តាក់ស៊ីអនឡាញរបស់ថៃបង្ហាញបំណងចូលមកកាន់ទីផ្សារកម្ពុជា
រាជធានីភ្នំពេញ ៖ ទីផ្សារកម្ពុជាកំពុងតែមានភាពទាក់ទាញកាន់តែខ្លាំងហើយ ដោយ
រាជធានីភ្នំពេញ ៖ ទីផ្សារកម្ពុជាកំពុងតែមានភាពទាក់ទាញកាន់តែខ្លាំងហើយ ដោយ
រាជធានីភ្នំពេញ ៖ ទីផ្សារកម្ពុជាកំពុងតែមានភាពទាក់ទាញកាន់តែខ្លាំងហើយ ដោយក្រុមហ៊ុនតាក់ស៊ីអនឡាញ Grab របស់ថៃ គ្រោងចូលមកកាន់ទីផ្សារកម្ពុជានៅពេលខាងមុខនេះ ដើម្បីបម្រើសេវាកម្មធ្វើដំណើរជូនប្រជាពលរដ្ឋ ។
លោកទេសរដ្ឋមន្ត្រី ស៊ុន ចាន់ថុល កាលពីពេលថ្មីៗនេះ បានជួបពិភាក្សាជាមួយប្រធានគ្រប់គ្រងក្រុមហ៊ុន Grab Taxi លោក យី វីតាង (Yee Wee Tang) ប្រចាំប្រទេសថៃ ដែលមានគម្រោងបើកសេវាកម្មផ្នែកដឹកជញ្ជូនអ្នកដំណើរ ឲ្យកាន់តែងាយស្រួលក្នុងប្រទេសកម្ពុជា ។
លោក Yee Wee Tang បានស្នើសុំឲ្យមានការគាំទ្រពីសំណាក់ក្រសួងសាធារណការ និងដឹកជញ្ជូន លើដំណើរការចាប់ផ្ដើមនៃប្រតិបត្តិការរបស់ក្រុមហ៊ុន Grab Taxi នៅកម្ពុជា ។
លោកទេសរដ្ឋមន្ត្រី ស៊ុន ចាន់ថុល បានគាំទ្រចំពោះគម្រោងបើកអាជីវកម្មតាក់ស៊ីអនឡាញរបស់ក្រុមហ៊ុន Grab ព្រោះវានឹងជួយឲ្យការដឹកជញ្ជូនសាធារណៈនៅកម្ពុជា កាន់តែងាយស្រួលក្នុងកម្រិតថ្មីមួយទៀត ។
លោក កែន រដ្ឋា នាយរងខុទ្ទកាល័យលោកទេសរដ្ឋមន្ត្រី ស៊ុន ចាន់ថុល បានថ្លែងតាមទូរស័ព្ទនាព្រឹកថ្ងៃទី២៦ កញ្ញា ថា កិច្ចពិភាក្សានេះ គឺជាការស្នើសុំដើម្បីធ្វើអាជីវកម្ម ហើយមិនទាន់មានកាលបរិច្ឆេទច្បាស់លាស់ក្នុងការដំណើរការនៅឡើយទេ ព្រោះអាជីវកម្មតាក់ស៊ីអនឡាញនេះជាអាជីវកម្មបែបថ្មី ដែលទាមទារឲ្យជម្រាបដល់រាជរដ្ឋាភិបាល និងខាងក្រុមហ៊ុនត្រូវតែបំពេញតាមនីតិវិធីរបស់ក្រសួង ទើបក្រសួងអនុញ្ញាតឲ្យដំណើរការបាន ។
លោកបន្ថែមថា ៖« ការគ្រោងបង្កើតអាជីវកម្មរបស់ក្រុមហ៊ុន Grab Taxi នេះ ជារឿងល្អសម្រាប់ការធ្វើដំណើរ ជាពិសេស កាត់បន្ថយការកកស្ទះ និងជួយសម្រួលដល់ការធ្វើដំណើររបស់ប្រជាជន ដោយមិនចាំបាច់រង់ចាំឡានតាក់ស៊ី ខាតពេលវេលាដូចកាលពីមុនទៀតទេ » ។
បច្ចុប្បន្ន នៅកម្ពុជាមានក្រុមហ៊ុនតាក់ស៊ីជាច្រើនរួចមកហើយ ដូចជា តាក់ស៊ីក្រហម កាត់ស៊ីលឿង តាក់ស៊ីខៀវ និងក្រុមហ៊ុនផ្តល់សេវាកម្មដឹកអ្នកដំណើរតាមអនឡាញមួយចំនួនទៀតដូចជា Urber និង Go-X ជាដើម ។
លោក សាន ស៊ាន អ្នករត់តាក់ស៊ីម៉ែត្រដែលបំពាក់បច្ចេកវិទ្យា PassApp Taxi បានឲ្យដឹងថា ការជិះតាក់ស៊ីម៉ែត្រនេះ វាងាយស្រួល ហើយតម្លៃឃើញនឹងភ្នែក និងមិនបាច់តថ្លៃ ដែលធ្វើឲ្យអ្នកដំណើរមានទំនុកចិត្តខ្ពស់ ។
ទោះបីយ៉ាងណា លោកថា របរបែបថ្មីនេះ ពុំទាន់ជាផុសផុលនៅឡើយទេ ខណៈដែលអ្នកដំណើរពុំទាន់យល់ច្បាស់ពីរបៀបប្រើប្រាស់ និងមានទម្លាប់ចាស់នៅឡើយ ៕
ចែករំលែកព័តមាននេះ