តារាចម្រៀងកូនកំព្រាច្រៀងទាំងអួលដើម.ក
រាជធានីភ្នំពេញ ៖ តារាចម្រៀងលោកវង្ស ថាណាន់ និយាយថា
រាជធានីភ្នំពេញ ៖ តារាចម្រៀងលោកវង្ស ថាណាន់ ពេញចិត្តចំពោះការចូលរួមច្រៀងរកប្រាក់សម្រាប់កម្មវិធីសប្បុរសធម៌របស់សាកលវិទ្យាល័យន័រតុន ព្រោះលោកជាកូនកំព្រាធ្លាប់ឆ្លងកាត់លំបាក ។
តារាចម្រៀងលោកវង្ស ថាណាន់ ពេលឡើងច្រៀងក្នុងកម្មវិធីប្រគំតន្ត្រីសប្បុរសធម៌ជួយដល់មន្ទីរពេទ្យគន្ឋបុប្ជាកាលពីពេលថ្មីៗកន្លងមកចង់ស្រក់ទឹកភ្នែក ព្រោះជាការច្រៀងរៃអង្គាសប្រាក់ជួយកុមារ តូចៗជាសសរទ្រូងនៃប្រទេសជាតិដែលសំរាកព្យាបាលនៅមន្ទីរពេទ្យគន្ឋបុប្ជា ។ លោកវង្ស ថាណាន់ និយាយថា«ខ្ញុំគ្មានភ័យរឿងឡើងឆាកទេ តែខ្ញុំរំភើបចិត្តបានជួយក្មេង តូចៗដែលឈឺ ហើយពេទ្យគេត្រូវការជំនួយជាប្រចាំ។ ម៉្លោះហើយទើបខ្ញុំរាងអួលដើមកពេលធ្លាប់ជាក្មេងកំព្រាមិនសូវស្គាល់ភាពថ្នាក់ថ្នមពីឪពុកម្តាយដូចគេទើបរាងចូលអារម្មណ៍មនោសញ្ចេតនាជ្រៅបែបនេះ។
ខ្ញុំរីករាយជាមួយកិច្ចការសង្គមដែលបានខាងក្រុមគ្រួសារតារាកម្ពុជា សហការរៀបចំទើបមានឱកាសបានសម្តែងប៉ះជាមួយតារា ល្បីៗ ហើយចែកទេពកោសល្យដល់និស្សិតនៅន័រតុនផងដែរ ។ ខ្ញុំធ្លាប់ក្រ និងជាក្មេងកំព្រាស្គាល់ភាពលំបាកម្នាក់ ទើបយល់ថាកិច្ចការនេះមានតម្លៃសម្រាប់ជាកម្លាំងចិត្ត ។ នេះជាលើកទី១ តែបានចាក់ដោតអារម្មណ៍របស់ខ្ញុំណាស់ដែលធ្លាប់ឆ្លងកាត់ជីវិតក្មេងនៅមណ្ឌលតាំងពីតូចមក» ។
លោកវង្ស ថាណាន់ តាំងចិត្តមិនបោះបង់ចោលឱកាសច្រៀងជួយសង្គមទេ ៕
ចែករំលែកព័តមាននេះ