បងវាយមួយដងម៉ាស៊ីនអារឈើហើយប្អូនមកវាយថែមហ្នឹងដំបងទៀត
ខេត្តរតនគិរី ៖ កំលាំងអធិការនគបាលស្រុកលំផាត់បានធ្វើការឃាត់ខ្លួនជនសង្ស័យម្នាក់
ខេត្តរតនគិរី ៖ កំលាំងអធិការនគបាលស្រុកលំផាត់បានធ្វើការឃាត់ខ្លួនជនសង្ស័យម្នាក់
ខេត្តរតនគិរី ៖ កំលាំងអធិការនគបាលស្រុកលំផាត់បានធ្វើការឃាត់ខ្លួនជនសង្ស័យម្នាក់ពីបទប្រើអំពើហិង្សាដោយចេតនាលើអ្នកដទៃ ។ ហេតុការប្រើអពើហិង្សានេះបានកើតឡើងនៅវេលាម៉ោង០៧នឹង៣០នាទីថ្ងៃទី២៩ ខែកញ្ញា ឆ្នាំ២០១៧ នៅចំណុចមុខផ្ទះជនរងគ្រោះស្ថិតក្នុងភូមិកាលង ឃុំល្បាំង១ ស្រុកលំផាត់ ខេត្តរតនគិរី ។
លោក ថេង ចន្ធី អធិការនគបាលស្រុកលំផាត់បានឱ្យដឹងថា ករណីហិង្សានោះបណ្ដាលឱ្យជនរងគ្រោះឈ្មោះ មីម នាង ភេទប្រុស អាយុ៣៥ឆ្នាំ រស់នៅភូមិ-ឃុំកើតហេតុខាងលើរងរបួសចុងភ្នែកខាងស្តាំ និងក្រោមភ្នែកស្ដាំចំនួន៧ថ្នេរ ។ ហើយឃាត់ខ្លួនជនសង្ស័យបានម្នាក់ឈ្មោះ វ៉នណយ ភេទប្រុស អាយុ២៧ឆ្នាំ ជនជាតិឡាវ មានទីលំនៅភូមិ-ឃុំកើតហេតុខាងលើ នោះបានភ្លាមៗបន្ទាប់ពីកើតហេតុ ។
ជនសង្ស័យមានគ្នាពីរនាក់មូលហេតុមកពីផឹកស្រាស្រវឹងទាស់ពាក្យសម្ដីគ្នារួមជាមួយនឹងជនរងគ្រោះបានផឹកស្រាជាមួយគ្នា ។ រួចជនសង្ស័យទាំងពីរនាក់បងប្អូនក៏បានព្រួតគ្នាវាយទៅលើជនរងគ្រោះដោយបានយកដងឡាមម៉ាស៊ីនត្រង់ស៊ីន័រវាយទៅលើជនរងគ្រោះឱ្យរងរបួសយ៉ាងធ្ងន់ធ្ងរ ។ ជនសង្ស័យម្នាក់ទៀតមិនទាន់ស្គាល់អត្តសញ្ញាណត្រូវជាប្អូនជនសង្ស័យដែលបានឃាត់ខ្លួនខាងលើបានយកដំបងមកវាយលើជនរងគ្រោះថែមទៀតរួចក៏បានរត់គេចខ្លួនបាត់ភ្លាមៗ ។ សមត្ថកិច្ចជំនាញបានធ្វើការឃាត់ខ្លួនជនសង្ស័យម្នាក់ជាបណ្ដោះអាសន្ននៅអធិការដ្ឋាននគបាលស្រុកលំផាត់ និងកំពុងចាត់វិធានការបន្តតាមចាប់ខ្លួនជនសង្ស័យម្នាក់ទៀតមកផ្តន្ទាទោសតាមនីតិវិធីច្បាប់ផងដែរ ៕
ចែករំលែកព័តមាននេះ