គ្រោះធម្មជាតិបានបំផ្លាញផ្ទះប្រជាពលរដ្ឋ និងរងរបួសទៀតហើយ
ខេត្តស្វាយរៀង ៖ គ្រោះធម្មជាតិភ្លៀង
ខេត្តស្វាយរៀង ៖ គ្រោះធម្មជាតិភ្លៀងផ្គរលាយឡំខ្យល់កន្ត្រាក់ខ្លាំងបណ្តាលឲ្យរលំផ្ទះរបស់ប្រជាពលរដ្ឋអស់មួយខ្នងដួលរាបដល់ដី និងសង្កត់ម្ចាស់ផ្ទះឲ្យរងរបួសធ្ងន់៣នាក់ស្រាល២នាក់ក្នុងនោះស្រី២នាក់ជាឪពុកម្តាយ និងកូន ខូចខាតទ្រព្យសម្បត្តិអស់មួយចំនួនផងដែរ ។
បើតាមសមត្ថកិច្ចបានឲ្យដឹងថា វេលាម៉ោង៧នឹង៣០នាទីយប់ថ្ងៃទី២៩ ខែកញ្ញា ឆ្នាំ២០១៧ មានភ្លៀងធ្លាក់យ៉ាងខ្លាំងលាយឡំ និងខ្យល់កន្ត្រាក់បណ្ដាលអោយរលំផ្ទះប្រជាពលរដ្ឋ០១ខ្នង ដែលគាត់មានឈ្មោះ ទិត្យ សាភាន ភេទប្រុសអាយុ៣៩ឆ្នាំ រស់នៅភូមិប្រម៉ាត់ប្រាំ ឃុំកំពង់ត្រាច ស្រុករមាសហែក ។ ក្រោយជួបឧប្បតិ្តហេតុគ្រោះធម្មជាតិខាងលើ ជនរងគ្រោះត្រូវបានសមត្ថកិច្ចបញ្ជូនមកសំរាកព្យាបាលនៅមន្ទីពេទ្យបង្អែកស្រុករមាសហែកភ្លាមៗដែលនេះជាលើកទី១ហើយនៅស្រុករមាសហែកខ្យល់កន្ត្រាក់ឲ្យរលំផ្ទះរបស់ប្រជាពលរដ្ឋនៅចុងខែវស្សានេះ ៕
ចែករំលែកព័តមាននេះ