មិនដឹងប្រុងទៅបើកឆាកប្រយុទ្ធទីណាទេ កុំអីមានរបួសឬស្លា.ប់ទៀតហើយ
ខេត្តបន្ទាយមានជ័យ ៖ អាវុធហត្ថស្នាក់ការសន្តិសុខ៥៦៨បានប្រម៉ាញ់ជនសង្ស័យ១ក្រុមជិះម៉ូតូ២គ្រឿង
ខេត្តបន្ទាយមានជ័យ ៖ អាវុធហត្ថស្នាក់ការសន្តិសុខ៥៦៨បានប្រម៉ាញ់ជនសង្ស័យ១ក្រុមជិះម៉ូតូ២គ្រឿង
ខេត្តបន្ទាយមានជ័យ ៖ អាវុធហត្ថស្នាក់ការសន្តិសុខ៥៦៨បានប្រម៉ាញ់ជនសង្ស័យ១ក្រុមជិះម៉ូតូ២គ្រឿងកាន់ដាវសាំម៉ូរ៉ៃ២ដើមមិនដឹងថាប្រុងទៅបើកឆាកប្រយុទ្ធ ឬប៉ុនប៉ងកាប់នណានៅទីណាទេ នៅពេលដឹងថា អាវុធហត្ថតាម និងស្ទាក់ក៏បោះចោលបើកម៉ូតូគេចបាត់ ។ ហេតុការណ៌ភ្ញាក់ផ្អើលនេះបានកើតឡើងនាវេលាម៉ោងជិត៨យប់ថ្ងៃទី៣០ ខែកញ្ញា ឆ្នាំ២០១៧ លើផ្លូវបេតុងព្រំប្រទល់សង្កាត់ប៉ោយប៉ែត និងសង្កាត់ផ្សារកណ្តាលក្បែរស្នាក់ការអាវុធហត្ថតែម្តង ។
តាមប្រភពពីអាវុធហត្ថម្នាក់និយាយថា ដំបូងឃើញក្រុមសង្ស័យជិះម៉ូតូ២គ្រឿងមានគ្នា៥នាក់ជិះយ៉ាងលឿនដូចទើបមកពីមានជម្លោះកន្លែងណាមួយ ហើយម៉ូតូទាំង២គ្រឿងនោះឃើញមានលាក់ដាវសាំម៉ូរ៉ៃផងក៏តាមពីក្រោយ និងទាក់ទងកំលាំងនៅស្នាក់ការចាំស្ទាក់ ។ ក្រុមជនសង្ស័យមិនឈប់ទេ ពេលសមត្ថកិច្ចស្ទាក់មុខស្នាក់ការបានបើកម៉ូតូគេចប៊ិះបុកទាំងសមត្ថកិច្ចទៀត បន្ទាប់មកបោះដាវសាំម៉ូរ៉ៃចោលមុខផ្ទះអ្នកស្រុកត្រូវកម្លាំងអាវុធហត្ថរកឃើញ២ដើម ។
តាមព័ត៌មានចុងក្រោយពីអាវុធហត្ថស្នាក់ការសន្តិសុខ៥៦៨ក្រុងប៉ោយប៉ែតប្រាប់ថា បក្ខពួកជនសង្ស័យបោះដាវសាំម៉ូរ៉ៃចោលមុននេះចាប់បានម្នាក់ហើយ ហើយពេលនេះមានគ្រួសាររងគ្រោះចេញមុខមកដាក់ពាក្យបណ្តឹងថា ក្រុមជនសង្ស័យបានទៅរកកាប់យុវជន២នាក់ដែលកំពុងបង្ហាប់ដីដើម្បីចាក់សាបមុខផ្ទះនៅភូមិក្បាលស្ពាន១ សង្កាត់ប៉ោយប៉ែត ៕
ចែករំលែកព័តមាននេះ