ពេលតវ៉ាទើបចៅហ្វាយក្រុងប៉ោយប៉ែតជ្រាប…
ខេត្តបន្ទាយមានជ័យ ៖ ប្រជាពលរដ្ឋប្រមាណ៥០នាក់ តំណាង៦ភូមិ នាំគ្នាតវ៉ាសុំឲ្យក្រុមហ៊ុនកាស៊ីណូស្តាវីហ្កាស បើកផ្លូវឲ្យដើរទៅមកដូចដើមវិញ ដែលតវ៉ានៅថ្ងៃទី០២ ខែតុលា ឆ្នាំ២០១៧
ខេត្តបន្ទាយមានជ័យ ៖ ប្រជាពលរដ្ឋប្រមាណ៥០នាក់ តំណាង៦ភូមិ នាំគ្នាតវ៉ាសុំឲ្យក្រុមហ៊ុនកាស៊ីណូស្តាវីហ្កាស បើកផ្លូវឲ្យដើរទៅមកដូចដើមវិញ ដែលតវ៉ានៅថ្ងៃទី០២ ខែតុលា ឆ្នាំ២០១៧
ខេត្តបន្ទាយមានជ័យ ៖ ប្រជាពលរដ្ឋប្រមាណ៥០នាក់ តំណាង៦ភូមិ នាំគ្នាតវ៉ាសុំឲ្យក្រុមហ៊ុនកាស៊ីណូស្តាវីហ្កាស បើកផ្លូវឲ្យដើរទៅមកដូចដើមវិញ ដែលតវ៉ានៅថ្ងៃទី០២ ខែតុលា ឆ្នាំ២០១៧ នៅចំណុចអគារផ្ទះល្វែងក្រុមហ៊ុនកាស៊ីណូស្តាវីហ្កាស ស្ថិតភូមិក្បាលស្ពាន សង្កាត់ប៉ោយប៉ែត ក្រុងប៉ោយប៉ែត ។
តំណាងប្រជាពលរដ្ឋបានប្រាប់ថា ៖ ការពិតកាស៊ីណូស្តាវីហ្កាស មកធ្វើក្រោយប្រជាពលរដ្ឋ៦ភូមិ ដែលរស់នៅមុន គឺតាំងពីសម័យសង្គ្រាម ដែលប្រជាពលរដ្ឋចេញចូលទៅមករកស៊ីទទួលទានតាមផ្លូវនេះ តែរយះពេលប៉ុន្មានខែនេះ ក្រោយពេលក្រុមហ៊ុនកាស៊ីណូស្តាវីហ្កាស សង់អគារផ្ទះល្វេងលក់ ស្រាប់តែធ្វើរបងដែកបិតផ្លូវ លែងឲ្យប្រជាពលរដ្ឋឆ្លងកាត់ទៅមក ហើយមានសន្តិសុខការពារទៀត ។
ប្រជាពលរដ្ឋបានបញ្ជាក់ថា ៖ មូលហេតុដែលប្រជាពលរដ្ឋ៦ភូមិ មានតំណាងប្រមាណ៥០នាក់នាំគ្នាមកធ្វើការតវ៉ានេះ គឺរយៈពេលកន្លងមក បានប្តឹងទៅសាលាក្រុងប៉ោយប៉ែត សុំឲ្យជួយអន្តរាគមន៍ដោះស្រាយជូន តែជាច្រើនថ្ងៃគ្មានដំណោះស្រាយ ទើបនាំគ្នាមកធ្វើការតវ៉ានៅចំណុចផ្លូវដែលបិត សុំឲ្យក្រុមហ៊ុនស្តាវីហ្កាស ជួយបើកផ្លូវឲ្យប្រជាពលរដ្ឋ៦ភូមិ ចេញចូលទៅមកដូចដើមវិញ ដើម្បីឲ្យប្រជាពលរដ្ឋប្រកបមុខរបបរកទទួលទាន ។
ហើយសុំឲ្យ សម្តេចតេជោ ហ៊ុន សែន និងសម្តេចកិតិព្រឹទ្ធបណ្ឌិត ប៊ុន រ៉ានី ហ៊ុន សែន ជួយអន្តរាគមន៍ដល់កូនចៅ សុំឲ្យក្រុមហ៊ុនកាស៊ីណូ បើកផ្លូវឲ្យប្រជាពលរដ្ឋចេញចូលទៅមក ។
លោក ង៉ោ ម៉េងជ្រួន អភិបាលក្រុងប៉ោយប៉ែត បានបញ្ជាក់ថា ៖ ផ្លូវដែលក្រុមហ៊ុនកាស៊ីណូស្ថាវីហ្កាស បិតផ្លូវ លោកដូចជាមិនទាន់បានដឹងច្បាស់នៅឡើយ ទើបបានដឹងក្រោយពេលដែលប្រជាពលរដ្ឋនាំគ្នាធ្វើការតវ៉ា បានដឹង ហើយនាំជួបពិភាក្សាជាមួយខាងក្រុមហ៊ុន ដើម្បីរកដំណោះស្រាយឲ្យបានប្រយោជន៍ទាំងប្រជាពលរដ្ឋ និងក្រុមហ៊ុន ៕
ចែករំលែកព័តមាននេះ