រង្វាន់ជូនសិស្សប្រឡងជាប់និទ្ទេស A នៅខេត្តកំពត
ព្រឹកថ្ងៃទី ០១ ខែ តុលា ឆ្នាំ ២០១៧ ឯកឧត្តមបណ្ឌិតប៉ែន ស៊ីម៉ន ទីប្រឹក្សាផ្ទាល់សម្តេចអគ្គមហាសេនាបតីតេជោ ហ៊ុន សែន
ព្រឹកថ្ងៃទី ០១ ខែ តុលា ឆ្នាំ ២០១៧ ឯកឧត្តមបណ្ឌិតប៉ែន ស៊ីម៉ន ទីប្រឹក្សាផ្ទាល់សម្តេចអគ្គមហាសេនាបតីតេជោ ហ៊ុន សែន
ព្រឹកថ្ងៃទី ០១ ខែ តុលា ឆ្នាំ ២០១៧ ឯកឧត្តមបណ្ឌិតប៉ែន ស៊ីម៉ន ទីប្រឹក្សាផ្ទាល់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងជាអនុប្រធានទី១ ក្រុមការងារចុះជួយខេត្តកំពតបានអញ្ជើញជាអធិបតីក្នុងពិធីសំណេះសំណាលជាមួយសិស្សានុសិស្សជ័យលាភីប្រឡងសញ្ញាប័ត្រមធ្យមសិក្សាទុតិយភូមិឆ្នាំ ២០១៧ ចំនួន ៣.៤៧៥នាក់ មកពីគ្រប់ស្រុក ក្រុង ក្នុងខេត្តកំពត ។
អញ្ជើញចូលរួមក្នុងឱកាសនេះដែរមានលោកជំទាវ អ៊ុន សុគន្ធា សភាតំណាងរាស្ត្រមណ្ឌលកំពត ឯកឧត្តម ណាត ប៊ុនរឿង រដ្ឋលេខាធិការ ក្រសួងអប់រំយុវជន និងកីឡា អាជ្ញាធរខេត្ត ស្រុក ក្រុង លោកគ្រូ អ្នកគ្រូ សាស្ត្រាចារ្យ មាតា បិតាសិស្ស សរុប ប្រមាណជាង ៦,០០០នាក់ ។ ឯកឧត្តម ចាន់ ចេស្តា អភិបាល នៃគណៈអភិបាលខេត្តកំពត បានគូសបញ្ជាក់ថា តាមរយៈការធ្វើកំណែទម្រង់របស់រាជរដ្ឋាភិបាល ពិសេសក្រសួងអប់រំ យុវជន និងកីឡា តាមទិសស្លោក អ្នកចេះគឺជាប់ និងការអនុវត្តនូវគោលការណ៍ច្បាប់ យុត្តិធម៌ តម្លាភាព និងលទ្ធផលទទួលយកបាន រួមទាំងការឧបត្ថម្ភគាំទ្រ ទាំងស្មារតី និងថវិការបស់ឯកឧត្តមបណ្ឌិត ប៉ែន ស៊ីម៉នផងនោះ ធ្វើឲ្យលទ្ធផលនៃការប្រឡង បាក់ឌុបឆ្នាំ ២០១៧នេះ មានភាពប្រសើរកើនឡើងជាងឆ្នាំមុនៗ ។
ជាក់ស្តែងសម័យប្រលង ថ្ងៃទី ២១ ខែ សីហា ឆ្នាំ ២០១៧ នេះទូទាំងខេត្តកំពតមានបេក្ខជនប្រលង ៥.០៦៤នាក់ ប្រលងជាប់ ៣.៤៧៥នាក់ ស្រី ១.៦៥០នាក់ ស្មើនឹង ៦៨,៦២ភាគរយ កើនលើសឆ្នាំ២០១៦ ចំនួន ៧,៧០ភារយ ក្នុងនោះនិទ្ទេស A ចំនួន២១នាក់ ស្រី ១០នាក់ ។ អ្វីដែលជាមោទនភាពរបស់ខេត្តបេក្ខជននិទេស A ទាំង២១នាក់ មានបេក្ខជន១០នាក់មកពីស្រុកអង្គជ័យ ដែលជាស្រុកកំណើតរបស់ឯកឧត្តម បណ្ឌិត ប៉ែន ស៊ីម៉នផ្ទាល់ ។ មានប្រសាសន៍ជាមួយលោកគ្រូ អ្នកគ្រូ សិស្សានុសិស្ស ជ័យលាភី ទាំងអស់ ឯកឧត្តម បណ្ឌិត ប៉ែន ស៊ីម៉ន បានសម្តែងការកោតសរសើរចំពោះលោកគ្រូ អ្នកគ្រូ មាតិ បិតា អាណាព្យាបាលសិស្ស ដែលបានបង្កឱកាសគ្រប់ បែបយ៉ាង ចូលរួមចំណែក ជម្រុញឲ្យ កូនចៅ រៀនសូត្រ ឲ្យទទួលបានលទ្ធផល ដ៏ប្រសើរនាពេលនេះ ។ ឯកឧត្តម បណ្ឌិត ប៉ែន ស៊ីម៉ន ក៏បានសម្តែងនូវការដឹងគុណ ចំពោះលោកគ្រូ ឈន ម៉ៅ មកពីវិទ្យាល័យ ប៊ុន រ៉ានី ហ៊ុន សែន ដងទង់ ដែលបានបណ្តុះបណ្តាល និងបង្រៀន កញ្ញា ស៊ិន សៅរី បានជាប់លេខ១ ទូទាំងប្រទេសលើមុខវិជ្ជា ជីវវិទ្យា និងលោកសាស្ត្រាចារ្យ ឈឹម រឹម មកពីវិទ្យាល័យ ហ៊ុន សែន បរិវាស ដែលបានបង្រៀន សិស្សឈ្មោះ ធឿន គីណា បានជាប់លេខ១ទូទាំងប្រទេស លើមុខវិជ្ជា អក្សរសាស្ត្រខ្មែរ ។
ឯកឧត្តម បណ្ឌិត ប៉ែន ស៊ីម៉ន បានលើកឡើងពីគោលនយោបាយ លើកកម្ពស់វិស័យអប់រំសិក្សាធិការជាតិ របស់រាជរដ្ឋាភិបាល ដែលមានសម្តេចតេជោ សែន ជាប្រមុខ តាមរយៈការកសាងអាគារសិក្សា ការបណ្តុះបណ្តាលធនធានមនុស្ស ចាប់តាំងពីថ្នាក់មតេយ្យ រហូតដល់សាកលវិទ្យាល័យ ធ្វើយ៉ាងណាអោយក្មួយៗ មានចំណេះជំនាញច្បាស់លាស់ ក្នុងការរួមចំណែកស្តារ និងអភិវឌ្ឍន៍ប្រទេសជាតិ ។ ឯកឧត្តម បណ្ឌិត ប៉ែន ស៊ីម៉ន បានប្រកាសផ្តល់ជូនអាហារូបករណ៍ ថ្នាក់មហាវិទ្យាល័យ របស់ឯកឧត្តមផ្ទាល់ចំនួន ២២១ កន្លែង ជូនដល់សិស្សានុសិស្ស ទើបប្រឡងជាប់ចាប់ពីនិទ្ទេស A ដល់ E ផងដែរ ។ ឯកឧត្តម បណ្ឌិត ប៉ែន ស៊ីម៉ន បានអញ្ជើញប្រគល់ពាន រង្វាន់ដល់លោកសាស្ត្រាចារ្យ ដែលបានបង្រៀនសិស្សជាប់និទ្ទេស A ទូទាំងប្រទេសផ្នែក ភាសាខ្មែរ និងជីវវិទ្យា ចំនួន ២នាក់ម្នាក់ៗពាន ១ ថវិកា ២លានរៀល សិស្សជាប់លេខ១ទូទាំងប្រទេសលើភាសាខ្មែរ និងជីវវិទ្យាចំនួន២នាក់ ម្នាក់ៗ ៥០ម៉ឺរៀល និងពាន ១ លោកនាយក នាយិការ លោកគ្រូ អ្នកគ្រូ ចំនួន ៤២៥នាក់ ម្នាក់ៗ ១០ម៉ឺនរៀល សិស្សនិទ្ទេស A ២១នាក់ ម្នាក់ៗទទួលបាន ពាន ១ ម៉ូតូC១២៥ សេរីឆ្នាំ ២០១៧ ១គ្រឿង ថវិកា ៤០ម៉ឺនរៀល សិស្សនិទ្ទេស B ចំនួន ១០៣នាក់ ម្នាក់ៗទទួលបានថវិកា ២០ម៉ឺនរៀល សិស្សនិទ្ទេស C ចំនួន ២៦១នាក់ ម្នាក់ៗ ១៥ម៉ឺនរៀល និទ្ទេស D ចំនួន ៥២៨នាក់ ម្នាក់ ១០ម៉ឺននិង សិស្សនិទ្ទេស E ចំនួន ២,៥៦២នាក់ ម្នាក់ទទួលបានថវិកា ៥ម៉ឺនរៀល សរុបចំនួន ២៩៦លាន៥៥ម៉ឺនរៀល ម៉ូតូ ២១គ្រឿង និងពានរង្វាន់ ២៥គ្រឿង ៕
ចែករំលែកព័តមាននេះ