នាវាកងទ័ពរំដោះប្រជាជនចិនចំនួន៣គ្រឿងចូលចតកំពង់ផែអន្តរជាតិក្រុងព្រះសីហនុ
ខេត្តព្រះសីហនុ ៖ ព្រឹកថ្ងៃទី៣០ ខែកញ្ញា ឆ្នាំ២០១៧
ខេត្តព្រះសីហនុ ៖ ព្រឹកថ្ងៃទី៣០ ខែកញ្ញា ឆ្នាំ២០១៧ កន្លងមកនាវាកងទ័ពជើងទឹករំដោះប្រជាជនចិនចំនួន៣គ្រឿងបានចូលចតនៅកំពង់ផែអន្តរជាតិក្រុងព្រះសីហនុប្រកបដោយសុវត្ថិភាព ដើម្បីធ្វើទស្សនៈកិច្ចនៅព្រះរាជាណាចក្រកម្ពុជារយៈពេល៤ថ្ងៃ គឺចាប់ពីថ្ងៃទី៣០ ខែកញ្ញា ដល់ថ្ងៃទី៣ ខែតុលា ឆ្នាំ២០១៧ ។ នៅក្នុងដំណើរចូលចតខាងលើនេះមានការទទួលស្វាគមន៍ពីលោកនាយ នាយរងកងទ័ពជើងទឹកមូលដ្ឋានសមុទ្ររាម ដឹកនាំដោយលោកឧត្តមនាវីទោ រស់ វាសនា មេបញ្ជាការរងកងទ័ពជើងទឹកមូលដ្ឋានសមុទ្រ និងក៏មានការទទួលស្វាគមន៍ពីសមាគមន៍ចិននៅក្នុងខេត្តព្រះសីហនុផងដែរ ។
លោកឧត្តមនាវីទោបានបញ្ជាក់ថា ក្ក្នុងនាមមេបញ្ជាការរងកងទ័ពជើងទឹកមូលដ្ឋានសមុទ្ររាម និងសហការណ៍ក្នុងការការពារនៃការស្នាក់នៅរបស់គណៈប្រតិភូខាងលើ លើទឹកដីខេត្តព្រះសីហនុទទួលបានសន្តិសុខ សុវត្ថិភាពជូនដល់នាវិកក្នុងដំណើរកម្សាន្តនៅលើទឹកដីខេត្តព្រះសីហនុក៏ដូចជានៅក្នុងព្រះរាជាណាចក្រកម្ពុជាប្រកប ដោយសុវត្ថិភាព ។
លោកឧត្តមនាវីទោ SHEN HAO ប្រធានបេសកកម្មនាវាកងទ័ពជើងទឹករំដោះប្រជាជនចិនបានថ្លែងអំណរគុណចំពោះកងទ័ពជើងទឹកកម្ពុជា អាជ្ញាធរខេត្ត និងប្រជាជនខេត្តព្រះសីហនុ ដែលបានទទួលស្វាគមន៍ក្នុងការចូលចតរបស់នាវាកងទ័ពរំដោះប្រជាជនចិននៅលើទឹកដីខេត្តព្រះសីហនុក្នុងគោលបំណងពង្រឹងទំនាក់ទំនងមិត្តភាព សាមគ្គីភាព កិច្ចសហប្រតិបត្តិការរវាងកងទ័ពជើងទឹកនៃប្រទេសទាំងពីរចិន-កម្ពុជាឲ្យកាន់តែរឹងមាំ ព្រមទាំងបានស្វែងយល់ពីវប្បធម៍ ប្រពៃណី ទំនៀមទំលាប់ និងវិស័យយោធានៃប្រទេសទាំងពីរ តាមរយៈដំណើរទស្សនៈកិច្ចនៅលើទឹកដីនៃព្រះរាជាណាចក្រកម្ពុជា ជាពិសេសការទំនាក់ទំនងទ្វេរភាគីរវាងប្រទេសទាំងពីរ ប្រជាជនទាំងពីរកាន់តែស្និទស្នាលបន្ថែមទៀត ហើយជាពិសេសបានធ្វើការផ្លាស់ប្តូរបទពិសោធន៍ពីគ្នាទៅវិញទៅមក ៕
ចែករំលែកព័តមាននេះ