សមត្ថកិច្ចមិនទាន់ថាអីផងស្រាប់តែភ័យខ្លាចតែម្តង
ខេត្តតាកែវ ៖ តាមសេចក្តីរាយការណ៍ឲ្យ
ខេត្តតាកែវ ៖ តាមសេចក្តីរាយការណ៍ឲ្យដឹងថា វេលាម៉ោង៦នឹង៥២នាទីយប់នៅថ្ងៃទី៣០ ខែកញ្ញា ឆ្នាំ២០១៧ កម្លាំងអធិការដ្ឋាននគរបាលស្រុកគិរីវង់ដឹកនាំបញ្ជាដោយលោក វរសេនីយ៍ទោ យុគ សារ៉ាត់ អធិការបានចុះពួនស្ទាក់បង្ក្រាបករណីដឹកជញ្ជួនកញ្ឆាក្រៀមខុសច្បាប់នៅ ភូមិព្រាល ឃុំគិរីចុងកោះ ស្រុកគិរីវង់ ខេត្តតាកែវ ។
ខណៈនោះក៏បានជួបនឹងជនសង្ស័យម្នាក់ពុំស្គាល់អត្តសញ្ញាណបានជិះម៉ូតូមួយគ្រឿងដឹកកញ្ឆាក្រៀមក្នុងគោលបំណងឆ្លងដែនទៅប្រទេសវៀតណាមលុះពេលប្រទះឃើញសមត្ថកិច្ចជនសង្ស័យបានទម្លាក់កញ្ឆាក្រៀមនេះចុះពីលើម៉ូតូរួចក៏ជិះម៉ូតូរត់គេចខ្លួនបាត់ដែលបន្សល់ទុកសម្ភារវត្ថុតាងរួមមាន កញ្ឆាក្រៀមដាក់ស្បោងខ្មៅចំនួន១០ដុំស្មើនឹង១០.៨គីឡូក្រាម ។ បច្ចុប្បន្នកម្លាំងជំនាញកំពុងស្រាវជ្រាវ និងតាមដានជនសង្ស័យមកផ្តន្ទាទោសតាមច្បាប់ ៕
ចែករំលែកព័តមាននេះ