ក្រុមអាជ្ញាធរស្រុកអន្លង់វែង ចុះរុះរើស្ពានមួយកន្លែង ដែលមានភាពទ្រុឌទ្រោម ដោយមិនអាចធ្វើដំណើរឆ្លងកាត់បានបន្តទៀត។ ហេតុការណ៍នេះ បានកើតឡើង
ខេត្តឧត្តរមានជ័យ ៖ ក្រុមអាជ្ញាធរស្រុកអន្លង់វែង ចុះរុះរើស្ពានមួយកន្លែង ដែលមានភាពទ្រុឌទ្រោម ដោយមិនអាចធ្វើដំណើរឆ្លងកាត់បានបន្តទៀត។ ហេតុការណ៍នេះ បានកើតឡើងនាពីព្រឹកថ្ងៃទី២ ខែមេសា ឆ្នាំ២០២៣ ស្ថិតនៅក្នុងភូមិរុំចេកខាងលិច ឃុំអន្លង់វែង ស្រុកអន្លង់វែង ខេត្តឧតមតរមានជ័យ។
បើតាមប្រជាពលរដ្ឋចំនួន៣ភូមិ បានរៀបរាប់ឱ្យដឹងកាលពីរសៀលថ្ងៃទី២ ខែមេសា នេះថា ស្ពានឈើមួយកន្លែងនេះ សំខាន់ណាស់សម្រាប់ប្រជាពលរដ្ឋធ្វើដំណើឆ្លងកាត់ទៅលើភូមិចំនួន៣ គឺភូមិរុំចេកខាងកើត ភូមិរុំចេកខាងលិច និងភូមិអូរតាមេង ហៅភូមិអណ្តូង៣។ ហើយស្ពាននេះ ក៏ធ្វើដំណើរភ្ជាប់ទៅភូមិលំទងចាស់ ឃុំលំទងផងដែរ។
ពលរដ្ឋទាំង៣ភូមិខាងលើបន្តថា នៅក្នុងរដូវប្រមូលផលម្តងៗ ប្រជាពលរដ្ឋតែងតែដឹកជញ្ជូនផ្នែកកសិផលនានា ឆ្លងកាត់ស្ពាននេះទៅរកទីផ្សារក្នុងទីប្រជុំជនស្រុកអន្លង់វែង។ អ្នកភូមិបញ្ជាក់ថា ស្ពានឈើមួយកន្លែងដែលទ្រុឌទ្រោមនេះ កាលពីអំឡុងឆ្នាំ២០២២កន្លងទៅ ត្រូវទឹកជំនន់ហូរបុក និងជន់លិច បណ្តាលបង្កឲ្យរងការខូចខាតយ៉ាងដំណំ ដោយមិនអាចធ្វើដំណើរឆ្លងកាត់បន្តទៀតបានទេ។
ទាក់ទិននឹងករណីខាងលើ នៅព្រឹកថ្ងៃទី៣ ខែមេសា ឆ្នាំ២០២៣ លោក ងួន ទ្ធីរិទ្ធ អភិបាលស្រុកអន្លង់វែង និងជាប្រធានគណៈកម្មាធិការបក្សស្រុក បានដឹកនាំក្រុមការងារយុវជនបក្សឃុំអន្លង់វែង ក្រុមប្រឹក្សាឃុំអន្លង់វែង ដោយមានការចូលរួមជាមួយយុវជនបក្សភូមិរំចេកទាំង៣ភូមិ ព្រមទាំងយោងទៅលើការស្នើសុំពីប្រជាពលរដ្ឋផងនោះ លោកបានចុះរុះរើស្ពានចាស់ ដើម្បីសាងសង់ស្ពានថ្មី ដែលមានទំហំ៤ម៉ែត្រគុណនឹង១៨ម៉ែត្រ ជូនពលរដ្ឋចំនួន៣ភូមិ សម្រាប់ការធ្វើដំណើរ និងដឹកជញ្ជូនកសិផលរបស់ពួកគាត់ទៅរកទីផ្សារនានាផងដែរ ដោយត្រូវចំណាយនូវថវិកាចំនួន១២លានរៀល៕
ចែករំលែកព័តមាននេះ