នៅថ្ងៃទី២១ ខែមីនា ឆ្នាំ២០២៣នេះ តារាសម្ដែងស្រីដ៏មានស្នាដៃ និងទេពកោសល្យល្អឯកក្នុងការសម្ដែងខ្សែភាពយន្តមួយរូប គឺកញ្ញា នី មុន្នីនាថ ទ្រាំមើលនឹងភ្នែកមិនបាន បន្ទាប់ពីប៉ុន្មានថ្ងៃមកនេះ ហាក់ដូចជាមានរឿងមិនចេះចប់មិនចេះហើយ ពាក់ព័ន្ធទៅនឹង
រាជធានីភ្នំពេញ ៖ នៅថ្ងៃទី២១ ខែមីនា ឆ្នាំ២០២៣នេះ តារាសម្ដែងស្រីដ៏មានស្នាដៃ និងទេពកោសល្យល្អឯកក្នុងការសម្ដែងខ្សែភាពយន្តមួយរូប គឺកញ្ញា នី មុន្នីនាថ ទ្រាំមើលនឹងភ្នែកមិនបាន បន្ទាប់ពីប៉ុន្មានថ្ងៃមកនេះ ហាក់ដូចជាមានរឿងមិនចេះចប់មិនចេះហើយ ពាក់ព័ន្ធទៅនឹងលោក ឯម រៀម ដែលត្រូវបានគេស្គាល់យ៉ាងច្បាស់ថា ជាអ្នកច្នៃម៉ូដសម្លៀកបំពាក់ដ៏អស្ចារ្យនោះ ត្រូវបានមហាជនផ្ទុះប្រតិកម្មរិះគន់ឥតឈប់ឈរ រឿងលោកស្លៀកពាក់លេចលើលេចក្រោម ទៅចូលរួមនៅក្នុងកម្មវិធីដ៏ធំមួយ ដោយមានតារាល្បីៗប្រុសស្រីជាច្រើនដួងចូលរួមផងដែរ។
ដោយក្នុងនោះ កញ្ញា នី មុន្នីនាថ ក៏សម្រេចចិត្តចេញមុខមកបង្ហោះរូបរបស់អ្នកច្នៃម៉ូដល្បីឈ្មោះលោក ឯម រៀម មួយសន្លឹក រួចឆ្លៀតភ្ជាប់ជាមួយសំណេរប៉ុន្មានឃ្លា និងនិយាយប្រាប់ទាំងចិត្តត្រជាក់ទៅកាន់ពុកម៉ែបងប្អូនជាច្រើន ដែលបាននាំគ្នាធ្វើការរិះគន់ ក៏ដូចជា Bully នៅការស្លៀកពាក់របស់លោក ហាក់មើលទៅវាលេចលើលេចក្រោមពេក។ ហើយក៏ឃើញថាហាក់មិនទាន់ស្ងប់ស្ងាត់នៅឡើយនោះទេ កំពុងតែក្លាយទៅជាប្រធានបទមួយផ្ទុះការវែកញែកជាហូរហែពីសំណាក់មហាជន ក្មេងចាស់ ប្រុសស្រី ដែលនិយមលេងនៅក្នុងបណ្ដាញទំនាក់ទំនងសង្គមហ្វេសប៊ុក។
ដោយក្នុងខ្លឹមសារនោះ តារាសម្ដែងស្រី កញ្ញា នី មុន្នីនាថ បានសរសេររៀបរាប់បែបនេះថា «ខ្ញុំឃើញគាត់ស្លៀកពាក់បែបនេះ ខ្ញុំឃើញបងប្អូនយើងមួយចំនួននាំគ្នាស្តីជេរគាត់ តែធាតុពិតគាត់ធ្វើបែបនេះ គឺជាការបង្ហាញជំនាញរបស់គាត់ ដែលនៅកម្ពុជាយើង។ សូមស្វែងយល់ឲ្យច្បាស់អំពីសិល្បៈវប្បធម៌ និងការឆ្នៃម៉ូតបែបស្រមើស្រមៃ។ ខ្ញុំសូមអធ្យាស្រ័យ មិនការពារគាត់ទេ គ្រាន់តែសុំឲ្យបងប្អូនសិក្សាស្វែងយល់ និងបែងចែកឲ្យច្បាស់សិនណា»។
ក្រោយពេលបានឃើញតារាស្រីកញ្ញា នី មុន្នីនាថ បង្ហោះសារនិយាយដូច្នេះរួចមក មិននៅស្ងៀមតទៅទៀត ក៏មានអ្នកគាំទ្រមិនតិចនាក់នោះទេ បាននាំគ្នាចូលទៅខមិននៅក្នុងការបង្ហោះរបស់នាងនិយាយលើកឡើងពីមួយទៅមួយតៗគ្នាបែបនេះថា «បើមិនចូលចិត្តគាត់ អូសរំលងទៅ កុំចូលទៅខមិនជេរប្រមា.ថគេ ព្រោះកាលណាអ្នកជេរប្រមា.ថគេ វាបញ្ជាក់ពីភាពថ្លៃថ្នូររបស់អ្នក» «អគុណណាស់បង ដែលចេញមកនិយាយ ព្រោះខ្ញុំចង់និយាយបែបនេះយូរហើយ អ្នកមិនពេញចិត្តគាត់ ព្រោះដោយសារគាត់មិនមែនជាស្រីស្អាត សាច់.សដូចគេ សាកបើឈុតនេះស្រីស្អាតសាច់.