ADផ្ទាំងផ្សព្វផ្សាយពាណិជ្ជកម្ម

Picture

បង្ក្រាប​បទល្មើស​នេសាទ ​រឹបអូស​វត្ថុ​តាង​​ច្រើន​សន្ធឹក​សន្ធាប់ ​តែ​គ្មាន​ឈ្មោះជន​ល្មើសសោះ​

1 ឆ្នាំ មុន

​​ខេត្តបាត់ដំបង​៖ បើ​យោង​លើ​របាយ​ការ​ណ៍នៃ​កិច្ច​ប្រតិបត្តិការ​បង្ក្រាប​បទល្មើស​នេសាទ​របស់​កម្លាំង​សមត្ថកិច្ច​ចម្រុះ ដែល​រឹបអូស​បាន​វត្ថុ​តាង​ «​ល្មើសច្បាប់​» ដ៏​ច្រើន​សន្ធឹកសន្ធាប់​ជា​បន្ត​បន្ទាប់ នា​ពេល​កន្លង​មកនេះ បាន​បង្ហាញ​ថា គ្មាន​ទេ​សញ្ញា​ថមថយ នៃ​បទល្មើស​នេសាទ​។ ផ្ទុយ​ទៅ​វិញ…

​​ខេត្តបាត់ដំបង​៖ បើ​យោង​លើ​របាយ​ការ​ណ៍នៃ​កិច្ច​ប្រតិបត្តិការ​បង្ក្រាប​បទល្មើស​នេសាទ​របស់​កម្លាំង​សមត្ថកិច្ច​ចម្រុះ ដែល​រឹបអូស​បាន​វត្ថុ​តាង​ «​ល្មើសច្បាប់​» ដ៏​ច្រើន​សន្ធឹកសន្ធាប់​ជា​បន្ត​បន្ទាប់ នា​ពេល​កន្លង​មកនេះ បាន​បង្ហាញ​ថា គ្មាន​ទេ​សញ្ញា​ថមថយ នៃ​បទល្មើស​នេសាទ​។

ផ្ទុយ​ទៅ​វិញ ក្រុម​ជនល្មើស​មាន​តែ​បង្កើន​សកម្មភាព​ល្មើសច្បាប់​ទ្វេ​ដង​ពាសពេញ​តំបន់​ទន្លេសាប ពីព្រោះ​ការ​បង្ក្រាប​រឹបអូស​យក​បាន​តែ​វត្ថុ​តាង រីឯ​ជនល្មើស​សូ​ម្បី​តែ​ម្នាក់​ក៏​សម​ត្ថកិ​ច្ច​មិន​ធ្លាប់​ចាប់​បាន​បញ្ជូន​ទៅ​តុលាការ​ដែរ ​។

ជាក់ស្ដែង​ នៅ​ថ្ងៃ​ទី​១៩ មី​នា កម្លាំង​សមត្ថកិច្ច​ចម្រុះ​ជា​ច្រើន​ស្ថាប័ន​ដែល​ពាក់ព័ន្ធ​បាន​ឆ្មក់​ចុះ​ទៅ​បង្ក្រាប​បទល្មើស​បេ​សាទ​នៅ​តំបន់​ទន្លេសាប ក្ន​ង​ភូមិសាស្ត្រ ឃុំ​កោះ​ជី​វាំង ស្រុក​ឯក​ភ្នំ ដោយ​រឹប​អូស​យក​បាន​នូវ​ឧ​បករ​ណ៍​នេសាទ​ខុសច្បាប់​ជា​ច្រើន ដែល​ក្រុម​ជន​ល្មើស​បាន​ប្រើប្រាស់​ដាក់​ពង្រាយ​ពាសពេញ​តំបន់​ទន្លេសាប តែ​គេ​មិនឃើញ​មានឈ្មោះ​ម្ចាស់​បទល្មើស​ទេ​ ។

