ខេត្តស្ទឹងត្រែង ៖ ប្រជាពលរដ្ឋអាស្រ័យផល និងរស់នៅផ្នែកខាងក្រោមទំនប់ពុ ឃុំកំភុន ស្រុកសេសាន បានទទូចស្នើសុំដល់អាជ្ញាធរខេត្ត និងស្រុកក្នុងមូលដ្ឋាន ដើម្បីជម្រុញធ្វើការវាស់វែងដីធ្លីជូនពួកគាត់អោយបានមុនពេលបោះឆ្នោតខាងមុខ ។…
ខេត្តស្ទឹងត្រែង ៖ ប្រជាពលរដ្ឋអាស្រ័យផល និងរស់នៅផ្នែកខាងក្រោមទំនប់ពុ ឃុំកំភុន ស្រុកសេសាន បានទទូចស្នើសុំដល់អាជ្ញាធរខេត្ត និងស្រុកក្នុងមូលដ្ឋាន ដើម្បីជម្រុញធ្វើការវាស់វែងដីធ្លីជូនពួកគាត់អោយបានមុនពេលបោះឆ្នោតខាងមុខ ។
ប្រជាពលរដ្ឋដែលអះអាងថា បានអាស្រ័យផលលើការរស់នៅជាក់ស្តែង «ក្រោមទំនប់ពុសេសាន»បានរៀបរាប់ថា ចំណុចដីខាងលើ ពួកគាត់បានរស់នៅធ្វើស្រែចំការតាំងពីសម័យរដ្ឋកម្ពុជាមកម្ល៉េះ ព្រមទាំងមាន
បង្កាន់ដៃទទួលពាក្យ បង្កាន់ដៃបង់ប្រាក់ចេញដោយការិយាល័យកសិកម្មស្រុក នាឆ្នាំ១៩៩១ ។
កាលណោះ មានតែ៧គ្រួសារប៉ុណោះ តែបច្ចុប្បន្នបូកទាំងប្រជាពលរដ្ឋរស់នៅថ្មីបន្តបន្ទាប់សរុបប្រមាណជាជិត២០គ្រួសារ ដោយអាស្រ័យផលលើការធ្វើស្រែ ចំការស្វាយចន្ទី ដំឡូង និងកសិកម្មបន្ទាប់បន្សំផ្សេងទៀតក្នុងការទ្រទ្រុងជីវភាពរាល់ថ្ងៃ ។ ប្រជាពលរដ្ឋទាំងអស់នោះ បានស្នើសុំដល់អាជ្ញាធរ មេត្តាជួយពន្លឿនក្នុងការវាស់វែងដីស្រែចំការនោះជូនដល់ពួកគាត់ ដើម្បីពួកគាត់មានប័ណ្ណស្របច្បាប់កាន់កាប់ប្រើប្រាស់លើការរកបករភពដើមទុនពង្រីករបរកសិកម្ម។
ប្រធានសហគមន៍អូរចាបលោក រ៉ន បានបញ្ជាក់ប្រាប់កោះសន្តិភាពថា ចំណុចផ្ទៃដីខាងលើ សហគមន៍បានលើកអង្គប្រជុំសម្រេចកាត់ឆ្វៀលជូនទៅប្រជាពលរដ្ឋ ដោយសារចំណុចដីខាងលើ គឺប្រជាពលរដ្ឋបានធ្វើស្រែជផ្នែកមួយលើកកម្ពស់កសិកម្មស្រូវ ។
លោកបន្តថា កាលពីកន្លងមក ក្នុងសម័យរដ្ឋកម្ពុជាឆ្នាំ១៩៩១ គឺមានប្រជាពលរដ្ឋចំនួន៧គ្រួសារប៉ុណ្ណោះ តែបច្ចុប្បន្នកើនឡើងជាង២០គ្រួសារទៅហើយ ហើយខាងសហគមន៍ ក៏បានឯកភាពសម្រេចកាត់ផ្ទៃដីចេញជូនទៅបករជាពលរដ្ឋដែរ តែខាងអាជ្ញាធរមិនទាន់ចុះវាស់វែងអាចនឹងមានផែនការអ្វីផ្សេងទៀត ក្នុងគោលបំណងបង្កើតជាកន្លែងដែលមានតម្លៃលើសពីការស្នើសុំរបស់ប្រជាពលរដ្ឋយ៉ាងយើងក៏ពុំដឹងដែរ ។
លោក សុវណ្ណ ពិសេដ្ឋ អភិបាលស្រុកសេសាន បានបញ្ជាក់ប្រាប់កោះសន្តិភាពដែរថា យោងតាមស្មារតីរបស់អាជ្ញាធរ គឺបានចុះសម្របសម្រួលជាមួយប្រជាពលរដ្ឋច្រើនលើកហើយ ហើយយើងនៅតែព្យាយាមបម្រើ
សេវាកម្មជូនគាត់ ចំពោះការទាមទារស្នើសុំរបស់ប្រជាពលរដ្ឋ ។
អាជ្ញាធរស្រុកពុំមានលទ្ធភាពបានធ្វើទាន់ពេលនោះ គឺវាហួសទៅនិងសមត្តភាពរបស់ស្រុក ព្រោះដីនោះស្ថិតនៅក្នុងដែនសហគមន៍គ្រប់គ្រង ចំពោះស្មារតីស្រុក គឺមិនចង់អោយមានករណីកាត់ឆ្វៀល ក្រវិចក្រវល់ ក្រហេងក្រហូងនោះទេ គឺចង់រៀបចំអោយក្លាយទៅជាទីកន្លែង ដែលមានហេដ្ឋារចនាសម្ព័ន្ធមួយដ៏ល្អ ដោយមានទាំងមណ្ឌលសុខភាព សាលារៀន វត្តអារាម ជាដើម នេះជាគោលបំណង និងជាគផលដៅរបស់ស្រុក ៕
ចែករំលែកព័តមាននេះ