ភ្លៀងលាយឡំខ្យល់កន្ត្ត្រាក់នៅស្រុក-ក្រុងចំនួន៣ បំផ្លាញផ្ទះពលរដ្ឋជិត២៥០ខ្នង និងប៉ាណូ១ផ្ទាំង
- ឧត្តរមានជ័យ
ខេត្តឧត្តរមានជ័យ ៖ លំនៅឋានប្រជាពលរដ្ឋ២៤៩ខ្នង រងការខូចខាតធ្ងន់និងស្រាល ដែលបង្ក
ខេត្តឧត្តរមានជ័យ ៖ លំនៅឋានប្រជាពលរដ្ឋ២៤៩ខ្នង រងការខូចខាតធ្ងន់និងស្រាល ដែលបង្កដោយគ្រោះធម្មជាតិភ្លៀងធ្លាក់មួយមេលាយឡំខ្យល់កន្ត្រាក់បក់បោកយ៉ាងខ្លាំង កាលពីយប់ថ្ងៃទី១២ ខែមេសា ឆ្នាំ២០២៣នេះ នៅក្រុងសំរោង ស្រុកត្រពាំងប្រាសាទ ស្រុកអន្លង់វែង ខេត្តឧត្តរមានជ័យ។
ប្រជាពលរដ្ឋដែលទទួលរងគ្រោះដោយគ្រោះធម្មជាតិខាងលើបានរៀបរាប់ឱ្យដឹងថា នារដូវវស្សា
ជារៀងរាល់ឆ្នាំ ប្រជាពលរដ្ឋតែងតែព្រួយបារម្ភចំពោះគ្រោះធម្មជាតិបំផ្លិចបំផ្លាញលំនៅឋាន ។ ជាក់
ស្តែងនៅយប់ថ្ងៃទី១២ ខែមេសា ឆ្នាំ២០២៣នេះ មេឃងងឹតមួយសន្ទុះក្រោយមកទឹកភ្លៀងក៍ធ្លាក់មួយមេធំលាយឡំខ្យល់កន្ទ្រាក់បក់បោក បណ្តាលឱ្យលំនៅឋានរងការខូចខាតធ្ងន់និងស្រាលផងដែរ។
យោងតារបាយការណ៍រដ្ឋបាលសាលាខេត្តឧត្តរមានជ័យ បានឱ្យដឹងថា ក្រុងសំរោងរងការខូចខាតផ្ទះធ្ងន់ស្រាលចំនួន២៤៤ខ្នង ស្រុកអន្លង់វែងរងការខូចខាតផ្ទះចំនួន៥ខ្នង និងប៉ាណូមួយផ្ទាំង ស្រុកត្រពាំងប្រាសាទ រងការខូចខាតស្លាកមួយ ។ សរុប៨ករណីគឹតចាប់ពីថ្ងៃទី១៦ ក្នុងខែកុម្ភះ រហូតមកទល់ថ្ងៃទី១២ ខែមេសា ឆ្នាំ២០២៣នេះ ផលប៉ះពាល់ដោយគ្រោះធម្មជាតិ៤៦០ខ្នង ប៉ាណូចំនួន៣ និងមនុស្សម្នាក់ទទួលរងរបួសផងដែរ ។
ទាក់ទិនទៅនិងគ្រោះធម្មជាតិបំផ្លិចបំផ្លាញលំនៅឋានប្រជាពលរដ្ឋនេះ គេបានសង្កេតឃើញមានវត្តមានលោកកិតិសង្គហបណ្ឌិត ទេសរដ្ឋមន្ត្រី គន់ គីម អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ និងជាប្រធានក្រុមការងារថ្នាក់ជាតិចុះមូលរដ្ឋានខេត្តឧត្តរមានជ័យ លោកប៉ែន កុសល្យអភិបាលខេត្តឧត្តរមានជ័យ លោកហួត សុធីស្នងការដ្ឋាននគបាលខេត្ត អញ្ជើញចុះសាកសួសុខទុក្ខនិងនាំយកនូវអំណោយជួយឧបត្ថម្ភផងដែរ ៕
ចែករំលែកព័តមាននេះ