នៅ​ក្នុង​របាយ​ការ​ណ៍នៃ​កិច្ច​ប្រតិបត្តិការ​របស់​កម្លាំង​ចម្រុះ ដែល​ចុះ​បង្ក្រាប​បទល្មើស​នេសាទ​ខុស​ច្បាប់​ខាងលើ​នេះ សមត្ថកិច្ច​បាន​ចុះ​បង្ក្រាប​បទល្មើស​ចំនួន​០៤​គោលដៅ នៅ​ក្នុងភូមិ​សាស្ត្រ ឃុំ​កោះ​ជី​វាំង និង​រឹបអូស​បាន​ឧ​បករ​ណ៍​នេសាទ​ខុសច្បាប់​ជា​ច្រើន​ដូច​ជា សាច់​មង ឬ​អួន​ក្រឡា​ញឹក​សរុប​ប្រវែង​ជាង​២១៥០​ម៉ែត្រ ដក​បង្គោល​បាន​ចំនួន​ជាង​៨៥០​ដើម ឡុ​ក​ចាប់​ត្រី​ចំនួន​០៨​ឡុ​ក និង លែង​កូន​ត្រី​វិញ​ចំនួន​ជាង​៥០​គីឡូក្រាម​ ។

​ប្រភព​ពី​មន្ត្រី​ចុះ​បង្ក្រាប​បទល្មើស​នេសាទ​នេះ​បាន​ឲ្យ​ដឹង​ថា បទល្មើស​នេសាទ​ទាំងនេះ ត្រូវ​បាន​ជនល្មើស​ដាក់​ពង្រាយ​ពាសពេញ​បឹង​ទន្លេសាប ដោយ​គ្មាន​ខ្លាចក្រែង​ភ្នែក​អា​ជ្ញ​ធរ ឬ ម​ន្ត្រីជំនា​ញ​ឡើយ​។ កន្លែង​ខ្លះ ពួក​ជនល្មើស​បាន​ដាក់​ពង្រាយ​សាច់​មង ឬ អួន​រាប់រយ​ម៉ែត្រ ពន្លិច​ទៅ​ក្នុង​ទឹក តែ​កន្លែង ​ខ្លះ​ពួក​គេ​បាន​បោះបង្គោល​ពាក់​សាច់​មង​ ឬ​អួន​ព្រោងព្រាត​នៅ​លើ​ទឹក​រាប់រយ​ម៉ែត្រ​ដូច​គ្នា​យ៉ាង​ព្រហើន ដោយ​មិន​ខ្វល់​ពី​ភ្នែក​សមត្ថកិច្ច​ឡើយ​ ។

​បើ​តាម​ការ​ពិនិត្យ​ជាក់ស្ដែង និង​តាម​ការ​បំភ្លឺ​នានា​ពី​ប្រជាពលរដ្ឋ ពួក​ជនល្មើស​ដែល​មាន​លទ្ធភាព ប្រើប្រាស​ឧ​បករ​ណ៍​នេសាទ​ល្មើសច្បាប់​ទ្រង់ទ្រាយ​ធំដុំ ពួក​គេ​សុទ្ធ​មាន​ខ្សែបណ្ដាញ​មន្ត្រី​ជំនាញ​
(​មន្ត្រី​ខិលខូច​)​ ។ ប្រភព​បាន​និយាយ​ថា ក្រុម​ឈ្មួញ​បំពាន​ច្បាប់​ធំដុំ​ទាំងនេះ សុទ្ធ​បានដឹង​ជា​មុន នៅ​ពេល​កម្លាំង​ចម្រុះ​រៀប​ផែនការ​ចុះ​បង្ក្រាប​ម្ដង​ៗ​ ។ ដូច្នេះ​ ពួក​គេ​អាច​រុះរើ​បង្គោល ឬ​ពន្លិច​ឧ​ប
ករ​ណ៍​នេសាទ​របស់​ពួក​គេ​ចូល​ទៅ​ក្នុង​ទឹក​បាត់​អស់​តែ​ម្ដង ​។

