី​យ​ទៅ​តាម​ទំនៀមទម្លាប់ ដូច​ជា​ល្បែង​ទាញ​ព្រាត់ ល្បែង​ចោល​ឈូង ល្បែង​វាយក្អម ល្បែង​បោះ​អ​ង្គុ​ញ លាបម្សៅ លេង​បាញ់​ទឹក និង​រាំវង់​យ៉ាង​សប្បាយ​រីករាយ ។

លោកស្រី​ធិ​ន​នី មុនី​រស្មី ប្រធាន​មន្ទីរ​ទេសចរណ៍​ខេត្តឧត្តរមានជ័យ​បាន​ឲ្យ​ដឹង កាលពី​រសៀល​ថ្ងៃ​ដដែល​ថា ឆ្នាំ​នេះ សង្ក្រាន្ត​នៅ​ឧត្តរមានជ័យ​មាន​បងប្អូន​ប្រជាពលរដ្ឋ​មក​ពី​ទី​ជិត​ទី​ឆ្ងាយ មន្ត្រីរាជ​ការ​ភ្ញៀវ​ជាតិ និង​ភ្ញៀវ​អន្តរជាតិ​ចូលរួម​នៅ​តាម​រមណីយដ្ឋាន​នានា​ក្នុង​ខេត្ត​ចំនួន​៤.៤៨៦១​នាក់ ដែល​ចំនួន​នេះ​គឺ​មានការ​កើនឡើង​ជាង​ឆ្នាំទៅ (៨០%) ។ សម្រាប់​ភ្ញៀវ​អន្តរជាតិ​គឺ​មាន​ចំនួន​៣០១​នាក់ ការ​កើនឡើង​កាលពី​ឆ្នាំទៅ​(៥៤%) ក្នុង​នោះ មន្ទីរ​មាន​វិធានការ​ទៅ​លើ​អ្នក​លក់ដូរ​មិន​ឱ្យ​លក់​ឡើងថ្លៃ​សម្រាប់​ភ្ញៀវ​ជាតិ និង​អន្តរជាតិ​នោះ​ទេ ។

លោក​ធូ សុភា នាយ​ផ្នែក​ការិយាល័យ​ចរាចរណ៍ និង​សណ្តាប់ធ្នាប់ នៃ​ស្នងការ​នគ​បាល​ខេត្ត​ឧត្តរ​មានបាន​ឲ្យ​ដឹង​ដែរ​ថា ករណី​គ្រោះ​ថ្នា​ចរាចរណ៍​ស្លា​.​ប់ម្នាក់ (​ស្រី​) និង​រង​របួសធ្ងន់​២​នាក់ (​ស្រី​) រថយន្ត​រង​ការ​ខូចខាត​ធ្ងន់​១​គ្រឿង​, ម៉ូតូ​រង​ការ​ខូច​ខា​ធ្ងន់​១​គ្រឿង លើស​ពី​នោះ​គ្រាន់តែ​ប៉ះទង្គិច​បន្តិចបន្តួច មិន​រង​របួស​និង​ខូចខាត​ដល់​ទ្រព្យសម្បត្តិ​។

សូម​រំលឹក​ថា គេ​បាន​សង្កេត​ឃើញ​ថា កម្មវិធី​សង្ក្រាន្ត និង​ពិធី​បុណ្យចូលឆ្នាំ​ប្រពៃណី​ជាតិ​ទៅ​លើ​ផ្នែក​ចរាចរណ៍ និង​សណ្តាប់ធ្នាប់ រួម​ទាំង​ផ្នែក​សន្តិសុខ​បាន​ល្អ​ប្រសើ​ជូន​ដល់​ប្រជាពលរដ្ឋ​ដែល​កំពង់​ធ្វើ​ដំណើរ​ទៅ​កាន់​ទី​អារាម​នានា​យក​ចង្ហាន់ បច្ច័យ​និង​ទេយ្យវត្ថុ​ប្រ​កេ​ន​ដល់​ព្រះសង្ឃ​នៅ​តាម​បណ្តា​វត្ត​និ​មួយ​ៗ​ផង​ដែរ ដោយ​មិន​ព្រួយបារម្ភ ហើយ​ក្នុងឆ្នាំនេះ ប្រជាពលរដ្ឋ​នាំ​គ្នា​ធ្វើបុណ្យ​យ៉ាង​ច្រើ​កុះករ​ណាស់ ។

អត្ថបទសរសេរ ដោយ