រាជធានីភ្នំពេញ ៖ រៀបរាប់រឿងពិត ជីវិតប្តីប្រពន្ធមួយគូ ពិតជាកម្សត់ណាស់ ក្រោយកើតកូនបាន១៥ថ្ងៃ ជួបការខ្វះខាតព្រឹកល្ងាច យករុឺម៉កធ្វើជាផ្ទះ សូម្បីតែសម្លៀកបំពាក់កូនតូចដែលទើបនឹងកើតគ្មានផងនោះ ។…
រាជធានីភ្នំពេញ ៖ រៀបរាប់រឿងពិត ជីវិតប្តីប្រពន្ធមួយគូ ពិតជាកម្សត់ណាស់ ក្រោយកើតកូនបាន១៥ថ្ងៃ ជួបការខ្វះខាតព្រឹកល្ងាច យករុឺម៉កធ្វើជាផ្ទះ សូម្បីតែសម្លៀកបំពាក់កូនតូចដែលទើបនឹងកើតគ្មានផងនោះ ។
ជាការពិត ទឹកចិត្តអ្នកម្តាយ លោកឪពុក ពិតជាធំធេងណាស់ កាត់ថ្លៃពុំបានឡើង ដូច្នេះសង្ឃឹមថា កូនតូចរូបនេះធំឡើងជួយយកអាសាម្តាយឪពុកដោយតម្លៃទឹកចិត្តម្តាយពេលខ្វះខាត ស្រែករកអោយគេជួយ ខណៈខ្លួនខ្វះខាតខ្លាំង រកបានតិចតួចបាយទឹកចំណីមិនហ៊ានហូបទេ ទុកអោយកូន កូនបានឆ្អែតម្តាយរំភើបណាស់ ។
កាលពីពេលថ្មីៗនេះ ជីវិតស្ត្រីម្នាក់ជួបការខ្វះខាតជាទម្ងន់ ដោយនាងទើបសម្រាលកូនបាន១៥ថ្ងៃ នាងបានលើកដៃសំពះគេអោយជួយ ខណៈនាងកូនខ្ចីចង់បានសម្លៀកបំពាក់អោយកូនដោយស្វាមីនាងក៏ពិការរកអ្វីមិនសូវបានផងនោះ ។
តាមរយៈគណនីហ្វេសប៊ុកមួយឈ្មោះ គង់ សុខនីន បានបង្ហោះពីជីវិតប្តីប្រពន្ធរូបនេះថា «បងៗមានសម្លៀកបំពាក់ដែលឈប់ប្រើនៅអាចប្រើបានទេ ខ្ញុំសុំបានទេ យកជូនក្មួយតូច ក្មួយប្រុសទើបបាន១៥ថ្ងៃទេ ម្ដាយដើរបីកូនសុំលុយ ដោយសារគ្រួសារទីទាល់ បងៗអាចផ្ញើតាមរយៈខ្ញុំបាទ ទីតាំងផ្សារទឹកថ្លា ក្រោយមណ្ឌលសុខភាពទឹកថ្លា ភ្នំពេញ 0963554217 ក្មួយនៅភូមិព្រះពោធ៍ ស្រុកពញ្ញាឮ ខេត្តកណ្ដាល ជាប់ជើងភ្នំឧដុង្គ ឬបងៗចង់ចូលរួម ដើម្បីទិញទឹកដោះគោជូនក្មួយ ។ អាណិតណាស់ ជីវិតប្អូនពីរនាក់ប្ដីប្រពន្ធយករុឺម៉កធ្វើផ្ទះ យប់ត្រង់ណាដេកត្រង់នឹងម៉ូតូអត់មានភ្លើង រុឺម៉កអត់មានភ្លើង យប់ៗសុំសំយ៉ាប ផ្ទះគេដាក់រុឺម៉កដេក មានបងៗណាចង់ជួយក្នុងការទិញកូនសូឡាជូនក្មួយតូចទេ គាត់អត់មានភ្លើង» ។
តាមរយៈបទសម្ភាសន៍ជាមួយសារព័ត៌មានកោះសន្តិភាព លោក គង់ សុខនីន និយាយថា ប្អូនទាំងពីរនេះជួបការខ្វះខាតខ្លាំងណាស់ ដូចដែលប្អូនបានឃើញស្រាប់ ប្តីប្រពន្ធមួយគូនេះយករម៉កធ្វើផ្ទះ យប់ត្រង់ណាសម្រាកត្រង់នោះ ។ ស្ត្រីទើបតែសម្រាលកូនខ្ចីទើបបាន១៥ថ្ងៃ ដែលកំពុងជួបព្យុះភ្លៀងរូបនេះមានឈ្មោះ ខា លក្ខិណា ឆ្នាំនេះមានអាយុ១៩ឆ្នាំ ។ លក្ខិណា មានស្រុកកំណើតភូមិបឹងរ៉ៃ ស្រុកស្វាយជ្រុំ ខេត្តស្វាយរៀង ។
ចំណែកស្វាមីនាងឈ្មោះ លន់ វ៉ា អាយុ២០ឆ្នាំ ទីកំណើតភូមិស្រះពោធិ៍ ឃុំផ្សារដែក ស្រុកពញ្ញាឮ ខេត្តកណ្ដាល ។ ដោយនាងពេលបច្ចុប្បន្ន នាង និងស្វាមីរស់នៅ ជាប់ជើងភ្នំឧដុង្គ នៃខេត្តកណ្តាល យករុឺម៉កបាំងតង់ធ្វើជាផ្ទះ យប់កន្លែងណា សម្រាកន្លែងនោះ ពីមុនលក្ខិណា មានរបរតិចតួច ដោយលក់របស់របរក្មេងលេង តែដល់ពេលនាងមានកូននាងពុំបានទៅលក់ ដូច្នេះជីវភាពនាង និងស្វាមីពិការពីកំណើត រកពុំសូវបាននោះឡើយ ។
លក្ខិណា និងស្វាមីមានពិការភាពដ៏កម្សត់រូបនេះថា សព្វថ្ងៃគ្មានការងារធ្វើទេ ហើយកូនដែលកើតមកនេះជាកូនទី៣ ដោយការលំបាកធំបំផុតសម្រាប់នាងនោះ គឺ អត់មានដីអត់មានផ្ទះ មានត្រឹមរម៉កមួយ អត់មានភ្លើងបំភ្លឺពេលយប់ ហើយក្រៅពីនេះ នាងសុំត្រឹមសម្លៀកបំពាក់អោយកូនៗរបស់នាង ។
ជាចុងក្រោយ លក្ខិណាស្រី្តដែលមានកូនខ្ចីកម្សត់សម្រាកក្នុងតង់សុំត្រឹមមានបាយបីពេល សម្លៀកបំពាក់កូនៗ ពោលនាងលើកដៃសំពះទាំងទឹកភ្នែកស្រក់ដក់លើទ្រូងកូនអោយជួយនាងផង ពោលបើមិនជួយនាង ក៏បានជួយដល់កូននាង ៕ ដោយ៖លីហួ គីមឆាយ
ចែករំលែកព័តមាននេះ