ប៉ុន្តែ​បទល្មើស​ទាំងនោះ​នឹង​ងើប​ព្រោងព្រាត​ពេញ​ផ្ទៃ​ទន្លេសាប​ឡើង​វិញ ក្រោយ​កិច្ច​ប្រតិបត្តិការ​បង្ក្រាប​របស់​កម្លាំង​ចម្រុះ​ដកថយ​។ មន្ត្រី​បង្ក្រាប​បទល្មើស​បាន​ទម្លាយ​ថា អាជ្ញាធរ​ដែនដី មន្ត្រី​ជល​ផល ឬ​មន្ត្រី​ក្នុង​អង្គភាព​ដទៃ​ៗ​ទៀត ដែល​បោះ​ស្នាក់​ការ​ឈរជើង​លើ​ផ្ទៃ​ទឹក​នៅ​តំបន់​បឹង​ទន្លេ​សាប សុទ្ធ​បាន​ស្គាល់​ច្បាស់​នូវ​អត្តសញ្ញាណ​ជន​ដែល​កំពុង​ប្រព្រឹត្ត​បទល្មើស​នេសាទ​ធំ​ៗ នៅ​តំបន់​ទន្លេ​សាប មិន​ថា នៅ​ស្រុក​ឯក​ភ្នំ ស្រុក​ថ្មគោល ស្រុក​សង្កែ ឬ ស្រុក​មោងប្ញ​ស្សី នោះ​ទេ តែ​ពួក​គេ​ធ្វើ​គរ ធ្វើ​ថ្លង់​ន​ពេល​មាន​កម្លាំង​ចម្រុះ លើកគ្នា​ចុះ​បង្ក្រាប​ម្ដង​ៗ ​។

​ដូច្នេះ​ហើយ​ទើប​រាល់​កិច្ច​ប្រតិបត្តិការ​បង្ក្រាប​បទល្មើស​នេសាទ​ម្ដង​ៗ គ្មាន​ឈ្មោះ​ជនល្មើស​នៅ​ក្នុង​របាយ​ការ​ណ៍ដែល​ធ្វើ​ឲ្យ​ពួក​ជនល្មើស​រឹតតែ​បានដៃ​បង្កើន​សកម្មភាព​ល្មើសច្បាប់​ទ្វេ​ដង​ពាសពេញ​តំបន់​ទន្លេសាប​។ ប្រភព​ដដែល​នេះ​បាន​វាយតំលៃ​ថា បើ​ពឹង​លើ​កម្លាំង​តាម​អង្គភាព​នានា មាន​ស្នាក់​​​ការ​លើ​ផ្ទៃ​ទឹក ឈរជើង​នៅ​តំបន់​ទន្លេសាប ដែល​ពួក​គេ​អួត​ថា «​ជា​កម្លាំង​ជំនាញ​ទប់ស្កាត់ ឬ បង្ក្រាប​បទល្មើស​នេសាទ​ស្អី​គេ​នោះ គ្មាន​បានការ​ទេ​»​ ។

ផ្ទុយ​ទៅ​វិញ​ កម្លាំង​ទាំងនោះ ទៅ​សំងំប្រព្រឹត្ត​តែ​អំពើ​ពុក​រលួយ​ជាមួយ​ពួក​ជនល្មើស ប្រមូល​តែ​ប្រាក់​​សំណូក​សំណែន​ពី​បទល្មើស​នេសាទ​តែ​ប៉ុណ្ណោះ​ ។ លើក​លេង​តែ​មាន​កម្លាំង​ចម្រុះ​ចុះ​ទៅ​បង្ក្រាប​ផ្ទាល់​ដល់​ទន្លេសាប​ទេ ទើប​ទ​ទួល​បាន​លទ្ធផល​ខ្លះ​ ។

អត្ថបទសរសេរ ដោយ