មាស អាលីស ខកខានជួយជនពិការ
រាជធានីភ្នំពេញ ៖ អ្នកនាងមាស អាលីស ខកចិត្តគ្រាដែល
រាជធានីភ្នំពេញ ៖ អ្នកនាងមាស អាលីស ខកចិត្តគ្រាដែល
រាជធានីភ្នំពេញ ៖ អ្នកនាងមាស អាលីស ខកចិត្តគ្រាដែលកម្មវិធី«ប្រជុំតារាតន្ត្រី» ត្រូវផ្អាកធ្វើឱ្យការជួយឱ្យជនពិការបានសម្តែងរបស់នាងមិនបានសម្រេច ។
តារាចម្រៀងសំឡេងស្រដៀងអ្នកស្រីហួយ មាស អ្នកនាងមាស អាលីស បានព្យាយាមពង្រឹងស្នាដៃរហូតទទួលបានការងារ ថ្មីៗក្នុងវិស័យសិល្បៈបន្តគ្នាមួយរយៈនេះ ។
ឆ្លងកាត់ការបង្ហាញសមត្ថភាពនោះលើវេទិកាប្រគំតន្ត្រីនានាតាមស្ថានីយទូរទស្សន៍មាស អាលីស ឆក់យកប្រជាប្រិយភាពជាបន្តបន្ទាប់រហូតកាន់តែធ្វើឲ្យការពង្រីកខ្លួននៅលើដងវិថីសិល្បៈឡើងមួយកម្រិតទៀត ។ ថ្មីៗនេះនាងត្រូវលោកសាវិន ហ្វីលីព តែងនិពន្ធបទ ថ្មីៗ ឲ្យនាងច្រៀង ព្រោះយល់ថា សំឡេងពីរោះស្រដៀងអតីតតារាជើងចាស់អ្នកស្រីហួយ មាស ។
អ្នកនាងមាស អាលីស មានក្តីរីរាយដែលបានលោកសាវិន ហ្វីលីព ឲ្យនាងច្រៀងបទនិពន្ធថ្មី ។ នាងខិតខំព្យាយាមធ្វើយ៉ាងណាឲ្យល្អប្រសើរក្នុងជំហានថ្មីដើម្បីបំពេអារម្មណ៍ប្រិយមិត្ត និងអរគុណដល់លោកសាវិន ហ្វីលីព ដែលពេញចិត្តទឹកដមសំឡេងរបស់់នាង ។
អ្នកនាងមាស អាលីស ក្រៅពីច្រៀងបទពីដើមក៏ ជាពិធីការិនីប្រចាំវិទ្យុមួយក្នុងកម្មវិធីច្រៀងខារ៉ាអូខេឆ្លងឆ្លើយជាមួយប្រិយមិត្ត ។ បន្ថែមពីលើកិច្ចការងារនោះ នាងព្យាយាមបណ្តុះបណ្តាលអ្នកជំនាន់ក្រោយឲ្យចេះពីរបៀបប្រើប្រាស់ជំនាញនិយាយវិទ្យុគ្រាដែលអ្នកនាងយល់ដឹងច្រើនឆ្នាំ ។ ចំណុចល្អមួយទៀតអាលីសរមែងជួយអ្នកចម្រៀងជនពិការឲ្យបានឡើងច្រៀក្នុងកម្មវិធីទូរទស្សន៍បាយ័ន«ប្រជុំតារាតន្ត្រី» ។
មាស អាលីស បញ្ជាក់ថា «នាងខ្ញុំចង់ជួយបងប្អូនពិការឲ្យបានឡើងច្រៀងបន្តទៀតដើម្បីបានជំនួយសម្រាលជីវភាព តែសោកស្តាយដែលខាងកម្មវិធីត្រូវផ្អាកសិនរង់ចាំដំណើរការថ្មីធ្វើឲ្យបងប្អូនជាប់គាំង ។ សម្រាប់នាងខ្ញុំពេលបានបង្ហាញការងារមនុស្សធម៌ គឺហាក់មានទឹកចិត្តសប្បាយរីករាយ ហើយឲ្យតែបានជួយអ្វីដល់សង្គម គឺអារម្មណ៍ល្អ។ ទោះបីជាយ៉ាងណានាងខ្ញុំរំពឹងថាមានកម្មវិធីជាបន្តទៀតដើម្បីជួយដល់បងប្អូនជនពិការយើងដូចពីមុន» ៕
ចែករំលែកព័តមាននេះ