បែកធ្លាយ ! ឈ្មួញលួចដឹកឈើចូលយួនត្រួវទាហានយួនចាប់
ខេត្តស្វាយរៀង ៖ រថយន្តដឹកឈើ២គ្រឿងចេញតាមច្រកទ្វារព្រំដែនបុស្សមនឆ្លងដែនចូលទៅវៀតណាម
ខេត្តស្វាយរៀង ៖ រថយន្តដឹកឈើ២គ្រឿងចេញតាមច្រកទ្វារព្រំដែនបុស្សមនឆ្លងដែនចូលទៅវៀតណាម ត្រូវបានវៀតណាមចាប់ទុកទាំងពីរគ្រឿងដោយអ្នករត់ការប្រាប់ថាមាន ច្បាប់ PC ក៏ប៉ុន្តែ ចូលពេលយប់ទើបចាប់រកឯកសារ ។
បើយោងតាមមន្ត្រីកងរាជអាវុធហត្ថខេត្តស្វាយរៀងលួចបង្ហើបប្រាប់ភ្នាក់ងារអ្នកសារព័ត៌មានឲ្យដឹងថា មានរថយន្តដឹកឈើធំៗពីរគ្រឿងបានដឹកឈើចេញពីរប្រទេសខ្មែរយើងឆ្លងដែនទៅវៀតណាម ត្រូវសមត្ថកិច្ចវៀតណាមឃាត់ចាប់សង្ស័យអត់ច្បាប់ ។ មន្ត្រីដដែលបន្តថា ក្បូនរថយន្តដឹកឈើនេះបានឆ្លងដែននៅវេលាម៉ោងប្រមាណ៣ទៀបភ្លឺថ្ងៃទី១៨ ខែតុលា ឆ្នាំ២០១៧ កន្លងមកនេះដោយឆ្លងពីខ្មែរយើងតាមច្រកបុស្សមន ស្រុករំដួល ខេត្តស្វាយរៀង ទៅខេត្តតៃនិញ ប្រទេសវៀតណាម តាមរថយន្តវ៉េអង ឬក្លារហ្វម មួយឡានៗប្រមាណ៤០ម៉ែត្រគូប ហើយត្រូវសមត្ថកិច្ចវៀតណាមចាប់ទុកនៅទឹកដីគេ ហើយប្រាប់ភាគីខ្មែរនៅថ្ងៃម្សិលមិញ ។
បើយោងតាមក្រុមឈ្មួញរកស៊ីឈើម្នាក់បាននិយាយថា ពិតជាមានករណីរថយន្តដឹកឈើឆ្លងដែនទៅវៀតណាម ហើយវៀតណាមចាប់មែន ហើយឥឡូវស្ទះមិនហ៊ានចេញទេ ។ ដោយជាងពីរសប្តាហ៍នេះដឹកឈើចេញពីខេត្តស្ទឹងត្រែងបានជិត១០ឡានឆ្លងដែនទៅវៀត ណាម បានបួនឡានក៏ត្រូវសមត្ថកិច្ចចាប់ពីរឡាន ។
ទាក់ទិនករណីនេះដែរលោក ផន ផល្លី ប្រធានការិយាល័យគយ និងរដ្ឋាករច្រកទ្វេភាគីបុស្សមន អ្នកសារព័ត៌មានយើងបានទាក់ទងកាលពីល្ងាចថ្ងៃទី១៩ ខែតុលា ឆ្នាំ២០១៧ មិនអាចរកការសុំបំភ្លឺបានទេ ដោយទូរស័ព្ទទៅលោក លោកមិនឆ្លើយតបទេ ត្រឹមនិយាយហាក់មិនឮថា អាឡូៗ ៗ ។ ចំណែកលោក ម៉ែន វិបុល អភិបាលខេត្តស្វាយរៀងបានមានប្រសាសន៍ប្រាប់ភ្នាក់ងារសារព័ត៌មានថា ម៉ោងប្រាំល្ងាចនេះ ( ល្ងាចថ្ងៃទី១៩ ខែតុលា ឆ្នាំ២០១៧) ខ្ញុំកំពុងប្រជុំជាមួយអភិបាលខេត្តតៃនិញដើម្បីដោះស្រាយរឿងនេះ ។ រហូតមកដល់ថ្ងៃទី២០ ខែតុលា ឆ្នាំ២០១៧ នេះភាគីវៀតណាមបានសម្របសម្រួលបញ្ចប់រឿងហើយ ៕
ចែករំលែកព័តមាននេះ