សស្លៀកមើល ច្បាស់ជាគ្មានអ្នករិះគន់ទេ» «សាកសមណាស់ដែលទុកបងជា idol ក្នុងចំណោមតារាដែលខ្ញុំបាន follow ទាំងអស់ មានតែបងដែលហ៊ានបញ្ចេញមតិទាក់ទងនឹងបញ្ហានេះ» «បងនិយាយត្រឹមត្រូវខ្លាំងណាស់ ពេលខ្លះបើយើងរៀនបើកចិត្តអោយទូលាយបន្តិចក៏មិនអីនោះដែរ សុទ្ធតែខ្មែរដូចគ្នាសោះ ហេតុអ្វីក៏ប្រកាន់ច្រើនបែបនេះ? រៀនយោគយល់អធ្យាស្រ័យអោយគ្នាទៅវិញទៅមក បានគេមើលមកខ្មែរយើងថា ចេះស្រលាញ់គ្នា បើអីបន្តិចមិនពេញចិត្ត អីបន្តិចរិះគន់ តើពេលណាបានប្រទេសយើងដើរទាន់គេ?»។
ភ្លាមៗនោះ ក៏មានមហាជនមួយចំនួនទៀត បានចូលទៅបញ្ចេញមតិខមិនសម្ដែងការមិនពេញចិត្តយ៉ាងដូច្នេះថា «មិនថា គាត់មានហេតុផលណាមួយទេ តែវាអាក្រក់មើលណាស់ ទោះស្លៀកខោសាច់ក៏ដោយ គាត់ជាមនុស្សមហាជន ចឹងហើយគាត់រាងពិបាកក្នុងការស្រមៃបន្តិចព្រោះសិល្បៈខ្មែរនៅមានកំរិត (សុំទោសនេះ ជាការយល់ឃើញរបស់ខ្ញុំទេ» «នេះជាគំនិតរបស់ខ្ញុំ គាត់ស្លៀកបែបនេះក៏គាត់មិននឹកស្មានថា បងប្អូនមានការមិនពេញចិត្តនោះដែរ គាត់គិតថាស្លៀកបែបនេះ ដើម្បីទាក់ទាញចំណាប់អារម្មណ៍ពីជនជាតិបរទេសអោយមើលមកថា ខ្មែរក៏អាចធ្វើអោយបរទេសចាប់អារម្មណ៍ដែរ ខ្ញុំមិនការពារគាត់ទេ តែវាជារឿងពិត ២០២៣ហើយ រៀនទទួលយករឿងបែបនឹងខ្លះទៅ កុំទៅថាអោយគាត់អី គាត់គ្រាន់តែស្លៀកតាមក្ដីស្រមៃរបស់គាត់ទេ សុំទោសផង ចំពោះការខមិននេះផងដែរ បើមានការខុសត្រង់ណានោះ»។
មហាជនមួយចំនួនទៀតក៏បានចូលបញ្ចេញមតិបន្តថា «គេដើរដល់ចំណុចណា។ យើងដើរដល់ចំណុចណា មើលគេផង។ យើងយកអ្វីបង្ហាញគេ ធ្វើម៉េចឱ្យគេមើលមកសមរម្យ។ ស្លៀកពាក់មនុស្សមិនមែនមនុស្ស ខ្មោចមិនមែនខ្មោច។ នេះមិនមែនលើកស្ទួយប្រទេសកម្ពុជាទេ គឺបំផ្លាញប្រទេសទៅវិញទេ» «សូមគិតឡើងវិញ មុននឹងហារមាត់និយាយចេញមក ទោះបីជាចង់បង្ហាញទៅកាន់បរទេសថា យើងអស្ចារ្យប៉ុណ្ណាក៏ដោយ តែសម្រាប់ប្រជាជនខ្មែររបស់យើងនៅក្នុងប្រទេសកម្ពុជាទាំងមូល មិនពេញចិត្តនោះឡើយ»។
យ៉ាងណាមិញ ទន្ទឹមនឹងនោះផងដែរ ស្របពេលដែលបានឃើញមានពុកម៉ែបងប្អូនជាច្រើនធ្វើការរិះគន់ទៅកាន់រូបលោកនេះដែរ អ្នកច្នៃម៉ូដលោក ឯម រៀម ក៏បានចេញមុខមកបង្ហោះសារប៉ុន្មានឃ្លាផងដែរ ដោយលោកបាននិយាយថា «ផ្ញើជូនបងប្អូនខ្លះដែលមិនទាន់យល់ពីការច្នៃម៉ូត ហេតុអ្វី ឯម រៀម ចេញដើមទ្រូងមិនបាន? បើម៉ូដដែលពាក់យប់មិញ ដកស្រង់តាមអ្វីដែលខ្មែរមានពីមុន ហើយបើចង់ពាក់អោយដូច សូមពាក់ខ្លួនឯងទៅ ហើយសូមមើលរាងខ្លួនឯងផង»។
គួររំលឹកថា ៖ ទ្រាំលែងបាន! អ្នកច្នៃម៉ូដល្បី ឯម រៀម ចេញមុខដាក់ប៉ុន្មានឃ្លា ក្រោយរងការរិះគន់ដូចទឹកបាក់ទំនប់ ៕ ដោយ ៖ សុភា ដានេត
ចែករំលែកព័តមាននេះ