ច្រកអន្តរជាតិថ្មីមួយរវាងកម្ពុជានិងថៃ គ្រោងនឹងបើក តែខាងភាគីថៃស្នើឲ្យផ្អាកវិញ
រាជធានីភ្នំពេញ ៖ ច្រកតំបន់គីឡូ១៣ (ភ្នំដី) ដែលគ្រោងនឹងប្រកាសជាផ្លូវការនៅថ្ងៃទី ០១ ខែកញ្ញា ឆ្នាំ២០១៧ ទៅជា
រាជធានីភ្នំពេញ ៖ ច្រកតំបន់គីឡូ១៣ (ភ្នំដី) ដែលគ្រោងនឹងប្រកាសជាផ្លូវការនៅថ្ងៃទី ០១ ខែកញ្ញា ឆ្នាំ២០១៧ ទៅជា
រាជធានីភ្នំពេញ ៖ ច្រកតំបន់គីឡូ១៣ (ភ្នំដី) ដែលគ្រោងនឹងប្រកាសជាផ្លូវការនៅថ្ងៃទី ០១ ខែកញ្ញា ឆ្នាំ២០១៧ ទៅជាច្រកអន្តរជាតិគីឡូ១៣ ក្នុងទឹកដីខេត្តបាត់ដំបង-ស្រះកែវ ត្រូវបានភាគីថៃស្នើសុំផ្អាកជាបណ្តោះអាសន្ន ។ នេះបើយោងតាមព័ត៌មានលើគេហទំព័រផ្លូវការរបស់អគ្គស្នងការនគរបាលជាតិ ។
ថ្នាក់ដឹកនាំនៅច្រកតំបន់គីឡូ១៣ ដែលមានទីតាំងស្ថិតក្នុងភូមិគីឡូ១៣ ឃុំសន្តិភាព ស្រុកសំពៅលូន ខេត្តបាត់ដំបងនៃ ប្រទេសកម្ពុជា គឺទល់នឹងភូមិខៅឌិន ឃុំខ្លងហាត ស្រុកខ្លងហាតខេត្តស្រះកែវ ប្រទេសថៃ បានប្រកាសជាផ្លូវការ ព្រមទាំងបានជូនដំណឹងដល់ពាណិជ្ជករ អាជីវករ និងប្រជាពលរដ្ឋទាំងអស់ឱ្យបានជ្រាបថា នៅថ្ងៃទី០១ ខែតុលា ឆ្នាំ២០១៧ នឹងមានការបិទច្រកគីឡូ១៣នេះមួយព្រឹក ដើម្បីរៀបចំពិធីប្រកាស និងដំឡើងច្រកតំបន់នេះឱ្យទៅជាច្រកអន្តរជាតិវិញ ដោយមានការអញ្ជើញចូលរួមពីសំណាក់លោកអភិបាលខេត្តទាំងពីរ ( បាត់ដំបង ស្រះកែវ ) ផងដែរ ។
លុះនៅថ្ងៃទី២៩ ខែកញ្ញា ឆ្នាំ២០១៧ នេះ អាជ្ញាធរខេត្តស្រះកែវ បានចេញលិខិតជាផ្លូវការមួយ ផ្ញើជូនលោកអភិបាលខេត្តបាត់ដំបងដោយបានធ្វើការសុំផ្អាកការប្រកាសច្រកអន្តរជាតិនេះជាបណ្តោះអាសន្នសិន។ ដោយក្នុងលិខិតនោះបានបញ្ជាក់ថា ច្រកតំបន់គីឡូ១៣ ( ភ្នំដី ) មិនទាន់អាចប្រកាសជាច្រកអន្តរជាតិបាននៅឡើយ ដូច្នេះត្រូវរង់ចាំការសម្រេចជាផ្លូវការពីក្រសួងមហាផ្ទៃថៃសារជាថ្មី ទើបអាចជូនដំណឹងនាពេលក្រោយ ។
គេហទំព័រផ្លូវការរបស់អគ្គស្នងការនគរបាលជាតិ បានស្រង់ព័ត៌មានពីលិខិតជូនដំណឹងរបស់អភិបាលខេត្តបាត់ដំបង ឯកឧត្តម ច័ន្ទ សុផល ដែលបានបញ្ជាក់ថា ការស្នើសុំពីភាគិថៃក្នុងការផ្អាកជាបណ្តោះអាសន្ន នូវការប្រកាសជាផ្លូវការពីច្រកតំបន់គីឡូ១៣ ទៅជាច្រកអន្តរជាតិគីឡូ១៣ ដោយសារតែភាគីថៃ ចាំបាច់ត្រូវធ្វើការផ្លាស់ប្តូរលោកអភិបាលខេត្ត លោកអភិបាលខេត្តរង និងលោកបាឡាត់ខេត្តស្រះកែវ ៕
ចែករំលែកព័តមាននេះ